မိုင်းတွင်းပြိုကျမှု တရုတ်နိုင်ငံသား တစ်ဦးအပါအဝင် ၅ဦး သေဆုံး

မိုင်းတွင်းပြိုကျမှုကြောင့် ပိတ်မိပြီး သေဆုံးသွားသူတွေရဲ့ ရုပ်အလောင်းကို ၂၀၁၈ သြဂုတ်လ ၃ ရက်နေ့ကတွေ့ရစဉ် / Photo: Sagaing Regional lnformation Page
စစ်ကိုင်းတိုင်းဒေသကြီး ကလေးဝမြို့နယ် သစ်ချောက်ကျေးရွာနဲ့ ၁၀ မိုင်အကွာမှာ ကျောက်မီးသွေးမိုင်းတွင်း ပြိုကျတာကြောင့် လူ ၅ ယောက် သေဆုံးတယ်လို့ စစ်ကိုင်းတိုင်းအစိုးရအဖွဲ့ဝန်ကြီးတစ်ဦးက ပြောပါတယ်။

ည ၁၂ နာရီလောက်မှာ ပေါက်ကွဲမှုဖြစ်ခဲ့ပြီး မိုင်းတွင်းထဲမှာ ပိတ်မိနေတဲ့ တရုတ်နိုင်ငံသား ၁ ယောက် အပါအ၀င် လူ ၅ ယောက်က သေဆုံးတယ်လို့ တိုင်းအစိုးရအဖွဲ့ဝင် စိုက်ပျိုးရေး မွေးမြူရေးနဲ့ ဆည်မြောင်းဝန်ကြီး ဦးကမ်ဇာမုံ က ပြောပါတယ်။

"ည ၁၂ နာရီလောက်မှာ အဲယားကွန်းကနေ ပေါက်ကွဲပြီး အဲကနေ ပြိုကျတာ ၄ ယောက်ကိုတော့ အပြင် ထုတ်နိုင်တာပေါ့နော်။ ဒါပေမဲ အဲ ၄ ယောက်လည်း အခြေအနေဆိုးလို့ ဆေးရုံတစ်ခါတည်း ပို့လိုက် တယ်တဲ့။အဲဒီ ၄ ယောက်ကတော့ သက်သာသွားပါပြီတဲ့။ အထဲမှာ ၅ ယောက်ကျန်တယ်။ နိုင်ငံခြားသား တစ်ယောက်နဲ့ နိုင်ငံသား ၄ ယောက်၊ အဲ ၅ ယောက်ကို ဒီနေ့ နေ့လယ် ၂ နာရီလောက်မှာ သွားတွေ့ တဲ့အခါကျတော့ သေပြီးသားဖြစ်နေတယ်တဲ့။ အောက်ဆီဂျင်ပြတ်သွားတာပေါ့နော်။"

ပိတ်မိနေသူတွေကို ကယ်ထုတ်ဖို့ ကြိုးစားခဲ့သူတွေထဲက လူ ၅ ယောက်လည်း မူးမေ့သွားတာကြောင့် ကလေးဝမြို့နယ် ဆေးရုံကြီးကို ပို့ဆောင်ထားရတယ်လို့ သိရပါတယ်။

ပြိုကျတဲ့မိုင်းတွင်းဟာ ထွန်းသွင်ကုမ္ပဏီကနေ လက်ခွဲလုပ်ကိုင်နေတဲ့ ရွှေပေါက်ပေါက်ကုမ္ပဏီရဲ့ လုပ်ကွက်ဖြစ်တယ်လို့ ဆိုပါတယ်။

အဲဒီကျောက်မီးသွေးတွင်းမှာ အနက်ပေ ၆၀၀ ရှိပြီး အတွင်းကန့်လန့်ဖြတ် လမ်းကြောင်းပေ ၂၀၀ မှာ ပြိုကျတာဖြစ်တယ်လို့ သိရပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ