 |
| မြန်မာပိုးချည်ဖက်ရှင်နဲ့ ဂျပန်ဝန်ကြီးချုပ်ကတော် (ဘယ်အစွန်ဆုံး) |
တကယ်တော့ ကမ္ဘာ့ထိပ်သီး အစည်းအဝေးတချို့မှာ ဝန်ကြီးချုပ်ကတော် အိုင်ကီအာဘေး ဝတ်တဲ့ဝတ်စုံတချို့ဟာ မြန်မာပြည်ဖွား ဒီဇိုင်နာ တယောက်ရဲ့လက်ရာတွေပါ။ ဒီဖက်ရှင်ဒီဇိုင်နာကတော့ မြန်မာလူငယ်တစ်ယောက်ပါ။
သူက ဂျပန်နိုင်ငံတိုကျိုမြို့မှာနေထိုင်ပြီး ဒီဇိုင်းလုပ်ငန်းမှာ အောင်မြင်နေတဲ့ မြန်မာပြည်ဖွားဂျပန် နိုင်ငံသား ဒီဇိုင်နာ ရှိဘူရဇာနည် ဖြစ်ပါတယ်။ နာမည်ကြီးအနုပညာရှင်တွေအပါအဝင် အောင်မြင်ကျော်ကြားသူတွေအတွက် ဒီဇိုင်းဆွဲပေးပါတယ်။ အဲဒီထဲမှာ ဂျပန်ဝန်ကြီးချုပ်ကတော်လည်းပါပါတယ်။ ကမ္ဘာ့ထိပ်သီးအစည်း အဝေးတခုမှာ သူဒီဇိုင်းဆွဲတဲ့ဝတ်စုံထဲကတစ်စုံကို ဂျပန်ဝန်ကြီးချုပ်ကတော်က ဝတ်သွားတာကို ရှိဘူရဇာနည် က အခုလိုပြန်ပြောပြပါတယ်။
"ဂျပန်ဝန်ကြီးချုပ်ကတော်က ကျနော်ဒီဇိုင်းဆွဲတဲ့ဝတ်စုံကိုဝတ်ပြီးတော့ ကနေဒါနိုင်ငံမှာ ကျင်းပတဲ့ G7 ထိပ်သီးအစည်းအဝေးကိုတက်တယ်။ အဲဒါကြောင့်မို့ မြန်မာပြည်ကဖြစ်ပေမယ့် နိုင်ငံတကာကလူကြီးလူကောင်းတွေက ကျွန်တော့်ရဲ့ဒီဇိုင်း၊ ကျွန်တော့်ရဲ့ပညာကိုလေးစားတော့ ကျွန်တော်ဂုဏ်ယူပါတယ်" လို့ ဇာနည်က ပြောပါတယ်။
 |
| ဂျပန်ဝန်ကြီးချုပ်နဲ့ဇနီး ကနေဒါက G7 အစည်းအဝေးမှာတွေ့ရစဉ် |
ဒီဇိုင်းဆွဲရာမှာ သူသုံးတဲ့အရောင်တွေက မြန်မာပြည်က ပန်းတွေရဲ့အရောင်တွေ၊ ရာသီဥတု အလိုက်ပြောင်းလဲနေတဲ့အရောင်တွေကနေရလာတဲ့ ခံစားချက်၊ အတွေးကိုယူပြီးဒီဇိုင်းတွေ ထွင်တာလို့ ဇာနည်ပြောပါတယ်။
ဒီဇိုင်နာ ဇာနည်ဟာ မြန်မာနိုင်ငံက ပိုးချည်အထည်လုပ်ငန်းတွေနဲ့လည်းအဆက်အသွယ်ရှိပြီး ဘားအံမြို့က အမျိုးသမီးတချို့အတွက် စက်ချုပ်သင်တန်းတွေဆောင်ရွက်ပေးနေတယ်လို့ ဆိုပါတယ်။ နိုင်ငံတကာရင်ဘောင်တန်းနိုင်တဲ့ ဒီဇိုင်းတွေကို မြန်မာပြည်ကပိုးချည်တွေနဲ့ ထုတ်နိုင်ဖို့ကြိုးစားနေတယ်လို့ ဒီဇိုင်နာ ဇာနည်က ပြောပါတယ်။
BBC Burmese
https://www.bbc.com/burmese
မြန်မာပိုးချည်ဖက်ရှင်နဲ့ ဂျပန်ဝန်ကြီးချုပ်ကတော်
Reviewed by THITHTOOLWIN
on
21:00
Rating:
Reviewed by THITHTOOLWIN
on
21:00
Rating:
