အသွင်ကူးပြောင်းရေးလုပ်ငန်းစဉ်ဟာ အခက်အခဲဆုံး လို့ နိုင်ငံတော်အတိုင်ပင်ခံပြော

နိုင်ငံတော်အတိုင်ပင်ခံပုဂ္ဂိုလ်ကို စင်ကာပူနိုင်ငံ ISEAS မှာ ၂၀၁၈ သြဂုတ်လ ၂၁ ရက်နေ့ကကျင်းပတဲ့ Myanmar's Democratic Transition : Challenges and Way Forward ဟောပြောပွဲမှာ တွေ့ရစဉ်။ Photo: Myanmar State Counsellor Office
မြန်မာနိုင်ငံရဲ့ အသွင်ကူးပြောင်းရေးလုပ်ငန်းစဉ်ဟာ အခက်အခဲဆုံးနဲ့ အရှုပ်ထွေးဆုံးလုပ်ငန်း စဉ်ဖြစ်ကြောင်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားလိုက်ပါတယ်။

ဒေါ်အောင်ဆန်းစုကြည်ဟာ စင်္ကာပူနိုင်ငံ ဂရင်းဟိုက်ယက်အင်တာနေရှင်နယ် ဟိုတယ်မှာ မြန်မာနိုင်ငံရဲ့ အသွင်ကူးပြောင်းရေးနဲ့ စိန်ခေါ်ချက်တွေအကြောင်း ခေါင်းစဉ်နဲ့ ဒီနေ့ဟောပွဲကျင်းပရာမှာ အခုလို ထည့်သွင်းပြောကြားခဲ့တာဖြစ်ပါတယ်။

"ပထမဆုံးအနေနဲ့ မြန်မာနိုင်ငံရဲ့ အသွင်ကူးပြောင်းရေးလုပ်ငန်းစဉ်ဟာ အခက်အခဲဆုံးနဲ့ အရှုပ်ထွေးဆုံးလုပ်ငန်းစဉ်ဖြစ်ပါတယ်၊ မြန်မာနိုင်ငံဟာ ၁၉၄၈ ကိုလိုနီလက်အောက်ခံနိုင်ငံကနေ လွတ်လပ်ရေးရပြီး ပါလီမန်ဒီမိုကရေစီခေတ်၊ ၁၉၆၂ ခုနှစ်မှာ စစ်အာဏာရှင်ခေတ်၊ ၁၉၈၈ ကနေ အခုအချိန်အထိ အသွင်ကူးပြောင်းခေတ်ဆိုတာတွေကို ကြုံတွေ့ခဲ့ရတာတွေကို ပြောကြားခဲ့တာပါ"

အဲဒီနောက် နိုင်ငံတကာက ဖိအားပေးတာတွေရှိနေတဲ့ ရခိုင်ပြည်နယ်မြောက်ပိုင်းအရေးကို ပြောကြားရာမှာ မကြာခင်က ကွယ်လွန်သွားတဲ့ ကုလသမဂ္ဂအတွင်းရေးမှူးချုပ်ဟောင်းနဲ့ ရခိုင်ပြည်နယ်အကြံပေးကော်မရှင် ဥက္ကဋ္ဌ ဒေါက်တာကိုဖီအာနန် အကြောင်းကိုလည်း ထည့်သွင်းပြောကြားခဲ့ပါတယ်။

ဒါ့အပြင် ရခိုင်ပြည်နယ်အရေးနဲ့ ပတ်သက်ပြီးလည်း မြန်မာအစိုးရအနေနဲ့ ရခိုင်ပြည်နယ်မြောက်ပိုင်းက ထွက်ပြေး သွားသူတွေ ပြန်လည်လက်ခံနေရာချထားရေးနဲ့ ကုလသမဂ္ဂအဖွဲ့ဝင်တွေ ဝင်ရောက်ခွင့်ပြုခဲ့သလို ပြန်နေရာချထား ဖို့ ကျေးရွာတွေလည်း အကောင်ထည်ဖော်ခဲ့ပြီးဖြစ်ကြောင်းလည်း ဒေါ်အောင်ဆန်းစုကြည်က ပြောပါတယ်။

အဲဒီနောက် နိုင်ငံတကာအသိုင်းဝိုင်းက စိတ်အဝင်စားဆုံးကိစ္စဟာရခိုင်ပြည်နယ်အရေးဖြစ်ပြီး ဒုတိယ စိတ်ဝင်စားမှုက ပြည်ပတိုက်ရိုက်ရင်းနှီးမြှုပ်နှံမှုဖြစ်ကြောင်း၊ ဒီအတွက် မြန်မာအစိုးရသစ်က ပြင်ဆင်ထားတာတွေ ကိုလည်းပြောကြားခဲ့ပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ