ဖားကန့် ဩဂုတ် ၂၆
ကချင်ပြည်နယ် မိုးညှင်းခရိုင် ဖားကန့်မြို့နယ်၌ ဩဂုတ်၂၅ရက် မွန်းတည့်၁၂နာရီခန့်က နေအိမ်အတွင်းဝင်ရောက်ကာ ဆယ်တန်းကျောင်းသူတစ်ဦးအား သတ်ဖြတ်မှုဖြစ်ပွားခဲ့ကြောင်း သိရသည်။
ဖြစ်စဉ်မှာ ဖားကန့်မြို့နယ်၊လုံးခင်းကျေးရွာအုပ်စု၊ငြိမ်းချမ်းသာယာ အပိုင်း(၁၀)ရှိ နေအိမ်ခြံဝင်းအတွင်း၌ မိန်းကလေးတစ်ဦး လဲကျသေဆုံးနေကြောင်း ရပ်ကွက်အုပ်ချုပ်ရေးမှူးမှ ဖုန်းဆက်အကြောင်းကြားခဲ့၍ လုံးခင်းနယ်မြေရဲစခန်းမှူး ဒုတိယရဲမှူးစိန်မြင့်ထွန်းနှင့် တာဝန်ရှိသူများက သွားရောက်ကြည့်ရှုရာ သေဆုံးသူမှာ ဒသမတန်းကျောင်းသူ(အောင်ပန်းခင်းဘော်ဒါ ဆောင်နေ)မသဲနုအောင်(၁၆)နှစ် ဖြစ်ပြီး ခန္ဓာကိုယ်ထိုးသွင်းဒဏ်ရာနှင့် ပြတ်ရှဒဏ်ရာများဖြင့် လဲကျသေဆုံးနေသည်ကို တွေ့ရှိရကြောင်း သိရသည်။
ဒေါ်မိမိထွေး(သေဆုံးသူ၏မိခင်)၏ ပြောပြချက်အရ ဩဂုတ် ၂၅ ရက် နံနက် ၁၁နာရီခွဲက မောင်ဝမ်းကွဲ၏ဇနီးအား ဆေးခန်းသို့ပို့ဆောင်ရန် နေအိမ်မှကားဖြင့်ထွက်ခွာစဉ် သမီးဖြစ်သူ မသဲနုအောင်(ဆယ်တန်း ကျောင်းသူ)သည် နေအိမ်၌တစ်ဦးတည်းကျန်ရှိခဲ့ကြောင်း၊မွန်းလွဲ ၂ နာရီခွဲက ဆေးခန်းမှ နေအိမ်သို့ပြန်လည်ရောက်ရှိချိန်တွင် မသဲနုအောင်မှာ နေအိမ်ခြံဝင်းအတွင်း ဒဏ်ရာများဖြင့် လဲကျသေဆုံး နေသည်ကို တွေ့ရှိရကြောင်း သိရသည်။
ဖြစ်စဉ်နှင့်ပတ်သက်၍ လုံးခင်းနယ်မြေရဲစခန်းတွင် မသဲနုအောင် သေဆုံးမှုအပေါ် သေမှုသေခင်းရေးဖွင့်ပြီး လူသတ်မှုကျူးလွန်သူအား စုံစမ်းဖော်ထုတ်လျက်ရှိကြောင်း သိရသည်။
ဝင်းနိုင်(ကချင်မြေ)
Myanmaalinn
https://www.facebook.com/MYANMAALINNNEWS
ဖားကန့်မြို့နယ်၌ နေအိမ်အတွင်း ဆယ်တန်းကျောင်းသူတစ်ဦး အသတ်ခံရ
Reviewed by THITHTOOLWIN
on
23:02
Rating:
Reviewed by THITHTOOLWIN
on
23:02
Rating:
