အင်ဒို-ပစိဖိတ်ဒေသအတွက် ကန် ဒေါ်လာသန်း ၃၀၀ ထောက်ပံ့မည်

ASEAN နိုင်ငံခြားရေးဝန်ကြီးများ အစည်းအဝေး သတင်းစာရှင်းလင်းပွဲမှ အမေရိကန်နိုင်ငံခြားရေးဝန်ကြီး Pompeo (သြ၈ုတ် ၄၊ ၂၀၁၈)
အင်ဒို-ပစိဖိတ် ဒေသတွင်း လွတ်လပ်ပြီး ပွင့်လင်းလာဖို့ ပဋိပက္ခဖြစ်နေတဲ့ ရခိုင် ပြည်နယ်မှာ ဆက်ပြီးဖြစ်နေတဲ့ လူသား ဘေးဒုက္ခအကျပ်အတည်း ဖြေရှင်းရေး အခြေအနေတွေ တိုးတက်လာဖို့နဲ့ အခြား လုံခြုံရေးဆိုင်ရာ ကိစ္စရပ်တွေဟာ အဓိက ကျတဲ့ အချက်တွေဖြစ်ကြောင်း အမေရိကန်နိုင်ငံခြားရေးဝန်ကြီး Mike Pompeo က ပြောကြားလိုက်ပါတယ်။

အရှေ့တောင်အာရှဒေသအတွက် လုံခြုံဆိုင်ရာ ရံပုံငွေ အသစ်အနေနဲ့ ဒေါ်လာ သန်းပေါင်း ၃၀၀ နီးပါး အမေရိကန်ပြည်ထောင်စုက ကူညီမှာဖြစ်ကြောင်း နိုင်ငံခြားရေးဝန်ကြီး Pompeo က စနေနေ့က ကတိပြု ပြောကြားရာမှာ အဲဒီလို ထည့်သွင်းပြောဆိုခဲ့တာဖြစ်ပါတယ်။

စင်္ကာပူနိုင်ငံမှာ ကျင်းပနေတဲ့ အာဆီယံ နိုင်ငံခြားရေးဝန်ကြီးအဆင့် ဆွေးနွေးပွဲနဲ့ တဆက်တည်း ပြုလုပ်တဲ့ အာဆီယံ မဟာမိတ်နိုင်ငံတွေနဲ့ စည်းဝေးပွဲကို တက်ရောက် လာတဲ့ အမေရိကန် နိုင်ငံခြားရေးဝန်ကြီး Mike Pompeo ဟာ သတင်းထောက်တွေကိုအခုလို ရံပုံငွေ ပမာဏ အတိအကျ ပြောကြားခဲ့တာ ဖြစ်ပါတယ်။

အင်ဒို-ပစိဖိတ်ဒေသ လုံခြုံရေး တိုးမြှင့်ဖို့ အမေရိကန်ရဲ့ ခိုင်မာတဲ့ ကူညီပံ့ပိုးမှု အစိတ်အပိုင်းအဖြစ် ဒေသတခုလုံး လုံခြုံရေးဆိုင်ရာ ပူးပေါင်းဆောင်ရွက်ရေး တွန်းအားပေးတဲ့အနေနဲ့ ဒေါ်လာ သန်းပေါင်း ၃၀၀ နီးပါး ရံပုံငွေအသစ်အနေနဲ့ ထောက်ပံ့ပေးသွားမှာဖြစ်တယ်လို့ ၀န်ကြီး Pompeo က ကြေညာခဲ့တာပါ။

အဲဒီရံပုံငွေ အသစ်ဟာ ရေကြောင်းဆိုင်ရာ လုံခြုံရေး အားကောင်းစေဖို့၊ လူသား ချင်း စာနာမှုဆိုင်ရာ အထောက်အပံ့တွေ၊ ငြိမ်းချမ်းရေးထိန်းသိမ်းမှုဆိုင်ရာ စွမ်း ရည်တွေ တိုးတက်လာဖို့ အပြင် နိုင်ငံ နယ်နမိတ်တွေ ဖြတ်ကျော် ခြိမ်းခြောက် မှုတွေကို ဆန့်ကျင် တန်ပြန်နိုင်ဖို့ ဖြစ်တယ်လို့လည်း Pompeo ကပြောပါတယ်။

ကြီးပွားတိုးတက်လာတဲ့ အာရှဒေသတွင်းနည်းပညာ၊ စွမ်းအင်နဲ့အခြေခံ အဆောက် အဦး စတာတွေမှာ ပဏာမအစီအစဉ်အဖြစ် အမေရိကန်ပြည် ထောင်စု အနေနဲ ဒေါ်လာ ၁၁၃ သန်း ရင်းနှီးမြှုပ်နှံဖို့ရှိကြောင်း ဒီသတင်းပတ် အစောပိုင်းက Mike Pompeo ကပြောဆိုခဲ့ပါတယ်။ ဒါဟာလည်း ဒေသတွင်း အမေရိကန်ပြည်ထောင်စု ရဲ့ စီးပွားရေးပူးပေါင်းဆောင်ရွက်မှု ခေတ်သစ်ရဲ့ တာဝန်ယူ ဆောင်ရွက်မှု အစဖြစ်ပါတယ်လို့ သူကပြောပါတယ်။

ဗွီအိုအေ (မြန်မာဌာန)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ