ဖားကန္႔ ေက်ာက္စိမ္းတြင္း ျပိဳက်မႈ လူ (၂)ဦးေသ၊ (၁)ဦး ဒဏ္ရာရ



Share/Bookmark
ဖားကန္႔ ေက်ာက္စိမ္းတြင္း ျပိဳက်မႈ လူ (၂)ဦးေသ၊ (၁)ဦး ဒဏ္ရာရ
ဖားကန္႔ ဆိပ္မႈ (ဆိုင္းေတာင္) ေက်းရြာအုပ္စု Kawng San ေက်းရြာ ႏွင့္ မိုးကာရြာ ၾကားတြင္ ေက်ာက္စိမ္းတြင္း ကမ္းပါး ၿပိဳက်မႈေၾကာင့္ ေရမေဆးသမား (၂)ဦး ေသဆုံးၿပီး (၁)ဦး ဒဏ္ရာ ရရွိသြားပါသည္။

ၾသဂုတ္လ (၂၉)ရက္ည (၈)နာရီ အခ်ိန္ 'ေအာင္ဟိန္းမင္း ကုမၸဏီ' ေဟာင္း လုပ္ကြက္တြင္ တႏုိတပုိင္ ေက်ာက္စိမ္းတူးေဖာ္သူ (၃)ဦးသည္ ကမ္းပါးၿပိဳလာေသာေၾကာင့္ ျပဳတ္က်သြားရာမွ ယခုလုိေသဆုံး ထိခိုက္မႈ ျဖစ္ပြားျခင္း ျဖစ္သည္ဟု အခင္းျဖစ္ပြားေနရာေရာက္ရွိသူမ်ား ေျပာျပသည္။

ယခုလို ေရမေဆးသမားမ်ား မၾကာခဏ ေျမစာပုံၿပိဳက်ျခင္း၊ ကမ္းပါးၿပိဳက်မႈေၾကာင့္ လူေသဆုံးမႈမ်ားလာသည့္အေပၚ အစိမ္းေရာင္အဖြဲ႔ (Green Land) မွ တာဝန္ရွိသူ ဦး Ying Hkaw ယခုလုိ
သုံးသပ္ေျပာဆိုသည္။

“ေက်ာက္မ်က္တူးေဖာ္တဲ့ကုမၸဏီမ်ားက ႏုိင္ငံေတာအစုိးရ ျပဌာန္းထားတဲ့ ဥပေဒအတုိင္း လုိက္နာေဆာင္ရြက္ျခင္းမရွိဘူး။ ဘာေၾကာင့္လဲဆုိေတာ့လုပ္ငန္းေတြ ပိတ္သိမ္းခ်ိန္မွာ ေျမ ျပန္ဖုိ႔ျခင္း မရွိဘူး။ ပြင့္လင္းရာသီမွာ စက္ကရိယာေတြကုိလုိအပ္တာထက္ အလြန္အက်ဳံ အသုံးျပဳတာေၾကာင့္ ကမ္းပါးေတြကြဲအက္လာတယ္။ မိုးရာသီဆိုေတာ့ ကမ္းပါးေတြၿပိဳ။ လူေသဆုံးမႈမ်ားလာတယ္။”

ေရမေဆးေက်ာက္တူးသမားမ်ားသည္လည္း မဆင္မျခင္ လုပ္ကုိင္စားေသာက္မႈ၊ ဥပေဒန႔ဲမညီေသာ သက္တမ္းကုန္ လုပ္ကြက္မ်ားတြင္ ဝင္ေရာက္တူးေဖာ္ျခင္း စသည္တုိ႔ကုိ မလုပ္သင့္ေၾကာင္း ႏွင့္ တႏိုင္တပိုင္ လုပ္ကုိင္ရာတြင္ သက္ဆုိင္ရာအစိုးရအာဏာပိုင္မ်ားကုိခြင့္ေတာင္းၿပီး လုပ္ကိုင္စားေသာက္ေစလုိေၾကာင္း ကုိ သူ ဆက္ဆိုသည္။

ယခုလက္ရိွ ဒဏ္ရာရရိွသူ ေရမေဆးသမား (၁)ဦး ဖားကန္႔ေဆးရုံႀကီးတြင္ ေဆးကုသမႈ ခံယူေနေၾကာင္း ေမးျမန္းသိရသည္။

Kachinnews
http://kachinnews.com/

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ