မြန်မာကို အရေးယူဖို့ ကုလကို ဘင်္ဂလားဒေ့ရှ် တင်ပြ

( ဘင်္ဂလားဒေ့ရှ် ကိုယ်စားလှယ် Masud Bin Momen ကို တွေ့ရစဉ် )
ဘင်္ဂလားဒေ့ရှ် အစိုးရက သူတို့နိုင်ငံကို ထွက်ပြေးရောက်ရှိနေတဲ့ ရိုဟင်ဂျာမွတ်စလင်တွေကို ပြန်လည် လက်ခံရန် မြန်မာအစိုးရအနေနဲ့ လိုအပ်သလို လုပ်ဆောင်ခြင်း မရှိတဲ့အတွက် လိုအပ်သလို အရေးယူဆောင်ရွက်ပေးပါလို့ ကုလသမဂ္ဂလုံခြုံရေးကောင်စီကို မနေ့က ပြောကြားလိုက်ပါတယ်။

လုံခြုံရေးကောင်စီကို ဘင်္ဂလားဒေ့ရှ် ကိုယ်စားလှယ် Masud Bin Momen မာဆူ ဘင် မိုမင် ပေးအပ်ခဲ့တဲ့ စာထဲမှာ သူတို့ အစိုးရက မြန်မာအစိုးရနဲ့ ဆက်သွယ်ကြိုးစားပေမယ့် ဒုက္ခသည်တွေ လုံခြုံစိတ်ချစွာ နေရပ်ပြန်လည် အခြေချရေးအတွက် လိုအပ်တဲ့ အခြေအနေတွေကို မြန်မာနိုင်ငံဘက်က အခုအချိန်ထိ ဖြည့်ဆီးနိုင်ခြင်း မရှိသေးကြောင်း ဖေါ်ပြထားပါတယ်။

ဒါ့အပြင် မြန်မာအစိုးရဟာ ဒီပြသနာရဲ့ ပမာဏကြီးမားလှတာကို လျှော့ချဖို့ ကြိုးစားတဲ့အနေနဲ့ ရခိုင်ပြည်နယ်က သူတို့နိုင်ငံ ထွက်ပြေးရောက်ရှိနေသူအရေအတွက်ကို ၅ သိန်းထက်မပိုပါဘူးလို့ ပြောကြားနေကြောင်းလည်း ဘင်္ဂလားဒေ့ရ်ှအစိုးရက လုံခြုံရေးကောင်စီကို တင်ပြတဲ့စာမှာ ပါရှိပါတယ်။

တရက်တည်းမှာပဲ ဒါကာမြို့ရှိ အင်ဒိုနီးရှားသံရုံးမှာ ဗုဒ္ဓးဟူးနေ့ မနေ့က ကျင်းပတဲ့ အခမ်းအနားတခုမှာ ဘင်္ဂလားဒေ့ရှ် စီမံကိန်းဝန်ကြီး Mustafa Kamal မွတ်စတာဖာ ကမားလ် က ရိုဟင်ဂျာပြသနာဟာ ကာလကြာရှည်တာနဲ့အမျှ ဖြေရှင်းဖို့ခက်ခဲလာမှာဖြစ်တဲ့အတွက် အာဆီယံအဖွဲ့ဝင်နိုင်ငံတွေအနေနဲ့ ဝိုင်းဝန်းအဖြေရှာကြပါလို့ တိုက်တွန်းခဲ့ကြောင်း ဒါကာကလာတဲ့ သတင်းတပုဒ်မှာ ဖေါ်ပြထားပါတယ်။

RFA Burmese
https://www.facebook.com/rfaburmese/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ