 |
| လှည်းတန်း ခုံးကျော်တံတားအောက်မှာ တောင်းရမ်းစားသောက် နေထိုင်သူတချို့ |
အသက်ကြီးတဲ့သူတွေ သာမက ကလေးငယ်လေးတွေကိုလည်း ဆေးတိုက် ချအိပ်ခိုင်းပြီး တောင်းခိုင်းနေတာကိုတွေ့လို့ တိုင်ကြားကြတာတွေ များပြီ၊ အရင်က စည်ပင်ရဲတွေက သွားဖမ်းရင် ယူနီဖောင်းတွေ ကားတွေမြင်ရင်ပြေးရော၊ အခုက လူမှုရေးအဖွဲ့တွေပါ ပူးပေါင်းပြီး အရပ်ဝတ်နဲ့ ဖမ်းခဲ့တာ၊ ကလေးတွေ အပါအဝင် ၄၉ ဦး မိတယ်။ အဲဒီထဲမှာ နောက်ကနေခိုင်းနေတဲ့သူ ၇ ဦးလောက် စစ်ဆေးတွေ့ရတယ်လို့ ဦးတင်ဝင်းက ပြောပါတယ်။
လှည်းတန်း ခုံးကျော်တံတားအောက်မှာ တောင်းရမ်းစားသောက် နေထိုင်သူတွေကို ကမာရွတ်မြို့နယ် အုပ်ချုပ်ရေးမှူး၊ ရဲတပ်ဖွဲ့၊ စည်ပင်နဲ့ လူမှုရေး အသင်းအဖွဲ့တွေ ပူးပေါင်းပြီး သြဂုတ်လ ၁၁ ရက်က ဖမ်းဆီးခဲ့တာပါ။
 |
| လမ်းဘေးတောင်ရမ်းစားနေသူတွေရဲ့ နောက်ကွယ်က စေခိုင်းသူတွေကို ဖမ်းမိထား |
အခုလို အာဏာပိုင်တွေကပါ ပူးပေါင်းဖမ်းဆီးတာဟာ တောင်းရမ်းစားသောက် နေသူတွေထဲမှာ အထူးသဖြင့် ကလေးတွေကို ဆေးတိုက်ပြီး နောက်ကွယ်ကနေ စေခိုင်းနေတဲ့ အဖွဲ့တွေရှိနေလို့ ဖော်ထုတ်ဖမ်းဆီးနိုင်တာလို့ ကိုဖိုးဇော်က ပြောပါတယ်။
သြဂုတ်လ ၁၁ ရက် မနက်ပိုင်းကနေ ည ၁၀ နာရီခွဲအထိ လှည်းတန်း ခုံးတံတားအောက် ပတ်ဝန်းကျင်မှာ စောင့်ဖမ်းခဲ့ရာမှာ အသက် ၃၀ ကျော် အရွယ်ကနေ ၁၀ နှစ် ၅ နှစ်အောက် ကလေးတွေ အပါအဝင် ကျား၂၄ ဦး၊ မ ၂၅ ဦးကို ထိန်းသိမ်းရရှိ ခဲ့တယ်လို့ ဦးတင်ဝင်းက ပြောပါတယ်။
ဖမ်းဆီးထိန်းသိမ်းခဲ့ရာမှာ ပါဝင်တဲ့ ကလေးတွေကို လိုအပ်တဲ့ စစ်ဆေး မေးမြန်းမှုတွေ လုပ်ပြီးရင် လူမှုဝန်ထမ်း ဦးစီးဌာနကို ဥပဒေနဲ့အညီ လွှဲပြောင်း ဆောင်ရွက် သွားမှာဖြစ်တယ်လို့လည်း ဦးတင်ဝင်းက ပြောပါတယ်။
အခုလို လှည်းတန်း ခုံးကျော်တံတားအောက် ဝန်းကျင်မှာ နေထိုင်ပြီး တောင်ရမ်းစားနေသူတွေကို ထွေ/အုပ်၊ ရဲတပ်ဖွဲ့၊ စည်ပင်နဲ့ အရပ်ဘက်အဖွဲ့တွေက တောင်ရမ်းစားသောက်နေသူတွေကို ဖမ်းဆီးရတာက နောက်ကွယ်က စေခိုင်းတဲ့သူတွေရှိတယ်ဆိုတဲ့ သတင်းပေးပို့ချက်တွေ ရထားလို့ ဖမ်းဆီးခဲ့ရတာလို့လည်း သူက ပြောပါတယ်။
BBC Burmese
https://www.bbc.com/burmese
လမ်းဘေးတောင်းရမ်းစားနေသူတွေရဲ့ နောက်ကွယ်က စေခိုင်းသူတွေကို ဖမ်းမိထား
Reviewed by THITHTOOLWIN
on
22:05
Rating:
Reviewed by THITHTOOLWIN
on
22:05
Rating:
