၁၃ နှစ်အရွယ် မိန်းကလေးအား တရုတ်နိုင်ငံသားထံရောင်းချခဲ့သည့် သူများကို ဖမ်းဆီးရမိရေးဆောင်ရွက်နေ


သြဂုတ် ၁၂

အသက် တစ်ဆယ့်သုံးနှစ်အရွယ် မိန်းကလေးအား တရုတ်နိုင်ငံသားထံရောင်းချခဲ့သည့် သူများကို ဖမ်းဆီးရမိရေးအတွက် လူကုန်တားရဲတပ်ဖွဲ့ နှင့် နယ်မြေခံရဲများ ပူးပေါင်းဆောင်ရွက်နေကြောင်း သိရသည် ။

ပုသိမ်ကြီးမြို့နယ် ကျောက်ချောကျေးရွာနေ ၁၃ နှစ် အရွယ် မိန်းကလေးအား ဇူလိုင်လ (၁၀) ရက်နေ့က အဖွားဖြစ်သူ ဒေါ်မြမြ က မူဆယ်သို့ အဖော်အဖြစ်ခေါ်သွားခဲ့ကာ ဇူလိုင်လ (၁၆) ရက်နေ့တွင် ဒေါ်မြမြ မှာ တစ်ဦးတည်း ပြန်လာခဲ့ကြောင်း သိရသည် ။

ထို့နောက် ၁၃ နှစ် အရွယ် မိန်းကလေး၏ အမေတူ အဖေကွဲ အမတော်စပ်သူ မခင်ဆွေလင်း (၂၈) နှစ် က မေးမြန်းရာ လူကုန်ကူးခံရသည့် မိန်းကလေးမှာ မမြသီတာထွန်း၊ လှအောင်တို့နှင့်အတူ မန္တလေးမြို့ထဲတွင်ရှိနေကြောင်း ၊ ဇူလိုင်လ (၁၇) ရက်နေ့တွင် ရွာသို့ပြန်လည်ပို့ဆောင်ပေးခဲ့၍ ဇူလိုင်လ (၁၈) ရက်နေ့တွင် မမြသီတာထွန်းနှင့် လှအောင်တို့မှ မည်သူ့ ကို မျှအသိမပေးဘဲ အသက်ဆယ့်သုံးနှစ်အရွယ် မိန်းကလေးအား လာရောက်ခေါ်ဆောင်သွားကြောင်း သိရသည် ။

ထို့အတွက်ကြောင့် ဒေါ်မြမြ ၊ မမြသီတာထွန်းနှင့် လှအောင်တို့ကို အုန်းချောနယ်မြေခံရဲစခန်းတွင် (ပ)၁၄၆/၂၀၁၈ လူကုန်တားဥပဒေပုဒ်မ ၂၄/၃၂ အရအမှုဖွင့်ခဲ့ရာ ဒေါ်မြမြအားဖမ်းဆီးရမိခဲ့သော်လည်း မမြသီတာထွန်း နှင့် လှအောင် တို့မှာ ဖမ်းဆီးရမိခဲ့ခြင်း မရှိခဲ့ပေ ။

``လူကုန်ကူးတဲ့ သူတွေကို ဖမ်းဖို့လုပ်နေတယ် ။ ခုတော့ တစ်ယောက်ပဲမိသေးတယ် ။ ကလေးမလေးကို ပေါင်းသင်းနေထိုင်တဲ့ တရုတ်လူမျိုးကိုတော့ ဖမ်းဆီးရမိထားတယ် ။ ကျန်တဲ့သူတွေကို နယ်မြေခံနဲ့ ကျွန်တော်တို့ လူကုန်တားရဲ နဲ့ ပူးပေါင်းပြီး ဖမ်းဆီးရမိရေး ဆောင်ရွက်သွားမယ်။´´ ဟု လူကုန်ကူးမှု တားဆီးနှိမ်နှင်းရေး တပ်ဖွဲ့ခွဲ(မန္တလေး) က ရဲမှူးမျိုးဇင် က ပြောသည် ။

ထို့နောက် လူကုန်ကူးခံရသည့် အသက်ဆယ့်သုံးနှစ်အရွယ် မိန်းကလေးမှာ သြဂုတ်လ ၉ ရက်နေ့က ရွာသို့တစ်ဦးတည်း ပြန်လည်ရောက်ရှိလာသဖြင့် သက်ဆိုင်ရာက မေးမြန်းခဲ့ရာ ၄င်းအား မမြသီတာထွန်း နှင့် လှအောင်တို့မှ တရုတ်နိုင်ငံ၊ ကျယ်ဂေါင်မြို့ သို့ခေါ်ဆောင်သွားပြီး တရုတ်နိုင်ငံသား အားချန်(ခ)အားထန်(ခ)ထွန်းထွန်း (၃၆) နှစ် နှင့် လက်ထပ်ပေးစားရန်လုပ်ဆောင်ခဲ့ကြောင်း ၊ ထို့နောက် မန္တလေးမြို့ ပြည်ကြီးတံခွန်မြို့နယ်၊ (စ)ရပ်ကွက်၊ ထထ-၃ ရှိ နေအိမ်တစ်အိမ်တွင် တရုတ်နိုင်ငံသားနှင့် လင်မယားအဖြစ် ၁၉ ရက်ပေါင်း သင်းနေထိုင်ခဲ့ကြောင်း ထွက်ဆိုပြောကြားခဲ့သည် ။

ယင်းဖြစ်စဉ်နှင့်ပတ်သက်၍ သြဂုတ်လ (၁၁) ရက်နေ့က ၁၃ နှစ် အရွယ် မိန်းကလေး၏ အမေတူ အဖေကွဲ အမတော်စပ်သူ မခင်ဆွေလင်း က တရုတ်နိုင်ငံသား အာချန်(ခ)အားထန် (ခ) ထွန်းထွန်း၊ ဒေါ်မြမြ၊ မမြသီတာထွန်းနှင့် လှအောင်(ခ)ကျော်ကျော်တို့အား စက်မှု နယ်မြေခံရဲစခန်းတွင် (ပ) ၃၉၉/၂၀၁၈၊ ရာဇသတ်ကြီးပုဒ်မ ၃၇၆/၁၁၄ အရ အမှုဖွင့်ခဲ့သည် ။

ယင်းအမှုတွင် တရုတ်နိုင်ငံသားအား သြဂုတ်လ ၁၁ ရက်နေ့ ညပိုင်းက ဖမ်းဆီးရမိခဲ့ပြီး ဒေါ်မြမြမှာလည်း လူကုန်ကူးမှုဖြင့် အမှုဖွင့်ခံရစဉ်က ဖမ်းဆီးရမိထားပြီးဖြစ်ကာ လွတ်မြောက်နေသည့် မမြသီတာထွန်းနှင့် လှအောင် တို့အား ဖမ်းဆီးရမိရေး လုပ်ဆောင်နေကြောင်း သိရသည် ။

နိုင်လင်းဦး
The Fifth Wave News
https://www.facebook.com/fifthwavenews/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ