အာဖဂန်မှာ ခရီးသည် ၁၀၀ ကျော်ကို တာလီဘန် ဖမ်းဆီး

အစိုးရက ငြိမ်းချမ်းရေး ကမ်းလှမ်းပေမယ့် အဆင်မပြေ
အာဖဂန်နစ္စတန် နိုင်ငံ မြောက်ပိုင်းမှာ ခရီးသည်တင် ကား ၃ စီး ကို တာလီဘန် အဖွဲ့တွေက တိုက်ခိုက်မှုတွေ လုပ်ခဲ့ပြီး ခရီးသည် ၁၃၀ ကျော် ကို ဖမ်းဆီး ခေါ်ဆောင် သွား ခဲ့ပါတယ်။

ဒီလို တိုက်ခိုက်မှုတွေ လုပ်ရတာ က ဘတ်စ်ကား ပေါ်မှာ လိုက်ပါလာတဲ့ အစိုးရ လုံခြုံရေး အဖွဲ့ ဝင် တွေကို ပစ်မှတ် ထား လုပ်ဆောင်တာ ဖြစ်ပြီး အရပ်သား ခရီးသည်တွေကို ပြန်လွှတ် ပေးသွားမယ်လု့ တာလီဘန် ပြောရေး ဆိုခွင့် ရှိသူက ပြောပါတယ်။

အာဖဂန် သမ္မတ အက်ရ်ှရပ်ဖ် ဂါနီ က ၃ လ ကြာ ပစ်ခတ် တိုက်ခိုက်မှု ရပ်ဆိုင်း ထားဖို့ ကမ်းလှမ်း ခဲ့ပြီးနောက်မှာ ခရီးသည်တင် ကားတွေကို တာလီဘန် တွေက တိုက်ခိုက် ခဲ့ကြတာ ဖြစ်ပါတယ်။

သမ္မတ ကမ်းလှမ်း ထားတဲ့ အပစ်အခတ် ရပ်ဆိုင်း ရေးကိုလည်း တာလီဘန် ခေါင်းဆောင် တွေက ငြင်းဆန် ပယ်ချ ခဲ့ပါတယ်။ ပြီးတော့ အစိုးရ စစ်တပ် ကို ပြန်လည် တိုက်ခိုက်သွားမယ် ဆိုပြီးတော့လည်း တာလီဘန် ခေါင်းဆောင် ရှိတ် ဟတ်ဘတ်တူလာ အခွန်ဇာဒါး က ရိုက်တာ သတင်း ဌာန ကို ပြောဆို ခဲ့ပါတယ်။

ဒါပေမယ့် လာမယ့် ရက်အနည်းမှာ ကြရောက်မယ့် အစ္စလာမ်ဘာသာရေး အထွတ်အမြတ် ပွဲတော်ကို ကြိုဆို တဲ့ အနေနဲ့ ရန်သူ အကျဉ်းသား ရာနဲ့ ချီပြီးတော့ လွှတ်ပေးဖို့ ရှိတယ် ဆိုပြီး တာလီဘန် ခေါင်းဆောင် က ပြောဆို ပါတယ်။
ပြီးခဲ့တဲ့ ရက်က အာဖဂန် စာသင်ခန်းထဲမှာ တာလီဘန် က အသေခံဗုံးခွဲတာကြောင့် ၄၈ ဦး သေဆုံးခဲ့ရပါတယ်။
နိုင်ငံ မြောက်ပိုင်း ဂါဇီ မြို့မှာ ဖြစ်ပွား ခဲ့ရတဲ့ တိုက်ခိုက်မှုက အဲဒီ ခရီးသည် တင် ကားပေါ်မှာ အစိုးရ စစ်တပ် က တပ်ဖွဲ့ဝင် အများအပြား လိုက်ပါ လာတယ်လို့ သတင်း ရရှိတာကြောင့် လုပ်ဆောင် ရတာ လို့ တာလီဘန် တို့ က ပြောဆိုပါတယ်။

အာဖဂန်နစ္စတန် မှာ အစိုးရ စစ်တပ် နဲ့ တာလီဘန် လက်နက်ကိုင် တို့ အကြားမှာ တိုက်ပွဲတွေ ပြန်လည် ဖြစ်ပေါ်နေပါတယ်။ အပစ်အခတ် အရပ်စဲ ရေး အတွက် အစိုးရ က ကမ်းလှမ်း ထားပေမယ့် တာလီဘန် တို့ ဘက် ကတော့ ငြိမ်းချမ်းရေး ကိုငြင်းဆန် နေပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ