တိုင်းနဲ့ပြည်နယ် ၅ ခုမှာ မိုးကြီးနိုင်

၂၀၁၈ ခုနှစ်၊ သြဂုတ်လ (၆)ရက်နေ့ ည (၇:၀၀)နာရီအချိန် ထုတ်ပြန်ချက်ကို တွေ့ရစဉ်/ ဓါတ်ပုံ - မိုးလေဝသနှင့်ဇလဗေဒညွှန်ကြားမှုဦးစီးဌာန - ဖေ့စ်ဘွတ်

တိုင်းဒေသကြီးနဲ့ ပြည်နယ် ၅ ခုမှာ မိုးကြီးနိုင်တယ်လို့ မိုးလေ၀သနဲ့ ဇလဗေဒ ညွှန်ကြားမှုဦးစီးဌာန တာဝန်ရှိသူတစ်ဦးက ပြောပါတယ်။

ရခိုင်၊ ဧရာဝတီ၊ ရန်ကုန်၊ မွန် နဲ့ တနင်္သာရီ စတဲ့တိုင်းနဲ့ ပြည်နယ် ၅ ခုမှာ နေရာကွက်ပြီး မိုးကြီးနိုင်တယ်လို့ မိုးလေ၀သနဲ့ ဇလဗေဒညွှန်ကြားမှုဦးစီးဌာန ဒုတိယ ညွှန်ကြားရေးမှူးချုပ် ဦးကျော်မိုးဦး က ပြောပါတယ်။

"ဘင်္ဂလားပင်လယ်အော်မှာ ဖြစ်နေတဲ့ လေဖိအားနည်းရပ်ဝန်းက ကုန်းတစ်ဝက် ရေတစ်ဝက်လောက်ရှိတယ် ပေါ့နော်၊ နောက်ရက်တွေကျရင်တော့ ပိုမိုအားကောင်းတဲ့ လေဖိအားနည်းရပ်ဝန်း ဖြစ်လာပြီးတော့မှ အိန္ဒိယနိုင်ငံ ထဲကို ၀င်သွားမှာပေါ့နော်၊ ဒါပေမဲ့ လေဖိအားနည်းရပ်ဝန်းရဲ့ အရှိန်ကြောင့်မို့လို့ ကျနော်တို့ဆီမှာတော့ မုတ်သုံအင်အားကောင်းလာမယ့် အနေအထားရှိတယ်၊ ကမ်းရိုးတန်းတွေမှာတော့ မိုးပိုနေမယ့်အနေအထား ရှိတယ်ပေါ့နော်၊ ရခိုင်၊ ဧရာဝတီ၊ ရန်ကုန်၊ မွန်၊ တနင်္သာရီပေါ့နော်၊ ဒီဒေသတွေမှာတော့ ဆက်ပြီးတော့ မိုးပိုနေမယ့် အနေအထားတွေရှိတယ်ပေါ့နော်၊ နေရာကွက်မိုးကြီးမှု ဖြစ်စဉ်တွေ ဖြစ်နိုင်တယ်"

မွန်၊ ကရင်၊ တနင်္သာရီနဲ့ ပဲခူးတို့မှာ ပြီးခဲ့တဲ့ရက်ပိုင်းက ရေကြီးရေလျှံမှုတွေကြောင့် စုစုပေါင်းလူဦးရေ သိန်းနဲ့ချီ ရေဘေးလွတ်ရာကို ပြောင်းရွှေ့ခဲ့ကြရာကနေ အခု တဖြည်းဖြည်း ရေပြန်ကျသွားတာကြောင့် ရေဘေးသင့် လူဦးရေ လျှော့နည်းလာခဲ့တာ ဖြစ်ပါတယ်။

မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နဲ့ ကမ်းလွန်ပင်လယ်ပြင်တွေမှာ ရံဖန်ရံခါ မိုးသက်လေပြင်းတွေ ကျရောက်ပြီး လှိုင်းအမြင့် ၉ ပေကနေ ၁၂ ပေလောက်အထိ ရှိနိုင်သလို လေတိုက်နှုန်း တစ်နာရီကို မိုင် ၄၀ အထိ တိုက်ခတ်နိုင်တယ်လို့လည်း မိုးဇလက ထုတ်ပြန်ထားပါတယ်။

ရခိုင်ကမ်းရိုးတန်းတစ်လျှောက်နဲ့ ကမ်းလွန်ပင်လယ်ပြင်တွေမှာ လှိုင်းအမြင့် ၆ ပေ ကနေ ၉ ပေအထိ ရှိနိုင်တယ်လို့လည်း သတိပေးထားပါတယ်။

အဲဒီအခြေအနေတွေကို မြန်မာ့ဆိပ်ကမ်းအာဏာပိုင်နဲ့ ရေကြောင်းဦးစီးဌာနတို့ကို အသိပေးထားတဲ့အတွက် ကမ်းနီးကမ်းဝေ ငါးဖမ်းရေယာဉ်တွေကို ပေးထွက်မှာ မဟုတ်ဘူးလို့ ဦးကျော်မိုးဦး က ပြောပါတယ်။

ဒါ့အပြင် စစ်တောင်းမြစ်ရေဟာ မဒေါက်မြို့ရဲ့ စိုးရိမ်ရေမှတ်အထက် ရှိနေသလို သံလွင်မြစ်ရေဟာလည်း စိုးရိမ်ရေမှတ်အထက်မှာ ဆက်ရှိနေပြီး ချင်းတွင်းမြစ်ရေဟာ မင်းကင်းမြို့၊ င၀န်မြစ်ရေဟာ သာပေါင်းမြို့တို့ရဲ့ စိုးရိမ်ရေမှတ်တွေအထက်မှာ ကျော်လွန် ရောက်ရှိနေပါတယ်။

RFA Burmese
https://www.rfa.org/burmese