ထန်းတပင်မြို့နယ်၌ ယာဉ်တိုက်မှုဖြစ် လူ (၄)ဦး သေဆုံး

ထန်းတပင်မြို့နယ်၌ ယာဉ်တစ်စီးအရှိန်လွန်ကာ ရေမြောင်းထဲသို့ ထိုးကျမှုကြောင့် လူလေးဦးသေဆုံးမှုဖြစ်ပေါ်
ထန်းတပင် သြဂုတ် ၁၉

ရန်ကုန်မြောက်ပိုင်းခရိုင်၊ ထန်းတပင်မြို့နယ်၊ ရိုးခွရွာထိပ်အနီး၌ သြဂုတ် ၁၈ ရက် မွန်းလွဲ ၃နာရီအချိန်က ယာဉ်တစ်စီးအရှိန်လွန်ကာ လမ်းဘေး သစ်ပင်အား ဝင်တိုက်မိပြီး ရေမြောင်းအတွင်းသို့ ထပ်မံထိုး ကျ သွားသောကြောင့် ယာဉ်မောင်းမှာ(ပြင်ပလူနာ)အခြေအနေနှင့် ၄င်းယာဉ်ပေါ်ပါ လူ (၄) ဦးတို့မှာ အခင်း ဖြစ် နေရာတွင် သေဆုံးမှုဖြစ်ပေါ်ခဲ့ကြောင်း ထန်းတပင်မြို့မရဲစခန်းမှသိရသည်။

အဆိုပါ ဖြစ်စဉ်မှာ ထန်းတပင် - သီတာအေးလမ်းအတိုင်း ထန်းတပင်ဘက်သို့ ယာဉ်မောင်း ဇော်မင်းထိုက် (၃၅)နှစ် မောင်းနှင်လာသော (6k/-----) HILUX SURF ခဲရောင်(ပိုင်)ယာဉ်သည် ရိုးခွရွာထိပ်အနီး အရောက်တွင် အရှိန်လွန်ကာလမ်းဘေး သစ်ပင်အား တိုက်မိ၍ ရေမြောင်းအတွင်းသို့ထပ်မံထိုးကျ သွားသဖြင့် ယာဉ်ပျက်စီးပြီး ယာဉ်မောင်းဇော်မင်းထိုက်(၃၅)နှစ် (ပြင်ပလူနာ) နှင့် ၄င်းယာဉ်ပေါ်ပါ စံကင်းကြီးကျေးရွာနေသူ ကိုနိုင်လင်း(၄၀)နှစ်နှင့် ကိုဇော်မြင့်(၄၇)နှစ်၊ အတွင်းရေကျော်ကျေးရွာနေသူ ဦးကြည်ဝင်း (၅၆) နှစ်နှင့် ကိုခင်မောင်ဝင်း (၄၇)နှစ် လေးဦးတို့တွင် ဒဏ်ရာအသီးသီးရရှိကာ အခင်းဖြစ် နေရာတွင် သေဆုံးခဲ့ ကြောင်းသိရသည်။

၎င်းဖြစ်စဉ်နှင့် ပတ်သက်၍ ယာဉ်အား မဆင်မခြင်မောင်းနှင်သူ ယာဉ်မောင်းဇော်မင်းထိုက်(၃၅)နှစ် အမ္မတီကျေးရွာ၊ တွံတေးမြို့နေသူကို ထန်းတပင်မြို့မရဲစခန်းမှ အမှုဖွင့်အရေးယူဆောင်ရွက်ထားကြောင်း သိရသည်။

အဆိုပါ အခင်းဖြစ်စဉ်နေရာသို့ ထန်းတပင်မြို့နယ် မီးသတ်စခန်းမှ စခန်းတာဝန်ခံ ဒုတိယ မီးသတ် ဦးစီးမှူး ဦးမိုးမင်းအောင်ဦးဆောင်၍ သန္ဓေတပ်ဖွဲ့ဝင် ၁၂ ဦးနှင့် အရန်မီးသတ်တပ်ဖွဲ့ဝင်ငါးဦးတို့မှ ရှာဖွေကယ်ဆယ် ရေးလုပ်ငန်းများကိုဆောင်ရွက်ပေးခဲ့ကြပြီး ဒဏ်ရာရရှိ သူတစ်ဦးကို ထန်းတပင်စေတနာ နာရေးကူညီမှု အသင်းမှ ကားဖြင့် ထန်းတပင်ပြည်သူ့ဆေးရုံသို့ ပို့ဆောင်ကူညီပေးခဲ့ကြပြီး အခင်းဖြစ်နေရာတွင် သေဆုံးသူ လေးဦးတို့ကို အင်းစိန်ဆေးရုံသို့ထပ်မံ ပို့ဆောင်ပေးခဲ့ ကြောင်းသိရသည်။

ဇင်မင်းထိုက်(ပြန်/ဆက်)
Myanmaalinn
https://www.facebook.com/MYANMAALINNNEWS/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ