သီရိလင်္ကာ ဆရာတော် ထောင်ဒဏ် ၆ နှစ် ချမှတ်ခံရ

LAKRUWAN WANNIARACHCHI / AFP
 သီရိလင်္ကာနိုင်ငံမှာ အမုန်းတရားဖြန့်ချိပြီး ဆူပူမှုတွေဖြစ်ပေါ်အောင် ကြိုးပမ်းမှုတွေနဲ့ နံမည်ကျော်တဲ့ ဘုန်းတော်ကြီးတပါးကို တရားရုံးမထေမဲ့မြင်ပြုမှုနဲ့ ထောင်ဒဏ် ၆ နှစ် မနေ့က အပြစ်ပေးလိုက်ပါတယ်။ အဲဒီ ဆရာတော် Galagodaatte Gnanasara ဂလာဂိုဒက် နာနာဆားရာ ဟာ ဗုဒ္ဓအင်အား ဆိုတဲ့ အဖွဲ့အစည်းတခုကို ထူထောင်ပြီး လူနည်းစု မွတ်စလင်နဲ့ ခရစ်ယန်ဘာသာဝင်တွေကို ရန်ရှာကာ အဓိကရုန်းတွေ ပေါ်ပေါက်အောင် သွေးထိုးလှုံ့ဆော် ခဲ့တယ်လို့ ဆိုပါတယ်။

အမုန်းတရား ပြောဆိုမှုတွေကို ဝေဖန်ဖေါ်ထုတ်ရင်း ပျောက်ဆုံးသွားခဲ့တဲ့ သတင်းထောက်တဦးရဲ့ ဇနီးဖြစ်သူကို အသက်အန္တရာယ်ပြုမယ်လို့ ခြိမ်းခြောက်ပြောဆိုခဲ့မှုအတွက် မူလက ထောင်ဒဏ် ၆ လ အပြစ်ပေး ချမှတ်ပြီးဖြစ်တဲ့ အဲဒီ သံဃာကို တရားရုံးမှာ အမှုကို စစ်ဆေးနေစဉ်အတွင်း တရားသူကြီးနဲ့ ရှေ့နေတွေကို အော်ဟစ်ကြိမ်းမောင်းခဲ့တဲ့အတွက် ပုဒ်မ ၄ ခုနဲ့ ထပ်မံစွဲချက်တင်ပြီး အခုလို ထောင်ဒဏ် ၆ နှစ်အပြစ်ပေးလိုက်တာပါ။ ပြစ်ဒဏ်အားလုံးကို တပေါင်းတစည်းတည်းကျခံစေရမယ်လို့ ဆိုပါတယ်။ အဲဒီ ဆရာတော်ဟာ မြန်မာနိုင်ငံမှာ အမုန်းတရား ဖြန့်ချိမှုအတွက် နံမည်ကျော်တဲ့ အရှင် ဝီရသူနဲ့ ရင်းနှီးသူဖြစ်တယ်လို့ ကိုလံဘိုမြို့ကလာတဲ့ သတင်းမှာ ဖေါ်ပြထားပါတယ်။

RFA Burmese
https://www.facebook.com/rfaburmese/
သီရိလင်္ကာ ဆရာတော် ထောင်ဒဏ် ၆ နှစ် ချမှတ်ခံရ သီရိလင်္ကာ ဆရာတော် ထောင်ဒဏ် ၆ နှစ် ချမှတ်ခံရ Reviewed by THITHTOOLWIN on 11:04 Rating: 5
Powered by Blogger.