ရေနံချောင်းမြို့တွင် မိုးသည်းထန်စွာရွာသွန်း၍ ချောင်းရေနှင့်အတူ လူနှစ်ဦးမျောပါ တစ်ဦးပျောက်ဆုံး


ရေနံချောင်း ၂၅ သြဂုတ်

မကွေးတိုင်းဒေသကြီး ရေနံချောင်းမြို့နယ်တွင် သြဂုတ် ၂၄ ရက် ညနေ ၅ နာရီခန့်က မိုးသည်းထန်းစွာ ရွာသွန်းခဲ့ပြီး နောင်ရိုးချောင်းအတွင်း ဆိုင်ကယ်နှင့် ဖြတ်ကူးသူလူနှစ်ဦး မျောပါခဲ့ရာ တစ်ဦးမှာချောင်းကမ်း ဘက်သို့ တက်ရောက်လွတ်မြောက်ခဲ့သော်လည်း တစ်ဦးမှာ မျောပါပျောက်ဆုံးခဲ့ကြောင်းသိရသည်။

ချောက်မြို့၊ ရွှေသူဌေးကုန်းရပ်နေသူ မောင်ကျော်ဝင်းသူသည် သစ်တပွေချောင်းရေစီးနေချိန်တွင် ဆိုင်ကယ် တွန်း၍ ဖြတ်ကူးရာ အနီးရှိ ချောင်းရေကျချိန် ဖြတ်ကူးရန် စောင့်ဆိုင်းနေသော မောင်ပြည့်ဖြိုးအောင်က ကူတွန်း ပေးနေစဉ် ရုတ်တရက်ချောင်းရေတက်လာပြီး ရေစီးနှင့်အတူမျောပါသွားရာ မောင်ပြည့်ဖြိုးအောင်မှာ ချောင်း ကမ်းဘက်သို့တက်ရောက်လွတ်မြောက်ခဲ့သည်။


အဆိုပါရေစီးနှင့် မျောပါသွားသူအား မြို့နယ်ရဲတပ်ဖွဲ့ဝင်များ၊ မီးတပ်တပ်ဖွဲ့ဝင်များ၊ သစ်တပွေရပ်ကွက် အုပ်ချုပ်ရေးမှူး၊ ညောင်လှရပ်ကွက်အုပ်ချုပ်ရေးမှူးနှင့် တာဝန်ရှိသူများ၊ ခလရ(၇၇)မှ တပ်မတော်သားများ လိုက်လံရှာဖွေရာ ၎င်းစီးနင်းလာသော ဒါယန်းအနက်ရောင် ၁၁၀ ဆိုင်ကယ်နှင့် တူးဘောက်အတွင်းမှ ဟွာဝေး ဖုန်းတစ်လုံး ပြန်လည်တွေ့ရှိပြီး ရေစီးနှင့်မျောပါသွားသူ မောင်ကျော်ဝင်းသူအား ဆက်လက်ရှာဖွေလျက်ရှိ ကြောင်း သိရသည်။

သြဂုတ် ၂၄ ညနေပိုင်းက မိုးသည်းထန်စွာရွာသွန်းခဲ့ပြီး နောင်ရိုးချောင်းနှင့် ချောင်းနိမ့်ချောင်းတို့ ရေကြီးရေ လျှံမှုဖြစ်ကာ ချောင်းဘေးတလျောက်ရှိ နေအိမ်အဆောက်အဦးများနှင့် အနိမ့်ပိုင်းရပ်ကွက်တစ်ချို့ ရေဝင် ရောက်မှုများဖြစ်ပွားခဲ့ကြောင်းသိရသည်။

မြို့နယ်ပြန်ဆက်
Myanmar Digital News
https://www.facebook.com/MyanmarDigitalNews

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ