ဦးကိုနီ အမှုမှာ အောင်ဝင်းဇော် ကို စစ်ဆေး

ရှေ့နေ ဦးကိုနီ လုပ်ကြံတဲ့အမှုအတွက် အောင်ဝင်းဇော် ကို ရုံးထုတ်ခဲ့စဉ်/ Photo: RFA

ရှေ့နေ ဦးကိုနီ လုပ်ကြံခံရတဲ့ အမှုနဲ့ပတ်သက်ပြီး တရားခံ အောင်ဝင်းဇော်ကို ရန်ကုန်မြောက်ပိုင်းခရိုင် အင်းစိန်တရားရုံးမှာ ဒီနေ့ စစ်ဆေးခဲပါတယ်။

တရားလိုဘက်က စွပ်စွဲချက်တွေကို အပြန်အလှန်စစ်မေးခဲ့တယ်လို့ တရားခံတွေဘက်က ရှေ့နေအဖြစ် လိုက်ပါဆောင်ရွက်နေတဲ့ ရှေ့နေ ဦးကျော်ကျော်ထိုက်က ပြောပါတယ်။

ဦးကိုနီကို လုပ်ကြံမှုနဲ့ ပတ်သက်ပြီး ကြည်လင်း၊ အောင်ဝင်းဇော်၊ အောင်ဝင်းထွန်း၊ ဇေယျာဖြိုးတို့ကို အင်းစိန်မြောက်ပိုင်းခရိုင် တရားရုံးမှာ စစ်ဆေးနေတာဖြစ်ပါတယ်။

ရှေ့နေ ဦးကိုနီဟာ ၂ဝ၁၇ ခုနှစ် ဇန်နဝါရီလ ၂၉ ရက်နေ့က ရန်ကုန်အပြည်ပြည်ဆိုင်ရာ လေဆိပ်မှာ သေနတ်နဲ့ အနီးကပ် လုပ်ကြံခံခဲ့ရတာဖြစ်ပါတယ်။ အဲဒီအမှုကို စစ်ဆေးနေတာ အခုဆိုရင် အချိန် တနှစ်ကျော် ကြာမြင့်နေ ပြီဖြစ်ပါတယ်။

လာမယ့် သြဂုတ်လ ၉ ရက်နေ့မှာလည်း အောင်ဝင်းဇော်ကို ဆက်လက်စစ်ဆေးမှာဖြစ်ပါတယ်။

RFA Burmese
https://www.rfa.org/burmese