ထောင်နန်းစံ ဘရာဇီး သမ္မတဟောင်းကို ပြန်အရွေးခံဖို့ သူ့ပါတီက အဆိုပြု

 ထောင်ကျနေတဲ့ ဘရာဇီး သမ္မတဟောင်း လူလာ

ဘရာဇီးမှာ အဂတိ လိုက်စားမှု စွပ်စွဲချက်နဲ့ ထောင်၁၂နှစ် ချခံထားရတဲ့ သမ္မတဟောင်း လူးဝစ် အင်နာချီယို လူလာ ဒါ ဆေးဗား ကို လာမယ့် အောက်တိုဘာ သမ္မတရွေးကောက်ပွဲမှာ ဝင်ပြိုင်မယ့် ကိုယ်စားလှယ်အဖြစ် သူ့ပါတီက အဆိုပြု လိုက်ပါတယ်။

ဆော်ပေါလို မြို့မှာ အလုပ်သမား ပါတီဝင် နှစ်ထောင်လောက် စုရုံးကာ လူလာ ကို သူတို့ပါတီရဲ့ သမ္မတလောင်းအဖြစ် အောင်မြင်မှု အမှတ်အသား လက်တွေ မြှောက်ပြကာ ကြေညာခဲ့ပါတယ်။

ဒါ့အပြင် သူတို့ အထဲက အများအပြားဟာ လူလာ ရဲ့ပုံ မျက်နှာဖုံးတွေ တပ်ထား ကြတာ တွေ့ရပါတယ်။

အလုပ်သမား ပါတီဝင်တွေက လူလာကို ရွေးချယ် အဆိုပြုကြောင်း ကြေညာကြပြီ

လက်ရှိမှာ လူလာ ဟာ ထောင်ထဲမှာမို့ လာမယ့် သမ္မတ ရွေးကောက်ပွဲမှာ ၀င် အရွေးမခံနိုင်အောင် ၊ လူတွေနဲ့လည်း စကားမပြောနိုင်အောင် ၊ သတင်းထောက် တွေကိုလည်း အင်တာဗျူး မပေးနိုင်အောင် တရားစီရင်ရေး က လုပ်ထား ဖြစ်ပြီး တချိန်ထဲမှာ တခြား ကိုယ်စားလှယ်တွေကျတော့ ဒီနှစ် သမ္မတ ရွေးကောက်ပွဲမှာ လွတ်လွတ်လပ်လပ် ၀င်ပြိုင်နိုင်အောင် လုပ်ထားတာကိုက မျှတမှု ရှိမရှိ ဆိုတာ ရှင်းနေတာဘဲလေ လို့ သူ့ပါတီ ပြောခွင့်ရသူ ဒီရေးဂိုး စကာဒွန်း က ဆိုပါတယ်။

လက်ရှိ ကနဦး စစ်တမ်းတွေ အရ ဘရာဇီးမှာ လူလာ က ထိပ်ဆုံးက ပြေးနေပေမယ့် ရွေးကောက်ပွဲ ကော်မရှင်က သူ့ကို ဝင်အရွေးခံခွင့် ပေး၊ မပေး ဆိုတာ အသေအချာ မသိရသေးပါဘူး။

ထောင်ကျနေတဲ့ လူလာ ကတော့ ဆောက်လုပ်ရေး ကုမ္ပဏီ ဆီက လာဘ်ယူခဲ့တယ် ဆိုတဲ့ စွဲချက်ကို ငြင်းဆိုထားပြီး ဒါဟာ သူ အာဏာ ပြန်ရမှာစိုးတဲ့ လက်ယာယိမ်း တွေရဲ့ ကြံစည်မှုသာ ဖြစ်တယ်လို့ ပြောနေပါတယ်။

လာဘ်ပေးလာဘ်ယူမှုနဲ့ ထောင် ၁၂ နှစ် ပြစ်ဒဏ်ကျခံဖို့ အမိန့်ချခံထားရတဲ့ ဘရာဇီး သမ္မတဟောင်း လူလာ ဟာ ရဲတပ်ဖွဲ့ဆီမှာ ပြီးခဲ့တဲ့ ဧပြီလတုန်းက သွားရောက် အဖမ်းခံခဲ့တာ ဖြစ်ပါတယ်။

BBC Burmese
https://www.bbc.com