နယ်စပ်တစ်လျှောက် ရခိုင်ကျေးရွာများတွင် ညကင်းချပြီး စောင့်ကြပ်ရ

နိရဉ္စရာ၊ သြဂုတ် ၂၂

သြဂုတ် ၂၅ ရက် အကြမ်းဖက်ခံရသည့် နှစ်ပတ်လည်နေ့ နီးကပ်လာသဖြင့် မြန်မာ နိုင်ငံ အနောက်ဘက် အစွန်ဆုံး မောင်တောမြို့နယ်ရှိ ရခိုင်ကျေးရွာများတွင် ညကင်းချပြီး စောင့်ကြပ်နေကြရသည်ဟု သတင်းရရှိသည်။

မောင်တောမြို့နယ် မြောက်ဘက်အစွန်ဆုံး ဗန္ဓုလ ကျေးရွာမှ အုပ်ချုပ်ရေးမှူးအား ဆက်သွယ် မေးမြန်းရာ သူတို့ရွာတွင် ပြည်သူ့စစ်များရှိပြီး ကျေးရွာသားများမှာ ပြည်သူ့စစ်၊ နယ်ခြား စောင့်တပ်ဖွဲ့ဝင်များနှင့် ပူးပေါင်းပြီး ကင်းစောင့်ခြင်း၊ ကင်းလှည့်ခြင်းများကို ညတိုင်း ပြုလုပ်နေရသည်ဟု နိရဉ္စရာ သတင်းဌာနသို့ ပြောဆိုသည်။

“ အဓိကတော့ ကိုယ့်ရွာလုံခြုံရေးအတွက် ရွာမှာကင်းစောင့်ရတာ ဖြစ်ပါတယ်။ တစ်ညဆိုရင် တစ်ဖွဲ့ နှစ်ဖွဲ့၊ အဲသလို အဖွဲ့ခွဲပြီး စောင့်ရပါတယ်။ ကျွန်တော်တို့ရွာမှာက ပြည်သူ့စစ်လည်းရှိတဲ့ အတွက် လက်နက်တွေနဲ့ အတူ ရွာလုံခြုံရေးကို ယူထားပါတယ်” ဟု ပြောကြားသည်။

အလားတူ ကင်းစောင့်နေကြရသည့် ကျေးရွာများမှာ ဗန္ဓုလ ကျေးရွာအနီးရှိ အောင်ချမ်းသာ၊ တပ်ချောင်း၊ ဒုံးညို၊ အောင်သပြေ၊ သုပန်နဂ စသည့် ကျေးရွာများ ဖြစ်ကြသည်ဟု သိရသည်။

မောင်တောမြို့နယ် မြောက်ပိုင်း ကပ္ပကောင်းကျေးရွာတွင်လည်း ရွာသားများအနေဖြင့် လွန်ခဲ့သည့် ၅ ရက်ခန့်ကစပြီး ညစဉ်ညတိုင်း ကင်းယူနေကြရသည်ဟု ကျေးရွာ အုပ်ချုပ်ရေးမှူးက ပြောကြားသည်။

“ ကောလာဟလတွေက အမျိုးမျိုးထွက်နေပါတယ်။ အကြမ်းဖက်အဖွဲ့တွေ နှစ်ပတ်လည်နေ့မှာ ၀င်တိုက်မယ်။ ဘာညာဆိုပြီး ပြောနေကြပါတယ်။ ဒါပေမယ့် ကျွန်တော်တို့ ဒေသမှာ ဘာမှ ထူးခြားမှု မရှိသေးပါဘူး။ ရွာမှာ နယ်ခြားစောင့်ရဲလည်း ရှိပါတယ်။ အနီးအနားမှာ တပ်မတော်သားတွေလည်း အများကြီးချထားပါတယ်။ ကင်းကတော့ ရွာက လူငယ်တွေက နယ်ခြားစောင့်တပ်နဲ့ ပေါင်းပြီး ညတိုင်း ကင်းယူထားရပါတယ်။ အတင်းခိုင်းတာတော့ မဟုတ်ပါဘူး။ ရွာသားတွေက တာဝန်အရ လုပ်ကြတာပါ” ဟု သူက ပြောကြားသည်။

မောင်တောမြို့နယ် တောင်ပိုင်းရှိ ရခိုင်နှင့် တိုင်းရင်းသားကျေးရွာများတွင် ကင်းယူနေကြရသည်ဟု ဒေသခံများက ပြောကြားသည်။

“ ကျွန်တော်တို့ မောင်တောမြို့နယ် တောက်လျှောက် ရခိုင်အပါအ၀င် တိုင်းရင်းသား ကျေးရွာ တွေမှာ ညတိုင်း ကင်းယူနေကြရပါတယ်။ အဓိကတော့ နှစ်ပတ်လည်နေ့မှာ အာဆာ အကြမ်းဖက်အဖွဲ့ တိုက်နိုင်တယ်။ ဒီလိုဘဲ သတင်းတွေထွက်နေပါတယ်။ ဒီအတွက် ကင်းယူနေကြရတာ လေးငါးရက်ခန့်ရှိပါနေပါပြီ” ဟု ကင်းချောင်းရွာမှ ကိုမောင်ဟန်စိုးက ပြောကြားသည်။

ရခိုင်ပြည်နယ်အတွင်း အကြမ်းဖက် တိုက်ခိုက်ခံခဲ့ရသည့် သြဂုတ် ၂၅ ရက် နှစ်ပတ်လည်နေ့နှင့် နီးကပ်လာသဖြင့် စစ်တွေ အပါအ၀င် မြို့တိုင်းတွင် လုံခြုံရေး တိုးမြှင့်ထားပြီး သတိ အနေအထားဖြင့် ရှိနေကြောင်း၊ အထူးသဖြင့် နယ်စပ် မြို့နယ်များ ဖြစ်ကြသည့် မောင်တော မြို့နယ်နှင့် ဘူးသီးတောင်မြို့နယ်တွင် လုံခြုံရေးကို နှစ်ဆ သုံးဆခန့် တိုးမြှင့်ချထားကြောင်း ရခိုင်ပြည်နယ် ရဲတပ်ဖွဲ့မှူးကလည်း ထုတ်ဖော်ပြောကြားထားသည်။

ဒေသခံ ပြည်သူများ အနေဖြင့်လည်း ညစဉ်ညတိုင်း ရွာကင်းများကို ယူပြီးစောင့်ကြပ်နေရသည် သာမက ယခုရက်ပိုင်း အတွင်း သတိထားပြီး သွားလာနေကြရသည်ဟုလည်း ဒေသခံများက ပြောကြားသည်။

Narinjara
https://www.facebook.com/Narinjara-151742128171206