RCSS/SSA နဲ့ တပ်မတော် တိုက်ပွဲဖြစ်

RCSS/SSA တပ်ဖွဲ့ဝင်တချို့ကို တွေ့ရစဉ် / Photo: Kan Thar/RFA
ရှမ်းပြည်နယ်တောင်ပိုင်း၊ မိုင်းကိုင်မြို့နယ်အတွင်းမှာ  တပ်မတော်နဲ့ ရှမ်းပြည်ပြန်လည်ထူထောင်ရေးကောင်စီ ရှမ်းပြည်တပ်မတော် RCSS/SSA အဖွဲ့တို့ကြား တိုက်ပွဲတွေ ဆက်လက်ဖြစ်ပွားနေပါတယ်။

အစိုးရဘက်က စစ်ဆင်ရေးတွေ လုပ်နေတာကြောင့် မနေ့ကအထိ နှစ်ဖက်တိုက်ပွဲတွေဖြစ်နေတယ်လို့ RCSS/SSA က ပြောရေးဆိုခွင့်ရှိသူ ဒုတိယဗိုလ်မှူးကြီး စိုင်းဦးက ပြောပါတယ်။

"ဖြစ်သေးတယ်ဗျ။ မနေ့က မိုင်းကိုင်နဲ့ ကျေးသီးမြို့နယ်အစပ်မှာ မိုင်းကိုင်မြို့နယ်ထဲကပဲပေါ့။ RCSS နဲ့ အစိုးရတပ်မတော်နဲ့ပေါ့။ မိုင်းကိုင်၊ ဟမ်းငိုင်းဖြစ်တာနဲ့ တဆက်တည်းပေါ့။ စဖြစ်တာက သူက နယ်မြေ တပ်က စစ်ဆင်ရေးတွေလုပ်နေလို့ပေါ့"

ပြီးခဲ့တဲ့ ဇူလိုင်လ ၉ ရက်နေ့ကစတင်ပြီး မိုင်းကိုင်မြို့နယ်အတွင်းက ဟမ်းငိုင်းကျေးရွာအုပ်စုနဲ့ ဟိုခဲကျေးရွာ အုပ်စုတဝိုက်မှာ တိုက်ပွဲတွေဖြစ်ပွားခဲ့ရာကနေ မနေ့ကအထိ မိုင်းကိုင်မြို့နယ်နဲ့ ကျေးသီးမြို့နယ်အစပ်မှာ တိုက်ပွဲတွေ ဆက်ဖြစ်နေတယ်လို့ ပြောပါတယ်။

တိုက်ပွဲကြောင့် ထွက်ပြေးတိမ်းရှောင်သူ ဒေသခံ တစ်ထောင်ကျော်ရှိနေပြီး မူလတန်းကျောင်းတချို့လည်း ပိတ်ထားရပါတယ်။

ဒါ့အပြင် ရှမ်းပြည်နယ်မြောက်ပိုင်း နမ္မတူမြို့နယ်ထဲက မိုင်းမုကျေးရွာအုပ်စု အနီးမှာလည်း RCSS နဲ့ မြောက်ပိုင်း မဟာမိတ်အဖွဲ့တွေဖြစ်တဲ့ တအာင်း လွတ်မြောက်ရေးတပ်မတော် TNLA အပါအဝင် အဖွဲ့တချို့တို့ကြား ပြီးခဲ့တဲ့ ဇူလိုင်လ ၁၆ ရက်နေ့က တိုက်ပွဲတွေဖြစ်ခဲ့ပါတယ်။

နမ္မတူမြို့နယ်အတွင်းက တိုက်ပွဲတွေဟာ နယ်မြေစိုးမိုးရေးကိစ္စအပေါ် အခြေခံပြီး ဖြစ်ပွားနေတာဖြစ်ပြီး အဲဒီဒေသမှာ RCSS တပ်တွေကို တဖက်လက်နက်ကိုင်တပ်တွေက မရှိစေလိုဘူးလို့ RCSS ရဲ့ ပြောခွင့်ရ ဒုတိယ ဗိုလ်မှူးကြီး စိုင်းဦးက ပြောပါတယ်။

မနေ့ကနဲ့ ဒီနေ့မှာ နမ္မတူမြို့နယ်အတွင်း တိုက်ပွဲတွေ မဖြစ်တော့ဘဲ ပြန်ငြိမ်သွားပြီဖြစ်လို့ ထွက်ပြေးတိမ်းရှောင်နေတဲ့ ဒေသခံတစ်ထောင်ကျော်ထဲက တချို့ဟာ သူတို့ရဲ့ကျေးရွာကို ပြန်သွားကြည့်ကြတာတွေ ရှိနေပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ