နှစ်ပတ်ကြာ ဖမ်းဆီးခံထားရသည့် RCSS/SSA တပ်သား ၆ ဦး ယနေ့ထိ မလွတ်သေး


သျှမ်းပြည်နယ် မြောက်ပိုင်း နောင်ချိုမြို့ နယ်အတွင်းနေ ဒေသခံများအား မူးယစ်ဆေးဝါးပညာပေး ဟောပြောသည့် သျှမ်းပြည်ပြန်လည်ထူထောင်ရေးကောင်စီ (RCSS) အဖွဲ့ဝင် ၆ ဦးအား တပ်မတော်မှ နှစ်ပတ်ကြာ ဖမ်းဆီးသွားသော်လည်း ယနေ့တိုင်ပြန်မလွတ်ပေးကြောင်း ပြောရေးဆိုခွင့်ကပြောသည်။

အဆိုပါ RCSS အဖွဲ့ဝင် ၆ ဦး သည် ဇွန်လ ၂၉ ရက်နေ့က နောင်ချိုမြို့နယ် ကုန်းကြီးကျေးရွာအုပ်စု ကုန်းကြီးကျေးရွာ ဘုန်းတော်ကြီးကျောင်းတွင် ဒေသခံများအား မူးယစ်ဆေးဝါး တားဆီးကာကွယ် အသိပညာပေးဆိုင်ရာ ဟောပြောနေစဉ် နောင်ချိုအခြေစိုက် တပ်မတော် ခမရ ၁၁၄ နှင့် ခမရ ၁၁၅ ပူးပေါင်းတပ် မှ ဖမ်းဆီးသွားခြင်း ဖြစ်ကြောင်းသိရသည်။

ဖမ်းဆီးခံရသည့် RCSS အဖွဲ့ဝင် ၆ ဦး ကိစ္စ နှင့် ပတ်သတ်ပြီး RCSS/SSA ၏ ပြောရေးဆိုခွင့်ရှိသူ ဒုတိယ ဗိုလ်မှူးကြီးစိုင်းဦး က “ အခုထိ ပြန်မလွှတ်သေးဘူး။ ကျနော်တို့ကတော့ ပစ်ခတ်တိုက်ခိုက်မှု ရပ်စဲရေး ဆိုင်ရာ ပူးတွဲစောင့်ကြည့်ရေးကော်မတီ (JMC-U) ကို ဖြစ်ပြီးတော့ ၂ ရက်နေ့မှာ ပြန်လွှတ်ပေးဖို့ စာတင် ထားတယ်။ ” ဟု ပြောပါတယ်။

ဖမ်းဆီးခံရသည့် RCSS အဖွဲ့ဝင် ၆ ဦး သည် မူးယစ်ဆေးဝါး ပညာပေးဟောပြောပွဲပြုလုပ်နေစဉ် RCSS စစ်ယူနီဖောင်းများ ဝတ်ဆင်ထားခြင်း မရှိသလို လက်နက်လည်း ကိုင်ဆောင်ခြင်းမရှိကြောင်း ဒုတိယ ဗိုလ်မှူးကြီး စိုင်းဦးကပြောသည်။

နောင်ချိုမြို့အခြေစိုက် တပ်မတော် ခြေမြန်တပ်ရင်း အမှတ် (၁၁၄) နှင့် (၁၁၅) ပူးပေါင်းအဖွဲ့တို့ ဖမ်းဆီးသွားသည့် RCSS အဖွဲ့ဝင် (၆) ဦးမှာ စိုင်းမောင်ထွန်း ၊ စိုင်းသန်းထွန်း (ခ) လုံးပီး ၊ စိုင်းပီး (ခ) စိုင်းဖိလစ် ၊ စိုင်းရွှေ ၊ စိုင်းအွန်ခေး (ခ) စိုင်းဟိန် နှင့် စိုင်းဆိုင်ဖ တို့ဖြစ်ကြောင်း သိရသည်။

RCSS တပ်ဖွဲ့ဝင် ၆ ဦးအား တပ်မတော်မှ ပြန်လွတ်ပေးခြင်းမရှိသည့်အပြင် နယ်မြေကျူးကျော်လှုပ်ရှားသည်ဟု ဆိုကာ စစ်အင်အားအလုံးအရင်းဖြင့် မိုင်းကိုင်မြို့နယ်အတွင်း နေ RCSS/SSA တပ်ဖွဲ့ဝင်များ အား ထိုးစစ်ဆင်တိုက်ခိုက်ခဲ့ပါသေးသည်။ နှစ်ဘက်ကြားဖြစ်ပွားသော တိုက်ပွဲကြောင့် ကျေးလက်ဒေသခံ တထောင်ကျော်နေရပ်မှ စွန့်ခွါနေရသည်။

သျှမ်းသံတော်ဆင့်၊ နန်းဆိုင်နွမ်
http://burmese.shannews.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ