အရက်အတူသောက်နေစဉ် စကားများရန်ဖြစ်ရာမှ လူသတ်မှုဖြစ်ပွား


မိုးညို ဇူလိုင် ၁၃

ပဲခူးတိုင်းဒေသကြီး၊သာယာဝတီခရိုင်၊မိုးညိုမြို့နယ်၊ဆုံကုန်းကျေးရွာအုပ်စု၊ ဆုံကုန်းကျေးရွာ၌ဇူလိုင်လ (၁၂) ရက်နေ့၊ ညနေ(၁၅:၀၀)နာရီအချိန်က လူသတ်မှုဖြစ်ပွားခဲ့သည်။

ဖြစ်စဉ်မှာပတ်တော်ကျေးရွာအုပ်စု၊ ဘုရားကြီးကုန်းရွာနေတရားလို ဦးသန်းဦးမှ အိမ်ရှေ့တာလမ်းပေါ်တွင်ထိုင်နေစဉ် တစ်ရွာထဲနေမှုံကြီးမှ ဆုံကုန်းရွာတွင် လူတစ်ယောက်လဲနေကြောင်းပြောပြသိရ၍ သမီးဖြစ်သူမှာလည်းယောက်ကျားစိတ်ပေါက်နေပြီးအရက်သောက်စားတတ်သူဖြစ်သည့်အပြင် နေ့လည်(၁၂)နာရီခန့်က ဆုံကုန်းရွာနေထွန်း ထွန်းမြင့်နှင့် အမည်မသိသူတစ်ယောက်မှဆိုင်ကယ်နှင့်လာခေါ်၍ လိုက်သွားခဲ့ပြီးနေအိမ်သို့ပြန်လည်ရောက်ရှိလာခြင်းမရှိသေးသဖြင့် သမီးဖြစ်သူအထင်ဖြင့် မှုံကြီးနှင့်သွားရောက်ကြည့်ရှု ခဲ့ရာ ဆုံကုန်းကျေးရွာထွန်းထွန်းမြင့်နေအိမ်အောက်တွင် သမီးဖြစ်သူ သီတာဝင်းခေါ်ဂျောက်ဂျက်မှာဓားထိုးဒဏ်ရာဖြင့် သွေးအိုင်ထဲလဲ ကျသေဆုံးနေသည်ကိုတွေ့မြင်ရပြီးသမီးဖြစ်သူအားဓားနှင့်ထိုးသတ်သွားသူအားအရေးယူပေးပါရန် တိုင်တန်းလာခဲ့သည်။

 စစ်ဆေးပေါ်ပေါက်ချက်အရတရားခံထွန်းထွန်းမြင့်၏ နေအိမ်အောက်တွင် ကျော်ဝ၊ အောင်မျိုးဝေ၊ ဦးမြသန်း၊ သီတာဝင်းခေါ်ဂျောက်ဂျက်နှင့် ထွန်းထွန်းမြင့်တို့ အရက်အတူသောက်နေစဉ် သီတာဝင်းခေါ်ဂျောက်ဂျက်နှင့် ကျော်ဝတို့စကားများကြရာမှ ကျော်ဝ၏အစ်ကိုဝမ်းကွဲဖြစ်သူထွန်းထွန်းမြင့်မှ မကျေနပ်၍ခါးတွင် အသင့်ပါလာသောဓားဦးချွန်သံရိုးပေါ်တွင် သစ်သားတပ်ထားသော အရိုး(၄)လက်မခွဲ၊ အသွား(၈)လက်မရှိဓားဦးချွန်ဓားမြှောင်ဖြင့်ထိုးခဲ့၍ သီတာဝင်းခေါ်ဂျောက်ဂျက်တွင် နောက်ကျောအလယ်တည့်တည့်၌ ထိုးသွင်းဒဏ်ရာ(၁)ချက်ဖြင့် သေဆုံးသွားကြောင်းပေါ်ပေါက်ခဲ့သဖြင့် အမှုဖွင့် အရေးယူဆောင်ရွက်လျက်ရှိကြောင်းသိရသည်။

မြို့နယ်(ပြန်/ဆက်)
Myanmaalinn
https://www.facebook.com/MYANMAALINNNEWS/
အရက်အတူသောက်နေစဉ် စကားများရန်ဖြစ်ရာမှ လူသတ်မှုဖြစ်ပွား အရက်အတူသောက်နေစဉ် စကားများရန်ဖြစ်ရာမှ လူသတ်မှုဖြစ်ပွား Reviewed by THITHTOOLWIN on 19:19 Rating: 5
Powered by Blogger.