၂၁ ပင်လုံတက်ဖို့ မြောက်ပိုင်း ခေါင်းဆောင်တွေ ရောက်လာ

တရုတ် အစိုးရရဲ့ ဖိအားကြောင့် ပင်လုံလာတက်တာ မဟုတ်လို့ ဗိုလ်ချုပ်ဂွမ်မော်ပြော
ဇူလိုင်လ ၁၁ ရက် မှာ ပြုလုပ်မယ့် ၂၁ ရာစု ပင်လုံငြိမ်းချမ်းရေး ညီလာခံကို တိုင်းရင်းသားခေါင်းဆောင်တချို့ ရောက်ရှိလာပါတယ်။

ဒီလိုရောက်တဲ့အထဲမှာ မူလက မတက်ဖို့ ငြင်းဆန်ထားတဲ့ ကိုယ်စားလှယ်တချို့လည်း ပါဝင်ပါတယ်။

၂၁ ပင်လုံ ငြိမ်းချမ်းရေး ညီလာခံကို အလယ်အလတ် အရာရှိတွေလောက်ပဲ စေလွှတ်မယ်လို့ သတင်းထွက်ခဲ့တဲ့ ကေအိုင်အို အဖွဲ့ဟာ ဇူလိုင်လ ၉ ရက်မှာတော့ ဗိုလ်ချုပ်ဂွမ်မော်ဦးဆောင်ပြီး နေပြည်တော်ကို ရောက်လာ ခဲ့ပါတယ်။

ဒါ့အပြင် NCA လက်မှတ်မထိုးသေးတဲ့ SSPP /SSA က ကိုယ်စားလှယ်တွေလည်း နေပြည်တော်ကို ရောက်နေပြီဖြစ်ပါတယ်။

တရုတ်အနေနဲ့ လုံခြုံရေး အာမခံသလို ၂၁ ပင်လုံ အကြိမ်တိုင်းမှာ ကူညီခဲ့တယ်လို့ ဗိုလ်ချူပ် ဂွမ်မော်က ဘီဘီစီကို ပြောပါတယ်။

၂၁ ပင်လုံတက်ဖို့ ကေအိုင်အို ကိုယ်စားလှယ်တွေ စာရင်းစောစော မပေးရတာဟာ ကချင်လွတ်မြောက်ရေး အဖွဲ့မှာ ပါဝင်နေတဲ့ မြောက်ပိုင်း လက်နက်ကိုင် အဖွဲ့ ၇ ဖွဲ့နဲ့ဖွဲ့ထားတဲ့ ပြည်ထောင်စု နိုင်ငံရေးဆွေးနွေးမှု ကော်မတီ FPNCC အစည်းအဝေး မပြီးပြတ်သေးတာကြောင့် ကိုယ်စားလှယ်တွေ မရွေးရတာကြောင့်လို့ ဗိုလ်ချုပ်ဂွမ်မော်က ဆိုပါတယ်။

၂၁ ပင်လုံမှာ ရလဒ်ကောင်းမျှော်လင့်ဖို့ ဆိုတာထက် နှစ်အဆက်အသွယ်ပြတ်နေတာကြောင့် ဆက်သွယ်ရေး လမ်းကြောင်း တွေပြန်ရှိလာဖို့ မျှော်လင့်ထားတယ်လို့ ဗိုလ်ချုပ်ဂွမ်မော်က ပြောပါတယ်။
၂၁ရာစု ပင်လုံညီလာခံကို တိုင်းရင်းသား ခေါင်းဆောင်တချို့ ရောက်ရှိ
ကေအိုင်အို ကချင်လွတ်လပ်ရေးအဖွဲ့ နေပြည်တော် ခရီးစဉ်အတွင်း ကာကွယ်ရေးဦးစီးချုပ် အပါအဝင် အစိုးရထိပ်သီး ခေါင်းဆောင်တွေနဲ့ တွေ့ဆုံဖွယ် ရှိနေပါတယ်။

နေပြည်တော်ကို ရောက်လာတဲ့ ဝ UWSA နဲ မိုင်းလားအဖွဲ့တို့ကတော့ မြန်မာ့ငြိမ်းချမ်းရေးမှာ တရုတ်က အလွန်အရေးပါတယ်လို့ ပြောပါတယ်။

တရုတ်နိုင်ငံ ကူမင်းကနေ ရောက်ရှိလာတဲ့ မြောက်ပိုင်းမဟာမိတ် လက်နက်ကိုင် အဖွဲ့တွေရဲ့ လေယာဉ်မှာ တရုတ်ရဲ့ မြန်မာ့အရေး အထူးသံတမန် ဆွန်းကော့ရှန် လည်းလိုက်ပါလာပြီး တယ်ဟုန်ပြည်နယ်ခွဲ ဒုတိယ အုပ်ချုပ်ရေးမှူး နဲ့အတူ ယူနန်ပြည်နယ်က ထိပ်တန်းအရာရှိတွေလည်း လိုက်ပါလာတယ်လို့ နေပြည်တော်ကို ရောက်ရှိနေတဲ့ ဘီဘီစီသတင်းထောက်က သတင်းပေးပို့ခဲ့ပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ