တရုတ် ဟွာဝေးပစ္စည်းတွေ လုံခြုံမှု မရှိ

Photo: Reuters

ဗြိတိသျှထောက်လှမ်းရေးအဖွဲ့တစ်ခုဖြစ်တဲ့ GCHQ ကနောက်ဆုံးထုတ်ပြန်လိုက်တဲ့ အစီရင်ခံစာမှာ တရုတ်နိုင်ငံ Huawei ဟွာဝေကုမ္ပဏီက ထုတ်လုပ်တဲ့ ဆက်သွယ်ရေးပစ္စည်းတွေဟာ နိုင်ငံတော်လုံခြုံရေးအတွက် အန္တရာယ်ကြီးမားကြောင်း ဖေါ်ပြထားတယ်လို့ မနေ့ကရတဲ့ ရိုက်တာသတင်းမှာ ပါရှိပါတယ်။

အဲဒီ တရုတ်ကုမ္ပဏီလုပ် စက်ပစ္စည်းတွေတည်ဆောက်ထားပုံမှာ ချို့ယွင်းချက်တွေရှိပြီး တရုတ်အစိုးရရဲ့ ထောက်လှမ်းရေးလုပ်ငန်းတွေကို အထောက်အကူပြုနိုင်တယ်လို့ အမေရိကန်နဲ့ သြစတြေးလျားနိုင်ငံတွေက ထုတ်ဖေါ်ပြောဆိုခဲ့ပြီး ဖြစ်ပါတယ်။

ဟွာဝေး ကုမ္ပဏီဟာ ကမ္ဘာ့ပေါ်မှာ အကြီးဆုံး ဆက်သွယ်ရေးပစ္စည်းရောင်းချတဲ့ ကုမ္ပဏီဖြစ်ပါတယ်။ အခုလို ဗြိတိသျှ ထောက်လှမ်းရေးအဖွဲ့က ထုတ်ပြန်ချက်နဲ့ ပတ်သက်ပြီး ကွန်ပြူတာနည်းပညာ လုံခြုံရေးဟာ သူတို့ရဲ့ ထိပ်တန်းဦးစားပေးလုပ်ငန်းဖြစ်ကြောင်းနဲ့ စက်ပစ္စည်းတည်ဆောက်ပုံ တိုးတက်အောင် ဖြေရှင်းမယ်လို့ ဟွာဝေး အရာရှိတွေက ကတိပြုပြောဆိုပါတယ်။

RFA Burmese
https://www.facebook.com/rfaburmese