မော်တော်ယာဉ် အရောင်းအဝယ်လုပ်ကိုင်သူတွေ သတင်းစာရှင်းလင်း

မန္တလေးမြို့ ပြည်ကြီးမျက်ရှင် ကားဝင်းမှာ ပြုလုပ်တဲ့ သတင်းစာရှင်းလင်းပွဲကို ၂ဝ၁၈ ခုနှစ် ဇူလိုင်လ ၉ ရက်နေ့က တွေ့ရစဉ်/ Photo: Khaymani Win/RFA
မော်တော်ယာဉ်အင်္ဂါရပ် သတ်မှတ်ချက်တွေနဲ့ မညီတဲ့ယာဉ်တွေကို သိမ်းယူပြီး ပိုင်ရှင်ကိုပါ အရေးယူမှုတွေ ပြုလုပ်နေတဲ့အတွက် ယာဉ်ရောင်းဝယ်ရေးလုပ်ကိုင်သူတွေ အခက်အခဲဖြစ်နေတယ်လို့ ဒီနေ့ သတင်းစာ ရှင်းလင်းပွဲမှာ ပြောပါတယ်။

မန္တလေးမြို့ ပြည်ကြီးမျက်ရှင် ကားဝင်းမှာ ပြုလုပ်တဲ့ သတင်းစာရှင်းလင်းပွဲမှာ ပြည်ကြီးမျက်ရှင် ယာဉ်ရောင်းဝယ်ရေး စခန်း အတွင်းရေးမှူး (၁) ဦးရဲညွန့်က ကားအရောင်းအဝယ်တွေ ရပ်ဆိုင်းသွားတယ်လို့ ပြောပါတယ်။

"အရင်အစိုးရလက်ထက်အဆက်ဆက်ကလုပ်ခဲ့သလိုပဲ ကျနော်တို့က ဒီကားတွေကိုမိရင် မသိမ်းဘဲနဲ့ လူတွေကို ဥပဒေအရ အရေးမယူဘဲနဲ့ အရင်ခေတ်အဆက်ဆက်ကလိုပဲ ဒဏ်ငွေပဲဖြစ်စေချင်တာ၊ နောက်ကားကို အပြီး မသိမ်းစေချင်ဘူး၊ တချို့ဆိုရင် ဒီတစ်စီးလေးကို ကားဖြစ်အောင် မနည်းကြိုးစားရတာ၊ ဆိုက္ကားနင်းခဲ့ရတယ် မြင်းလှည်းမောင်းခဲ့ရတယ်၊ အဲဒီကနေ ကားဖြစ်အောင်လို့ကြိုးစားခဲ့ရတာ၊ ခွေးဘီလူးကအစ သိမ်းနေတယ် ဆိုတော့ ကျနော်တို့ပြည်သူလူထုက တထိတ်ထိတ်တလန့်လန့်နဲ့ ဖြစ်နေတယ်"

အဲဒီစစ်ဆေးမှုတွေကို ၂ဝ၁၇ ခုနှစ် ဇူလိုင်လလောက်ကတည်းက စတင်တာဖြစ်ပေမယ့် အခုရက်ပိုင်းမှာ စစ်ဆေး မှုတွေက ပိုဆိုးလာတယ်လို့ ပြောကြပါတယ်။

မော်တော်ယာဉ် အရောင်းအဝယ်လုပ်ကိုင်သူတွေ ကြုံတွေ့ရတဲ့အခြေအနေကို နိုင်ငံတော်အစိုးရထံ ဒီရက်ပိုင်း အတွင်း တင်ပြသွားမှာဖြစ်တယ်လို့လည်း ဆိုပါတယ်။

လက်ရှိမှာတော့ ကားအစီး ၂ဝ လောက် ဖမ်းဆီးခံထားရတယ်လို့ မန္တလေးမြို့ ပြည်ကြီးမျက်ရှင် ကားဝင်းတာဝန် ရှိသူတွေက ပြောပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ