၅ တန်းကျောင်းသူကို ကိုယ်ဝန်ရသည်အထိ အကြိမ်ကြိမ်အဓမ္မပြုကျင့်ပြီး ထွက်ပြေးတိမ်းရှောင်နေသည့် ပထွေးဖြစ်သူအား ဖမ်းဆီးရမိ
အဓမ္မပြုကျင့်ခံရသူ၏ ပုံမဟုတ်ပါ၊ နမူနာဓါတ်ပုံသာဖြစ်ပါသည်။ |
အလန်းအုပ်ကျေးရွာမှ ပန်တိုင်ကျေးရွာတွင် ငါးကန်အလုပ်သမားအဖြစ် သွားရောက်လုပ်ကိုင်နေသည့် မျိုးအောင် (၃၀)နှစ်သည် မယားပါသမီး ၅ တန်းကျောင်းသူကို တစ်ရက်ခြား နှစ်ရက်ခြားစသဖြင့် အကြိမ်ကြိမ် အဓမ္မပြုကျင့်ခဲ့ပြီး ပြန်ပြောလျှင် သတ်ပစ်မည်ဟု ခြိမ်းခြောက်ခဲ့ကြောင်း ယခုကိုယ်ဝန် ၆ လရရှိလာသည့် အချိန်တွင်မှ မိခင်မှမေးမြန်းသဖြင့် ပေါ်ပေါက်ခဲ့ပြီး ဇူလိုင် ၁၂ ရက်နေ့တွင် ရဲစခန်းသို့သွားရောက်အမှုဖွင့် ခဲ့သော်လည်း မျိုးအောင်မှ ထွက်ပြေးတိမ်းရှောင်ခဲ့ကြောင်း ၅ တန်းကျောင်းသူ၏ မိခင်ထံမှသိရသည်။
“ငါးကန်ထဲမှာ ကန်စွန်းရွက်ခူးပြီး ရောင်းစားနေရတာပါ။ ကျွန်မကန်စွန်းရွက်သွားခူးနေတဲ့ အချိန်ညည ကိုမျိုးအောင်က အိမ်မှာ ကလေးတွေကို အရက်မူးရမ်းကားတာ ခံနေရတာပါ။ ဓမ္မပြုကျင့်ခံရတယ်ဆိုတာလည်း ကိုမျိုးအောင်ကိုယ်တိုင် အရက်မူးလွန်ပြီး နင့်သမီးကိုလည်း ငါသားမယား ပြုကျင့်နေထိုင်နေတယ်လို့ ပြောလို့ စကားများရန်ဖြစ်ခဲ့ပြီး သမီးကိုချော့မော့မေးတော့မှ ဒီကိစ္စကို သိခဲ့ရတာပါ။”ဟု အဓမ္မပြုကျင့်ခံခဲ့ရသည့် ၅ တန်းကျောင်းသူ၏ မိခင်ကပြောသည်။
ဖြစ်စဉ်ကိုသိရှိပြီးနောက် သမီးဖြစ်သူနှင့် အတူ ဇူလိုင် ၁၁ ရက်တွင် ယခင်နေထိုင်ခဲ့သည့် မအူပင်မြို့နယ် အလန်းအုပ် ကျေးရွာကို ပြန်လာခဲ့ပြီး ရာအိမ်မှူးဖြစ်သူ ဦးအုန်းလှိုင်အား အကူညီတောင်းခံခဲ့ပြီး အပိုင်ရဲစခန်း ဖြစ်သည့် တပ်သစ်ရဲစခန်းတွင် အမှု့သွားရောက်ဖွင့်လှစ်တိုင်ကြားခဲ့ပြီး ကလေးငယ်အား ရန်ကုန်တိုင်းဒေသကြီး အင်းစိန်ပြည်သူ့ဆေးရုံကြီးတွင် ဆေးစစ်ချက်ပြုလုပ်ခဲ့ကာ အမှုဖွင့်လှစ်ခဲ့ကြောင်း သိရသည်။
အမှုဖွင့်ပြီးနောက် ထွက်ပြေးတိမ်းရှောင်သည့် မျိုးအောင်ကို အလန်းအုပ်ကျေးရွာရှိ ၎င်း၏ မိဘများ အိမ်သို့ ပြန်အလာတွင် မလက်တိုရဲကင်းစခန်းအား အကူညီတောင်းခံ ဖမ်းဆီးခဲ့ပြီး သက်ဆိုင်ရာရဲစခန်းများမှ တစ်ဆင့် ထန်းတပင်မြို့နယ် တပ်သစ်ရဲစခန်သို့ လွှဲပြောင်းပေးခဲ့ကြောင်း သိရသည်။
“ကျွန်တော်တို့ကတော့ တိုင်တန်းခဲ့မှုအပေါ် တရားခံကို စစ်ဆေးပြီး ပုဒ်မ ၃၇၆ နဲ့ နောက်ကလေးက အသက်မပြည့်သေးတဲ့အတွက် ပုဒ်မ ၃၆၃ နဲ့ အရေးယူဆောင်ရွက်နိုင်ဖို့ တရားခံနဲ့ သက်သေတွေကို စစ်ဆေးမှုတွေ လုပ်နေပါတယ်။”ဟု ရန်ကုန်တိုင်းဒေသကြီး ထန်းတပင်မြို့နယ် တပ်သစ်ရဲစခန်းမှ ဒုရဲအုပ် သက်နောင်စိုး ကပြောသည်။
ဖြစ်စဉ်အရ ၅ တန်းကျောင်းသူအား အကြိမ်ကြိမ်အဓမ္မပြုကျင့်ခဲ့သည့် ပထွေးဖြစ်သူ မျိုးအောင်ကို တပ်သစ် ရဲစခန်းမှ (ပ)၂၇၇/၂၀၁၈ ရာဇသတ်ကြီး ဥပဒေပုဒ်မ ၃၇၆/၃၆၃ ဖြင့် အမှုဖွင့် ဖမ်းဆီးစစ်ဆေးနေကြောင်း သိရသည်။
ရတနာပုံ သတင်းစာ
https://www.facebook.com/yadanabonnewspaper
၅ တန်းကျောင်းသူကို ကိုယ်ဝန်ရသည်အထိ အကြိမ်ကြိမ်အဓမ္မပြုကျင့်ပြီး ထွက်ပြေးတိမ်းရှောင်နေသည့် ပထွေးဖြစ်သူအား ဖမ်းဆီးရမိ
Reviewed by THITHTOOLWIN
on
19:55
Rating: