တရုတ်ဓာတုစက်ရုံပေါက်ကွဲမှုကြောင့် လူ ၁၉ ဦးသေ

တရုတ် စီချွမ်ပြည်နယ်မှာ ဓာတုစက်ရုံမီးလောင်ပေါက်ကွဲလို့ လူ ၁၉ ဦးသေဆုံး
တရုတ်နိုင်ငံ၊ စီချွမ်ပြည်နယ် စက်မှုဇုန်အတွင်း ဓာတုစက်ရုံမှာ မီးလောင်ပေါက်ကွဲလို့ လူ ၁၉ ဦးသေဆုံးပြီး ဒဏ်ရာရရှိသူ ၁၂ ဦး ရှိတယ်လို့ တရုတ်နိုင်ငံပိုင် ဆင်ဟွာသတင်းအေဂျင်စီရဲ့ ဖော်ပြချက်အရ သိရပါတယ်။

ဒီပေါက်ကွဲမှုက Yibin Hengda နည်းပညာပိုင် ဓာတုစက်ရုံမှာ ပေါက်ကွဲခဲ့တာလို့ တရုတ်အာဏာပိုင်တွေရဲ့ ပြောဆိုမှုကိုကိုးကားပြီး ရိုက်တာသတင်းက ဖော်ပြထားပါတယ်။

တရုတ်ဆိုရှယ်မီဒီယာတွေမှာ ပြန့်နှံ့နေတဲ့ဓာတ်ပုံတွေအရ မီးအကြီးအကျယ်လောင်ပြီး စက်ရုံအဆောက်အအုံကနေ မီးခိုးလုံးတွေထွက်ပေါ်တာကို တွေ့ရပါတယ်။

Yibin Hengda နည်းပညာပိုင်စက်ရုံဟာ အစားအသောက်နဲ့ ဆေးဝါးတွေမှာသုံးတဲ့ ဓာတုပစ္စည်းတွေကို ထုတ်လုပ်ပေးတဲ့ စက်ရုံလို့ဆိုပါတယ်။

ဒေသဆိုင်ရာ မီဒီယာတွေဖော်ပြချက်အရ မီးလောင်ပေါက်ကွဲလို့ စက်ရုံရဲ့ ၃ ထပ် အဆောက်အအုံတစ်ခုလုံး ပြိုကျလောင်ကျွမ်းခဲ့တယ်လို့ သိရပါတယ်။

ပေါက်ကွဲမှုက ဘာကြောင့်ဖြစ်တယ် ဆိုတာကိုတော့ မသိရသေးပါဘူး။

မီးလောင်မှုက ကြာသာပတေးနေ့ ညနေပိုင်းမှာဖြစ်ပွားခဲ့ပြီး သောကြာမနက်အစောပိုင်းမှာ ထိန်းချုပ်နိုင်ခဲ့တယ်လို့ ဆင်ဟွာသတင်းမှာ ဖော်ပြထားပါတယ်။

ဒဏ်ရာရသူတွေကတော့ စိုးရိမ်စရာ အခြေအနေမရှိဘူးလို့လည်း အဲသတင်းမှာ ပါရှိပါတယ်။

ဒီမီးလောင်ပေါက်ကွဲမှုဟာ တရုတ်နိုင်ငံမှာ ဘေးအန္တရာယ်ကြီးမားတဲ့ ဓာတုစက်ရုံပေါက်ကွဲမှုတွေထဲက တစ်ခုဖြစ်တယ်လို့လည်း ဆင်ဟွာသတင်းဖော်ပြချက်အရ သိရပါတယ်။

BBC Burmese
https://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ