တာချီလိတ်မြို့အ၀င် ဟွေရဲပူးပေါင်းဂိတ်တွင် AK-47 သေနတ်နှစ်လက်နှင့်အတူ ခဲယမ်းများဖမ်းဆီးရမိ


တာချီလိတ် ဇူလိုင် ၁၂

ရှမ်းပြည်နယ်(အရှေ့ပိုင်း)တာချီလိတ်ခရိုင်ရဲတပ်ဖွဲ့မှူး ဒုတိယရဲမှူးကြီး ပေါ်ထွန်း နှင့် မြို့နယ်ရဲတပ်ဖွဲ့မှူး ရဲမှူး သန်းနု တို့၏ ကြီးကြပ်မှုဖြင့် ရှောင်တခင် ပူးပေါင်းစစ်ဆေးရေး လုပ်ငန်းများဆောင်ရွက်ရာ ယနေ့ နံနက် ၃ နာရီ ၁၅ မိနစ်ခန့်က တာချီလိတ်မြို့ အ၀င် ဟွေရဲဂိတ်တွင် မော်တော်ယာဉ်တစ်စီးပေါ်မှ AK-47 သေနတ်နှစ်လက် နှင့်အတူ ခဲယမ်းများ ဖမ်းဆီးရမိကြောင်းသိရသည်။

ဖြစ်စဉ်မှာ တာချီလိတ်မြို့အ၀င် ဟွေရဲပူးပေါင်းစစ်ဆေးရေးဂိတ်၌ ခရိုင်ရဲတပ်ဖွဲ့မှူးရုံးမှ ရဲအုပ်အောင်ဆွေဦး ဦးစီးအဖွဲ့၊ အမှတ် (၃၅၉)ခြေမြန်တပ်ရင်းမှ ဗိုလ် မိုးမြင့်အောင် ဦးစီးအဖွဲ့တို့ပါဝင်သော ပူးပေါင်းအဖွဲ့သည် နယ်မြေ လုံခြုံရေး ရှာဖွေရေးလုပ်ငန်း များဆောင်ရွက်နေစဉ် ဟွေရဲကျေးရွာဘက်မှ တာချီလိတ်မြို့ပေါ်သို့ အိုက်မွန်း ဆိုသူ မောင်းနှင်လာသည့် ယာဉ်အမှတ်၊ SHN-4J…….. နံပါတ်ပါ မစ်ဆူဘီရှီ (ခဲရောင်)မော်တော်ယာဉ်အား ရပ်တန့် စစ်ဆေးရှာဖွေရာ ယာဉ်မောင်း ဘေးထိုင်ခုံအောက်မှ M-01104 နှင့် M-10145 နံပါတ်များပါရှိသော AK- 47 သေနတ်အရှည် နှစ်လက် ၊ ကားနောက်ခန်း ထိုင်ခုံကူရှင် နောက်ဘက်၌ ထည့်ထားသည့် ကျည်အိမ်(၁၆)ခု နှင့် ယာဉ်မောင်းဘေးရှိ Tool Box အတွင်းမှ ကျည်(၈)တောင့်ပါ ကျည်အိမ်တစ်ခု တို့ကို တွေ့ရှိ သိမ်းဆည်းရမိခြင်း ဖြစ်ကြောင်းသိရသည်။

အဆိုပါ တရားမ၀င်လက်နက်ခဲယမ်းများနှင့်အတူ ဖမ်းဆီးရမိသည့် အိုက်မွန်း(၂၇)နှစ်အား တာချီလိတ်မြို့မ ရဲစခန်းက အမှုဖွင့်အရေးယူ ထားကြောင်းသိရသည်။

ဝေယံလင်း(ပြန်/ဆက်)
Myanmaalinn
https://www.facebook.com/MYANMAALINNNEWS/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ