 |
| အလုပ်ရှင်က ဖိနပ်အချွန်နဲ့ ကန်လိုက်တဲ့အတွက် YBS ၂၀ ယာဉ်မောင်း ဦးအောင်မြတ်ရဲ့ ရင်ဘတ်နေရာမှာ ဒဏ်ရာရနေတာကို တွေ့ရစဉ်/ Photo: BO Hla Gyi - facebook |
အဲဒီအမှုနဲ့ပတ်သက်ပြီး တိုင်ကြားခံရသူတွေကိုပါ ဆင့်ခေါ်သွားမှာဖြစ်တဲ့အကြောင်း တရားသူကြီးက ပြောလိုက်တယ်လို့ ကားမောင်းသမားဘက်က လိုက်ပါကူညီပေးနေတဲ့ အလုပ်သမားအရေးလှုပ်ရှားသူ ဦးမောင်မောင်ဟန် က ပြောပါတယ်။
"တွဲဖက်တရားသူကြီး ၁ ကနေ ရှင်းပြပါတယ်။ ကိုအောင်မြတ်ရဲ့အမှုက နှစ်ဖက်ရဲ့ စွဲဆိုချက်တွေကို ပြန်လည်တင်ပြချက်နဲ့ တရားသူကြီးကနေ ၂၉၄/၃၂၃ လူတဖက်သားကို ထိခိုက်ဒဏ်ရာရလိုမှု၊ အဲဒါကို ဆင့်ခေါ်ပါမယ်တဲ့။"
ပြီးခဲ့တဲ့မေလတုန်းက ယာဉ်မတော်တဆ ထိခိုက်တာကြောင့် ကားပျက်စီးတယ်ဆိုပြီး ယာဉ်မောင်း ဦးအောင်မြတ်ကို ယာဉ်လိုင်းပိုင်ရှင် ဦးကျော်နေ၀င်းနဲ့ ဦးဇွဲနေ၀င်းတို့က ကိုယ်ထိလက်ရောက်ကျူးလွန်ခဲ့တယ်ဆိုပြီး လှိုင်သာယာမြို့နယ်တရားရုံးမှာ ဦးတိုက်လျှောက်ထားခဲ့တာဖြစ်ပါတယ်။
ယာဉ်ထိခိုက်တာကြောင့် အလုပ်ထုတ်ခံလိုက်ရတဲ့ ဦးအောင်မြတ်နဲ့ ဦးကျော်မင်းထွန်း အတွက် အလုပ်ထုတ်နစ်နာကြေး၊ လုပ်ခလစာကျန်ငွေနဲ့ အလုပ်ထုတ်မယ်ဆိုရင် ၁ လ ကြိုတင်အကြောင်းမကြားတဲ့ လျော်ကြေးတွေအတွက် မြို့နယ်ညှိနိုင်းဖျဉ်ဖြေရေးရုံးကို တိုင်ကြားခဲ့ပါတယ်။ YBS 20 ယာဉ်လိုင်းဘက်ကနေ လုပ်ခလစာကျန်ငွေသာပေးမယ်ဆိုတဲ့အတွက် အလုပ်သမား ခုံသမာဓိကို ထပ်တိုင်ကြားထားတယ်လို့ ဦးမောင်မောင်ဟန်က ပြောပါတယ်။
ယာဉ်မောင်း ဦးကျော်မင်းထွန်း နစ်နာကြေး ၃ ခုအတွက် ငွေကျပ် ၇ သိန်း ၄ သောင်း၊ ဦးအောင်မြတ်အတွက် ၅ သိန်း ၉ သောင်းကို YBS 20 ယာဉ်လိုင်းကပေးဖို့ တောင်းဆိုထားတာလို့ ပြောပါတယ်။
RFA Burmese
https://www.rfa.org/burmese
YBS ယဉ်မောင်းအမှုနဲ့ ကိုကျော်နေဝင်း တို့အမှု တရားရုံးလက်ခံ
Reviewed by THITHTOOLWIN
on
19:29
Rating:
Reviewed by THITHTOOLWIN
on
19:29
Rating:
