 |
| ကချင်ပြည်နယ် ဝိုင်းမော်မြို့နယ်မှာ ခိုလှုံနေတဲ့ စစ်ပြေးဒုက္ခသည်စခန်းတစ်ခုကို တွေ့ရစဉ် ။ Photo: Kyaw Myo Min/RFA |
KIA ထိန်းချုပ်နယ်မြေထဲကို မသွားဖို့ ပြီးခဲ့တဲ့ ဇွန်လဆန်းပိုင်းလောက်က တားမြစ်စာပေးပို့လာတာ လို့ မြစ်ကြီးနားမြို့ KBC အဖွဲ့ချုပ်က ဒေါက်တာဆမ်ဆွန်ကပြောပါတယ်။
‘’နယ်လုံကနေ စာရေးလာတာ၊ လွန်ခဲ့တဲ့မေလတုန်းက အဲဒီဝိုင်းမော်က ခရစ်ယာန်အဖွဲ့ချုပ်အဖွဲ့ဝင်တွေ က အဲဒီမှတ်တိုင်ချောင်းရှိတဲ့နေရာကို မသွားနဲ့ပေါ့၊ အဲဒီနေရာက KIA နယ်မြေဖြစ်တာကိုမသွားဖို့၊ အကြောင်းကြား အသိပေးအပ်တယ်ဆိုတာကို အကြောင်းကြားတဲ့စာရောက်လာတာပေါ့ ’’
ဝိုင်းမော်မြို့နယ်က မှတ်တိုင်ချောင်းဒုက္ခသည်စခန်းမှာ မူလက စစ်ဘေးဒုက္ခသည် ငါးထောင်နီးပါးလောက် ရှိပြီး မေလအတွင်းက တိုက်ပွဲတွေကြောင့် နောက်ထပ်စစ်ဘေးဒုက္ခသည်တွေ ထပ်တိုးလာခဲ့ရတာဖြစ်ပါတယ်။ အဲဒီစစ်ဘေးဒုက္ခသည်စခန်းကို ဝိုင်းမော် KBC အဖွဲ့က စားနပ်ရိက္ခာ သွားရောက်ကူညီပေးနေတာဖြစ်ပါယတ်။ ထပ်မသွားဖို့နဲ့ သွားရင် မတရားအသင်းဆက်သွယ်မှု ဥပဒေပုဒ်မ ၁၇ (၁)နဲ့ ငြိစွန်းမယ်ဆိုပြီး ကချင်ပြည်နယ် နယ်လုံဝန်ကြီးက အသိပေးအကြောင်းကြားစာ ပေးပို့ခဲ့တယ်လို့ ပြောပါတယ်။
ဝိုင်းမော်ဒုက္ခသည်စခန်းဟာ တရုတ်-မြန်မာနယ်စပ်နေရာမှာရှိပြီး ကချင်လွတ်မြောက်ရေးအဖွဲ့ KIA ထိန်းချုပ်ရာနယ်မြေဖြစ်ပါတယ်။
အခုလို မိုးတွင်းကာလမှာ ဒုက္ခသည် ငါးထောင်နီးပါးရဲ့ နေထိုင်စားသောက်ရေး စိုးရိမ်ရတဲ့အတွက် သွားရောက်ကူညီပေးနိုင်ဖို့ ပြည်နယ်အစိုးရဆီကို ပြန်လည်တင်ပြဖို့ စီစဉ်နေတယ်လို့ ဒေါက်တာဆမ်ဆွန် က ပြောပါတယ်။
RFA Burmese
https://www.rfa.org/burmese
KIA နယ်မြေထဲက ဒုက္ခသည်တွေကို ကူညီဖို့ တားမြစ်ခံရ
Reviewed by THITHTOOLWIN
on
17:32
Rating:
Reviewed by THITHTOOLWIN
on
17:32
Rating:
