စစ်ရှောင်ဒုက္ခသည်တွေဆီ မသွားဖို့ အစိုးရ က တားမြစ်ချက် KBC လက်မခံ

 မြစ်ကြီးနား နား က စခန်းတခုမှာ စစ်ရှောင်ကြရတဲ့ ပြည်သူတွေ
စစ်ပွဲကြောင့် အိုးအိမ်စွန့်ခွာ ထွက်ပြေးခဲ့ရတဲ့ ဒုက္ခသည်တွေ ရှိရာ အချို့နေရာတွေကို မသွားဖို့ ကချင်ပြည်နယ် အစိုးရ က တားမြစ်ထား ပေမယ့် ကချင်နှစ်ခြင်း ခရစ်ယာန်အသင်းတော် (KBC) က တားမြစ်ချက်ကို မလိုက်နာ နိုင်ကြောင်း ငြင်းဆန်လိုက်ပါတယ်။

မေလ အစောပိုင်းလောက်က မြန်မာတရုတ်နယ်စပ်မှတ်တိုင် ၆ နဲ့ ၈ နေရာ တွေမှာ ရှိနေတဲ့ စစ်ရှောင် ဒုက္ခသည် မိသားစုတွေ ရှိရာကို သွားခဲ့တဲ့ ကချင်နှစ်ခြင်းအသင်းတော် (KBC) ဆီကို ကချင်ပြည်နယ် အစိုးရက အဲဒီနယ်မြေဟာ ကေအိုင်အေ လက်နက်ကိုင်အဖွဲ့ရှိရာ နယ်မြေဖြစ်တဲ့အတွက် အဲဒီ နယ်မြေဖက်ကို သွားရင် မတရားအသင်း အက်ဥပဒေ ပုဒ်မ ၁၇ (၁)နဲ့ အရေးယူနိုင်ကြောင်း၊ နောက်နောင်တွင် လုံးဝမသွားရန် သတိပေးတားမြစ်တဲ့ စာကို ပြီးခဲ့တဲ့ သီတင်းပတ်အတွင်း က လက်ခံရရှိကြောင်း ဝိုင်းမော် အခြေစိုက် KBC ရဲ့ အတွင်းရေးမှူး သိက္ခာတော်ရ ဆရာတော် ဦးဒေါင်ခေါင်း က ဘီဘီစီ ကို ပြောပါတယ်။

ဘီဘီစီ က ဖတ်ရှုရတဲ့ အဲဒီ ကချင်ပြည်နယ် အစိုးရရဲ့ သတိပေးစာ မှာ လုံခြုံရေးနဲ့ နယ်စပ်ရေးရာ ဝန်ကြီး ဗိုလ်မှူးကြီး သူရမျိုးတင် က လက်မှတ်ရေးထိုးထားတာ တွေ့ရပါတယ်။

KBC သိက္ခာတော်ရဆရာတော် ဦးဒေါင်ခေါင်း က သူတို့အနေနဲ့ ကချင်လက်နက်ကိုင်အဖွဲ့ ကေအိုင်အေ နဲ့ သွားတွေ့တာ မဟုတ်ပဲ၊ ဒုက္ခရောက်နေတဲ့ သူတို့ အသင်းသူအသင်းသားတွေ ဆီသာ သွားရောက် ကူညီတာ ဖြစ်တဲ့အတွက် နောက်နောင် မှာလည်း ဆက်လက်သွားရောက်မယ့် အကြောင်း ဘီဘီစီ ကို ပြောပါတယ်။

အခုလို ဒုက္ခရောက်နေတဲ့ သူတို့အသင်းသားတွေ ကို ကူညီဖို့၊ ခွန်အားပေးဖို့ က သူတို့တာဝန်ဖြစ်တဲ့အတွက် ဘယ်သူတားတား သွားရောက်ရမှာ ဖြစ်သလို၊ ဒုက္ခရောက်နေသူကိုကူညီနေတဲ့ သူတို့ ကို အစိုးရ အနေနဲ့ အားပေးရမယ့် အစား ခြိမ်းခြောက်နေတာ ဟာ ဝမ်းနည်းစရာ ကောင်းတယ်လို့ လည်း သူ က ပြောပါတယ်။
 မြစ်ကြီးနား နား က စစ်ရှောင် ဒုက္ခသည် စခန်း တခုအတွင်း ရောက်နေတဲ့ အဖွားအို တယောက်
မြန်မာနိုင်ငံပြည်တွင်းမှာ စစ်ပွဲနဲ့ ပဋိပက္ခတွေကြောင့် အိုးအိမ်စွန့်ခွာထွက်ပြေးရကာ ဒုက္ခသည်စခန်းတွေမှာ ခိုလှုံ နေရသူတွေ သိန်းနဲ့ချီပြီး ရှိနေတာပါ။

လက်နက်ကိုင် တိုက်ပွဲတွေဖြစ်နေတဲ့ ကချင်ပြည်နယ်နဲ့ ရှမ်းပြည်နယ်မြောက်ပိုင်းမှာ တင် စစ်ရှောင် ဒုက္ခသည် စခန်း ၁၆၀ ကျော် ရှိပြီး အဲဒီ မှာ လူပေါင်း တသိန်း နီးပါးခိုလှုံနေကြရတာပါ။

ရခိုင်ပြည်နယ်မြောက်ပိုင်းမှာလည်း ဘာသာရေး၊ လူမျိုးရေး အဓိကရုဏ်းတွေ နောက်ပိုင်း ပြည်တွင်း ဒုက္ခသည်စခန်းတွေ မှာ ခိုလှုံနေရသူတွေ ၁သိန်း ၂ သောင်း လောက်ရှိတယ် လို့ ကုလသမဂ္ဂ စာရင်းတွေ အရ သိရပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ