ဟိုပင်မှာ ရေတူးရာကနေ ဓါတ်ငွေ့ထွက်လို့ မီးဘေးလုံခြုံရေး ဆောင်ရွက်နေရ


ကချင်ပြည်နယ် မိုးညှင်းမြို့နယ် ဟိုပင်မြို့ မြကျွန်းသာရပ်ကွက်က နေအိမ်တစ်အိမ်မှာ စက်ရေတွင်း တူးနေရာကနေ ဒီကနေ့ မနက် အစောပိုင်းက သဘာဝဓါတ်ငွေ့လို့ ယူဆရတဲ့ ဓါတ်ငွေ့တွေ ထွက်နေတာကြောင့် မီးသတ်တပ်ဖွဲ့ဝင် တွေက အများပြည်သူ မီးဘေးလုံခြုံရေး တာဝန်ယူ ဆောင်ရွက်နေပါတယ်။

အဲဒီဓါတ်ငွေ့ထွက်နေတဲ့ နေရာပတ်ဝန်းကျင် ပေ တစ်ထောင်အတွင်းမှာ မီးသုံးစွဲမှု နဲ့ ယာဉ်စက်ယန္တရားတွေ သွားလာမှုကို ကန့်သတ်ထားပြီး မီးဘေးလုံခြုံရေးတွေ ဆောင်ရွက်နေတယ်လို့ ပြည်နယ်မီးသတ်တပ်ဖွဲ့မှူး ဦးစိုးဝင်း က ပြောပါတယ်။

"ပေ ၁ ထောင် ပတ်ဝန်းကျင်ကို အန္တရာယ်ဇုံလို့ သတ်မှတ်ထားပြီးတော့ ပေ ၁ ထောင်ရဲ့ ပြင်ပကို Safety zone လို့ သတ်မှတ်ထားတာပေါ့နော်။ ဓါတ်ငွေ့ထွက်တဲ့ ပတ်ဝန်းကျင် ပေ ၁ ထောင်ကိုတော့ အုပ်ချုပ်ရေး အဖွဲ့အစည်း များနဲ့ လူတွေကိုတော့ ဘေးကင်းတဲ့နေရာကို ရွှေ့ပြောင်းစေဖို့ လုပ်ထားပါတယ်။ ဓါတ်ငွေ့ဟာ အကယ်၍ မီးလောင်စေတဲ့ ဓါတ်ငွေ့များဖြစ်ခဲ့ရင်၊ အန္တရာယ်ရှိတဲ့ ဓါတ်ငွေ့များဖြစ်ခဲ့ရင် အများပြည်သူကို ထိခိုက်မှုမရှိစေဖို့ ရေမှုန်ရေမွှားလေးနဲ့ လေထုထဲကို လွှင့်ပျံအောင် လုပ်နေပါတယ်ဗျ"

လတ်တလောမှာ မီးသတ်ကား ၃ စင်းနဲ့အတူ မီးသတ်တပ်ဖွဲ့ဝင်တွေက အဲဒီပတ်ဝန်းကျင်မှာ အသင့်ရောက်ရှိနေပြီး ရဲတပ်ဖွဲ့ဝင်တချို့ကလည်း လုံခြုံရေးတွေ ဆောင်ရွက်နေတယ်လို့ သိရပါတယ်။

ကျွမ်းကျင်သူတွေက ဓါတ်ငွေ့တိုင်း ကိရိယာတွေနဲ့တိုင်းတာ စမ်းသပ်နေပြီး၊ လောလောဆယ်မှာ ဘယ်လို ဓါတ်ငွေ့ အမျိုးအစားဖြစ်တယ်ဆိုတာကို မသိရှိရသေးပါဘူး။

ဟိုပင်မြို့မှာ အဲဒီလို ဓါတ်ငွေ့ထွက်တာဟာ ပထမဆုံးအကြိမ်ဖြစ်တယ်လို့ ဒေသခံတွေက ပြောပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ