သံမဏိနဲ့ အလျူမီနီယံတွေ အပေါ် အခွန် တိုးမြှင့်မှု စတင် သက်ဝင်လာ

ကုန်သွယ်ဘက် နိုင်ငံတွေက အမေရိကန်ကို အပြင်းအထန် ဝေဖန်
အမေရိကန် ပြည်ထောင်စုက ပြည်ပ သွင်းကုန် တချို့ပေါ် တိုးမြင့် တင်းကြပ်လာတဲ့ အခွန်နှုန်းထား အသစ်တွေဟာ ဝါရှင်တန် စံတော်ချိန် သောကြာည သန်းခေါင်ယံ အချိန်ကစလို့ သက်ဝင် လာပြီ ဖြစ်ပါတယ်။

အီးယူ၊ မက္ကဆီကိုနဲ့ ကနေဒါ တို့လို နိုင်ငံရပ်ခြား တိုင်းပြည်တွေက လာတဲ့ သံမဏိတွေ အပေါ် အခွန် ၂၅ ရာခိုင်နှုန်းထိ စည်းကြပ်မှာ ဖြစ်သလို၊ အလျူမီနီယံ ပစ္စည်းတွေ အပေါ်မှာလည်း ၁ဝ ရာခိုင်နှုန်း ကောက်ခံမှာ ဖြစ်ပါတယ်။

အခွန်တိုးမြှင့်တာ ချက်ခြင်း မလုပ်သေးပဲ အီးယူ ကုန်ပစ္စည်းတွေကို ၂ လကြာ ကင်းလွတ်ခွင့် ပေးပြီး ဆွေးနွေးခဲ့ကြ ပေမယ့် မအောင်မြင်ခဲ့ဘူးလို့ အမေရိကန် ကုန်သွယ်ရေး ဝန်ကြီး ဝီလ်ဘာ ရော့စ်က ဆိုပါတယ်။

မြောက် အမေရိက ဒေသ နိုင်ငံတွေ တလွှား လွတ်လပ်စွာ ကုန်သွယ်ခွင့် သဘောတူမှုကိုလည်း ကနေဒါ၊ မက္ကဆီကို နိုင်ငံတွေနဲ့ အမေရိကန်ကြား ပြန်လည် သုံးသပ် ညှိနှိုင်း ခဲ့ကြတာကလည်း မျှော်လင့်ထားတာထက် ပိုပြီး ကြာမြင့် ခဲ့တယ်လို့ မစ္စတာ ရော့စ်က ဆိုပါတယ်။
အီးယူ၊ ကနေဒါနဲ့ မက္ကဆီကိုအပေါ် ပြစ်တင်စကား ဆိုတဲ့ ဝီလ်ဘာရော့စ်
အခွန်တိုးမြှင့်ဖို့ အမေရိကန်က ချမှတ်ထားတဲ့ ဥပဒေကို အခုလို စတင် သက်ဝင်လာစေတာ ဖြစ်တယ်လို့ မစ္စတာ ရော့စ်က ဆိုပါတယ်။

အမေရိကန်ရဲ့ အခွန်တိုးမြှင့်မှုကို လက်တုံ့ပြန် ဆောင်ရွက်မှာ ဖြစ်တယ် ဆိုပြီး ကနေဒါ၊ အီးယူနဲ့ မက္ကဆီကို နိုင်ငံတွေက ပြောပါတယ်။
သံမဏိနဲ့ အလျူမီနီယံအပေါ် အမေရိကန် ပစ်မှတ်ထား
 ဒေါ်လာ ၁၂.၈ ဘီလီယံဖိုး ကနေဒါ နစ်နာ
အမေရိကန်ရဲ့ အခွန်နှုန်းထားသစ်ကြောင့် ကနေဒါ နိုင်ငံ ထိခိုက် နစ်နာရတဲ့ ဒေါ်လာ ၁၂.၈ ဘီလီယံနဲ့ ညီမျှတဲ့ အကောက်ခွန် တိုးမြှင့်မှုတွေ အမေရိကန် ကုန်ပစ္စည်းတွေ အပေါ် ချမှတ်မယ် ဆိုပြီး ကနေဒါ ဝန်ကြီးချုပ် ဂျပ်စတင် ထရူးဒိုးက ပြောပါတယ်။

အီးယူနဲ့ မက္ကဆီကို နိုင်ငံတွေကလည်း အလားတူ သဘောထားမျိုး ရှိနေပါတယ်။

အမေရိကန်ရဲ့ ဆုံးဖြတ်ချက်ဟာ မှားယွင်းပြီး ဥပဒေနဲ့လည်း မညီညွတ်ဘူးလို့ ပြင်သစ် သမ္မတ အေမန်ဝဲလ် မက်ခရွန်းက ဆိုပါတယ်။

မစ္စတာ မက်ခရွန်းရဲ့ ပြောဆိုမှုကို ဂျာမနီ အစိုးရ ပြောရေးဆိုခွင့် ရှိသူ စတယ်ဖန် ဇိုင်းဘတ်ကလည်း ထောက်ခံခဲ့ပါတယ်။
နယူးယောက်မြို့ကို ရောက်လာတဲ့ ကင်မ်ယန်ချိုးလ်
တခါ၊ မြောက်ကိုရီးယား အရေးနဲ့ ပတ်သက်လို့တော့ အမေရိကန်နဲ့ ပြုံယမ်း အစိုးရကြား ဆက်ဆံရေးဟာ တိုးတက်လာဖို့ အရေးကြီးဆုံး အနေထားမှာ ရောက်နေပြီလို့ အမေရိကန် နိုင်ငံခြားရေး ဝန်ကြီး မိုက်ခ် ပွန်ပေအိုက ပြောပါတယ်။

ဒါ့ကြောင့် ဒီ အခြေအနေကနေ တခါ ပြန်ပြီး ပျက်ယွင်းသွားမယ် ဆိုရင် အင်မတန် ဝမ်းနည်းဖို့ ကောင်းလိမ့်မယ်လို့ ဝန်ကြီး ပွန်ပေအိုက ဆိုပါတယ်။

မြောက်ကိုရီးယား ခေါင်းဆောင် ကင်မ်ဂျုံအွန်းရဲ့ အနီးကပ် လူယုံဖြစ်တဲ့ ဗိုလ်ချုပ်ကြီး ကင်မ်ယန်ချိုးလ်နဲ့ နယူးယောက်မြို့မှာ တွေ့ဆုံ ဆွေးနွေးခဲ့ကြ အပြီး မစ္စတာ ပွန်ပေအိုက အခုလို ပြောလာတာ ဖြစ်ပါတယ်။
ရုရှားနိုင်ငံခြားရေး ဝန်ကြီးလည်း ပြုံယမ်းကိုသွား
နယူးယောက် စကားပြောပွဲဟာ နှစ်နိုင်ငံ ခေါင်းဆောင်တွေကြား ထိပ်သီး ဆွေးနွေးပွဲ အထမြောက်လာ စေဖို့ရာ အထောက်အကူ အများကြီး ဖြစ်စေခဲ့တယ်လို့လည်း ဆိုပါတယ်။

လာမယ့် ဇွန်လထဲ ထရမ့်နဲ့ ကင်မ်တို့ တွေ့ဆုံကြမယ့် ထိပ်သီး အစည်းအဝေး ပျက်မသွားအောင် နှစ်နိုင်ငံစလုံး ဘက်က ကြိုးစား ဆောင်ရွက် နေကြတာ တွေ့နေရပါတယ်။

ဇွန်လ ၁ သောကြာနေ့မှာ ကင်မ်ဂျုံအွန်း ဆီက ပေးပို့တဲ့ စာတစ်စောင် လက်ခံရရှိဖို့ မျှော်လင့် ထားတယ် ဆိုပြီး သမ္မတ ထရမ့်က ပြောပါတယ်။

စာထဲ ဘယ်လို အကြောင်းအရာတွေ ပါဝင်မလဲ ဆိုတာ အတိအကျ မသိရပေမယ့်၊ ထိပ်သီး ဆွေးနွေးပွဲမှာ ပြောဆိုကြမယ့် အကြောင်းအရာတွေ ပါဝင်မှာ ဖြစ်တယ်လို့ ဆိုပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ