မင်းပြားမြို့နယ်မှာ ကျေးရွာတွေ ရေနစ်မြုပ်

ရေကြီးမှုတွေဖြစ်ပေါ်နေတာကြောင့် မင်းပြား၊ မြောက်ဦး၊ ကျောက်တော် မြို့တွေမှာ မီးသတ်တပ်ဖွဲ့က ကားတွေနဲ့လှည့်လည်ပြီး သတိပေးကြေညာနေတာကို ၂ဝ၁၈ ခုနှစ် ဇွန်လ ၁၃ ရက်နေ့က တွေ့ရစဉ်/ Photo: Rakhine Fire Force - facebook

ရခိုင်ပြည်နယ်မှာ မိုးအဆက်မပြတ်ရွာသွန်းနေတာကြောင့် မင်းပြားမြို့နယ်အတွင်းက ကျေးရွာပေါင်း ၄၄ ရွာ ရေနစ်မြုပ်နေပါတယ်။

ဒေသခံတွေ ဘေးလွတ်ရာကို ပြောင်းရွှေ့ဖို့အတွက် ဆက်သွယ်ညွှန်ကြားထားတယ်လို့ မင်းပြားမြို့ ဒုတိယမြို့နယ်အုပ်ချုပ်ရေးမှူး ဦးကျော်သိန်းထွန်းက ပြောပါတယ်။

မင်းပြားမြို့နယ် မင်းဖူး၊ ကတ်ဖဲ၊ လက်ခုပ်ကျေးရွာတွေက ဒေသခံတွေကို ဇွန်လ ၁၃ ရက်နေ့ကစပြီး ပြောင်းရွှေ့ဖို့ အစိုးရက ညွှန်ကြားထားတာဖြစ်ပါတယ်။ ကျေးရွာတွေအနီးက ချောင်းရေတွေ တဖြည်းဖြည်းမြင့်တက်လာတဲ့အတွက် နေအိမ်တွေ ရေနစ်မြုပ်ပြီး နီးစပ်ရာတောင်ကုန်းတွေနဲ့ ဘုန်းတော်ကြီးကျောင်းတွေကို ပြောင်းရွှေ့ခိုလှုံနေကြရပါတယ်။ အရေးပေါ်အခြေအနေနဲ့ အကူအညီတွေလိုအပ်ရင် သက်ဆိုင်ရာကျေးရွာ အုပ်ချုပ်ရေးမှူးတွေကနေတဆင့် ဆက်သွယ်ဆောင်ရွက်ဖို့ကိုလည်း အသိပေးကြေညာထားတယ်လို့ ပြောပါတယ်။

လေးမြို့မြစ်ရေဟာ တဖြည်းဖြည်းမြင့်တက်လာနေတဲ့အတွက် မင်းပြားမြို့ပေါ်ရပ်ကွက်တွေမှာလည်း ရေနစ်မြုပ်နေတာကြောင့် အခြေအနေပေါ်မူတည်ပြီး ဘေးလွတ်ရာကို ပြောင်းရွှေ့ပေးမှာဖြစ်တယ်လို့ ဒုတိယမြို့နယ်အုပ်ချုပ်ရေးမှူး ဦးကျော်သိန်းထွန်းက ပြောပါတယ်။

မိုးအဆက်မပြတ်ရွာသွန်းပြီး ရေကြီးမှုတွေဖြစ်ပေါ်နေတာကြောင့် မင်းပြား၊ မြောက်ဦး၊ ကျောက်တော် မြို့တွေမှာ မီးသတ်တပ်ဖွဲ့က ကားတွေနဲ့လှည့်လည်ပြီး သတိပေးကြေညာတာတွေကိုလည်း မနေ့က စတင်ပြီးဆောင်ရွက်နေပါတယ်။

အလားတူ ရှမ်းပြည်နယ် ပလောင်ကိုယ်ပိုင် အုပ်ချုပ်ခွင့်ရဒေသ နမ့်ဆန်မြို့နယ်အတွင်းမှာ ပြီးခဲ့တဲ့ ဇွန်လ ၉ ရက်နေ့ ကစပြီး မိုးကြီးမူကြောင့် နမ့်ဆန်မြို့ပေါ်ရပ်ကွက်တွေမှာ မြေပြိုပြီး နေအိမ်တွေ ပျက်စီးတာတွေရှိနေပါတယ်။

မြို့ပေါ်ရပ်ကွက်မှာ နေအိမ်ဆယ်လုံးကျော်အထိ ပျက်စီးမှုရှိနေပြီး နမ့်ဆန်မြို့ က မြို့မဂိုဏ်းချုပ်ကျောင်း အပါအဝင် ဘုန်းတော်ကြီးကျောင်းသုံးကျောင်း ဘေးပတ်ပတ်လည်မှာ မြေတွေပြိုတာရှိတယ်လို့ နမ့်ဆန်မြို့ မင်္ဂလာရပ်ကွက်မှာနေထိုင်တဲ့ ဦးကြားသီက ပြောပါတယ်။

နှစ်စဉ်မိုးရွာသွန်းတိုင်း မြေပြိုကျမှုတွေရှိနေတာကြောင့် မြေပြိုနိုင်တဲ့ နေအိမ်တွေက ဒေသခံတွေဟာ နီးစပ်ရာဆွေမျိုးတွေရဲ့နေအိမ်မှာ သွားနေရတာတွေရှိပြီး လူထိခိုက်မှုတော့ မရှိဘူးလို့ သိရပါတယ်။ ကျောက်မဲခရိုင် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန တာဝန်ရှိသူက နေအိမ်တွေပြိုကျပျက်စီးတာတွေရှိရင် ဆက်သွယ်နိုင်ပြီး ပျက်စီးသွားတဲ့ နေအိမ်အမျိုးအစား၊ မိသားစုဦးရေ စာရင်းနဲ့ ဒေသဦးစီးအဖွဲ့ ထောက်ခံစာနဲ့ ပူးတွဲတင်ပြရမှာဖြစ်တယ်လို့ ပြောပါတယ်။ နေအိမ်တစ်လုံးလုံး ပြိုကျပျက်စီးသွားတဲ့ မိသားစုတွေအတွက် တစ်အိမ်ထောင်ကို ထောက်ပံ့ရေးပစ္စည်း ၂၂ မျိုးနဲ့ အိမ်အမျိုးအစားအလိုက် ထောက်ပံ့ရေးပစ္စည်းတွေ ကူညီပေးသွားမှာဖြစ်တယ်လို့ ဆိုပါတယ်။

RFA Burmese
https://www.rfa.org/burmese