သီပေါမြို့က စားသောက်ဆိုင် ပိုင်ရှင်လင်မယား ပစ်သတ်ခံရ

သေနတ်ထိမှန်သေဆုံးသူများ၏အလောင်းအား နယ်စည်းမခြားပရဟိတအဖွဲ့မှ လာရောက်သယ်ဆောင်ပြီးဆေးရုံသို့ပို့ပေးစဉ် Photo Credit to Lashio News
သျှမ်းပြည်မြောက်ပိုင်း သီပေါမြို့နယ် တွင် ထမင်းဆိုင် ဖွင့်ထားသည့် မြို့ဆင်ခြေဖုံးနေလင်မယားနှစ်ဦး ယမန်နေ့ညသန်းခေါင်ခန့်က ပစ်သတ်ခံရသည်ဟု သိရှိရသည်။

၂၀၁၈ ဇွန်လ ၁၅ ည ၁၀ နာရီကျော်အချိန် မူစယ်-လားရှိုး-မန္တလေး ပြည်ထောင်စုလမ်းမပေါ်ရှိ ဝမ့်ဆွန်အွဲ့ (ကြံခင်းရွာ) ညောင်ပင် အနီး စားသောက်ဆိုင်ပိုင်ရှင်လင်မယားဖြစ်သည့် စိုင်းစံညွှန့် နှင့် နန်းရွှေကြည်တို့ လင်မယားနှစ်ဦးအား သေနတ်သမားနှစ်ယောက်က ထမင်းလာစားပြီး ပစ်သတ်သွားသည်ဟု အနီးအနား နေ ပုဂ္ဂိုလ်များ ပြောပြချက်အရသိရသည်။

ကျားခေါင်းပါတီ တာဝန်ရှိ ပုဂ္ဂိုလ်တဦးက – ‘ဟုတ်တယ်။ စိုင်းစံညွှန့်မှာ သေနတ်ဒဏ်ရာ ထိမှန်တဲ့ အချက် က များတယ်။ သူ့မိန်းမ နန်းရွှေကြည်ကတော့ ရင်ညွှန့်မှာတချက်၊ လက်မှာတချက် နှစ်ချက် ထိမှန်ပြီး နှစ်ယောက်လုံးပွဲချင်းပြီး ဆုံးသွားတယ်” – ဟု သျှမ်းသံတော်ဆင့်အားပြောသည်။

စိုင်းစံညွှန့်သည် ဆွန်အွဲ့ရွာ ရွာသူကြီးဟောင်းတဦးဖြစ်ကြောင်း ယခင်က တစုံတရာ မကျေနပ်မှုများကြောင့် လာရောက် ပစ်သတ် သွားခြင်း ဖြစ်နိုင်ကြောင်း ၊ ရဲများက လာရောက်စစ်ဆေးသွားသော်လည်း မည်သည့်အဖွဲ့ ၏လက်ချက်ဖြစ်သည် ဆိုသည့် အချက် ပြောဆိုသွားခြင်းမရှိကြောင်း သီပေါမြို့ခံ စိုင်းပီးလုံက ပြောသည်။

“ကျနော်တို့ မြို့က တနေ့တခြား ပိုပိုကြောက်လာနေတယ်။ ဘယ်အဖွဲ့မှာ လူ့အသက်အိုးအိမ်ကို တန်ဖိုးထား လုံခြုံမှု ပေးတဲ့စိတ်ထားမရှိဘူး။ အားလုံးကိုကြောက်နေရတယ်။ ဘယ်သူက ဘယ်သူမှန်းမသိရလို့။  အပြောအဆို ကအစ ဆင်ခြင်နေရတယ်” – ဟု ပြောသည်။

သီပေါမြို့ နယ်စည်းမခြား ပရဟိတအသင်းမှကိုမျိုးက- သေဆုံးသူရဲ့အလောင်းတွေကို ကျနော်တို့အဖွဲ့က သွားရောက်သယ်ဆောင်ပြီးသီပေါဆေးရုံ ရင်ခွဲရုံမှာထားပေးပါတယ်။ ဘယ်အဖွဲ့ရဲ့လက်ချက်ဖြစ်တယ်ဆိုတာ ရဲတွေဘက်ကလည်းမပြောနိုင်သေးသလိုကျနော်တို့လည်းမသိရသေးပါဘူး။- ဟုသျှမ်းသံတော်ဆင့်အားပြောသည်။

အဆိုပါ အမည်မသိလက်နက်ကိုင်အဖွဲ့များမှာ သီပေါမြို့တွင်း၊ မြို့ပြင်နေဒေသခံများ ၊ ကားဆရာများ၊ နွားကုန် ကူးသူများအား မကြာခဏ ပစ်ခတ်ခဲ့ကြောင်းသိရသည်။

သျှမ်းသံတော်ဆင့်၊ ဟွမ်ဟိန်း
http://burmese.shannews.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ