မင်းဘူး ဇွန် ၁၁
မင်းဘူးမြို့နယ်တွင် မိုးအဆက်မပြတ် ရွာသွန်းမှုကြောင့် ဇွန်လ (၁၀) ရက်နေ့ ည ၁၀ နာရီခွဲ အချိန်က မင်းဘူးမြို့နယ် လေးပင်ရေကျော်ချောင်းတွင် ချောင်းရေများကျနေစဉ် ကားတစ်စီးဖြတ်ကူးရာ ချောင်းရေဖြင့် မျောပါသွားခဲ့ကြောင်း မင်းဘူးမြို့မရဲစခန်းမှ သိရသည်။
ဖြစ်စဉ်မှာ မင်းဘူးမြို့နယ်၊ လေးပင်ကျေးရွာ၏ မြောက်ဘက် မိုင်တိုင်အမှတ်(၁၈/၂)နှင့် (၁၈/၃) ကြား မင်းဘူး-ပဒါန်းကားလမ်းပေါ်ရှိ လေးပင်ရေကျော်ချောင်း၌ ပဒါန်းကျေးရွာဘက်မှ ပဒါန်းကျေးရွာနေ ယာဉ်မောင်း ကိုဇော်မင်းအောင် (သ) ၃၄ နှစ်(ဘ) ဦးဌေးအောင်၊ မောင်းနှင်ပြီး ပဒါန်းကျေးရွာနေ ဆောက်လုပ်ရေး ၀န်ထမ်းတစ်ဦးဖြစ်သူ ဦးငြိမ်းချမ်းဇော် (သ) ၃၈ နှစ် (ဘ) ဦးကိုကြီး လိုက်ပါလာသော မော်တော်ယာဉ်အမှတ် 2D/ ---- ပါဂျဲရိုး အဖြူရောင်ယာဉ်သည် ရေအနက်(၃) ပေခန့်၊ ရေပြင်အကျယ်(၂၀) ပေခန့်ရှိ အဆိုပါ ရေကျော်ချောင်းအား ဖြတ်ကူးရာ ချောင်းအလယ်အရောက်တွင် တောင်ကျရေများ တစ်ဟုန်ထိုးကျလာသဖြင့် ယာဉ်မောင်းနှင့် လိုက်ပါလာသူတို့(၂) ဦးမှာ ကားထဲမှ ထွက်ပြီး မင်းဘူးဘက်ကမ်းစပ်သို့ ရေကူးပြေးခဲ့သဖြင့် လွတ်မြောက်ခဲ့သော်လည်း အဆိုပါ မော်တော်ယာဉ်မှာ ပေ(၃၀၀) ခန့်အထိ မျောပါသွားခဲ့ကြောင်း သိရသည်။
အဆိုပါ နေရာသို့ ည(၁၁) နာရီတွင် မင်းဘူးခရိုင် မီးသတ်ဦးစီးဌာန လက်ထောက်ညွှန်ကြားရေးမှူး ဦးထွန်းထွန်း အပါအဝင် (၇) ဦး၊ မင်းဘူးမြို့နယ်အုပ်ချုပ်ရေးမှူး ဦးသိန်းဇော်ကံ အပါအဝင် (၄) ဦး၊ စကုမြို့ရဲစခန်းမှ ရဲတပ်ကြပ်သန်းလင်းထိုက် အပါအဝင် တပ်ဖွဲ့ဝင်(၅) ဦး၊ လေးပင်ကျေးရွာအုပ်ချုပ်ရေးမှူး ဦးနန်းမြင့်ရှိန် အပါအဝင် (၁၀) ဦးတို့အဖွဲ့မှ အဆိုပါ မျောပါသွားသော မော်တော်ယာဉ်အား ဆယ်ယူရေးလုပ်ငန်းများ ဆောင်ရွက်ရန် စီစဉ်လျက်ရှိကြောင်းနှင့် လူ/ယာဉ်များ ဖြတ်သန်းသွားလာ၍ မရသဖြင့် ချောင်းအနောက်ဘက် လေးပင်ကျေးရွာဘက်တွင် မော်တော်ယာဉ်(၁၂) စီး၊ မော်တော်ဆိုင်ကယ်(၁၅) စီး၊ ချောင်းအရှေ့ဘက်ခြမ်းတွင် မော်တော်ယာဉ်(၁၀) စီး၊ မော်တော်ဆိုင်ကယ်(၁၁) စီးတို့မှာ ရပ်တန့်လျက်ရှိကာ အဆိုပါ ချောင်းရေကျမှုကြောင့် လူ၊ ကျွဲ နွား တိရစ္ဆာန် ပျက်စီးဆုံးရှုံးမှု မရှိကြောင်း မင်းဘူးမြို့မ ရဲစခန်းမှ သိရသည်။
မျိုးမြတ်(မင်းဘူး)
MOI Webportal Myanmar
https://www.facebook.com/MOIWebportalMyanmar
မင်းဘူးမြို့နယ် လေးပင်ရေကျော်ချောင်းတွင် ကားတစ်စီးမျောပါ
Reviewed by THITHTOOLWIN
on
11:44
Rating: