မိုးကုတ်မြို့တွင် မြေပြို၍နေအိမ်တစ်လုံထဲမှ လူ ၅ ဦးသေဆုံး


မန္တလေး ၁၄ ဇွန်

မိုးသည်းထန်စွာ ရွာသွန်းသဖြင့် ၊ မိုးကုတ်မြို့ အနောက်ပိုင်း အောင်သစ်လွင်ရပ်ကွက်တွင် ယနေ့ နံနက် ၂း၃၀ ခန့်က မြေပြိုမှုဖြစ်ပွားပြီး နေအိမ်တစ်လုံးအတွင်း နေထိုင်သူ ၅ ဦး သေဆုံးခဲ့ကြောင်း မိုးကုတ်မြို့နယ် အထွေထွေအုပ်ချုပ်ရေးမှူး ဦးကံထူးမှ ပြောသည်။

အဆိုပါမြေပြိုမှု ဖြစ်ပွားသည့်နေအိမ်တွင် အမျိုးသမီးနှစ်ဦး၊ အမျိုးသားသုံးဦးတို့သေဆုံးခဲ့ကြောင်းသိရသည်။

“ဒီနေ့မနက်ကတော့ နေအိမ်၃ ၊ ၄ အိမ်လောက်ပြိုတယ်။ အိမ်တစ် အိမ်ထဲက ညအိပ်ချိန်မှာ ဆိုတော့ မိသားစု ၅ ဦးလုံးမြေပြိုတဲ့ထဲပါသွားပြီးသေဆုံးခဲ့တယ်။ မိုးကုတ်အိမ်တွေက တောင်ကမ်းပါးယံတွေမှာအ ဆင့်ဆင့် ဆောက်ကြ တာဖြစ်တော့ မိုးကြောင့်မြေပြိုတဲ့ သဘောပါ”ဟုဦးကံထူးကပြောသည်။


မိုးကုတ်မြို့တွင် ဇွန် ၁၀ ရက် မှစ၍မိုးရွာသွန်းမှုနင့် လေတိုက်ခတ်မှုကြောင့် နေအိမ်အမိုးလန်ခြင်း၊ မြေပြိုခြင်း၊အိမ်ပြုကျခြင်းဖြစ်ပွားခဲ့ကြောင်း သိရသည်။

မြေပြို၍နေအိမ်တစ်အိမ်ထဲမှ လူငါးဦးသေဆုံးမှုတွင် ကူညီဆောင်ရွက်ခဲ့သည့် ပါရမီ နာမှုကူညီရေးအသင်းမှ တာဝန်ရှိသူတစ်ဦးက "၇ တန်းကျောင်းသားတစ်ယောက်ပါတယ်၊ ဆယ်တန်းကျောင်းသားတစ်ယောက်လဲ သေဆုံးတဲ့အထဲမှာပါတယ်"ဟု ပြောသည်။

မြေပြိုမှုကြောင့် ပျက်စီးသည့်နေရာများအား မြိုနယ်အုပ်ချုပ်ရေး ဦးစီးဌာန၊ကြက်ခြေနီတပ်ဖွဲ့နှင့် မြို့မိမြို့ဖများနှင့် ပရဟိတအဖွဲ့များက ပြိုကျပျက်စီးမှု များရှင်းလင်းခြင်း၊ သေဆုံးသူများကို ဆေးရုံသို့ပို့ဆောင် ပေးခြင်း၊ ကူညီခဲ့ကြပြီး သေဆုံးသူများ အတွက် ကူညီထောက်ပံ့မှုများ ဆောင်ရွက်သွားမည် ဖြစ်ကြောင်းသိရသည်။

မိုးသည်းထန်စွာ ရွာသွန်းမှုကြောင့် အဆိုပါ နေရာများအပြင် မိုးကုတ်ဖေါင်တော်ဦးဘုရား ခေါင်းလောင်းအနီး၌ မြေအက်ကွဲမှု များ၊စာသင်ကျောင်းများ အတွင်း ရေ၀င်ခြင်းနှင့် အချို့နေရာများတွင် မြေကျွံခြင်းများလည်း ဖြစ်ပေါ်ခဲ့ ကြောင်း သိရသည်။

အိမို့မို့ခိုင်
ဓါတ်ပုံ - Ko Ko Min facebook
Myanmar Digital News
https://www.facebook.com/MyanmarDigitalNews

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ