ဦးကျော်နေဝင်းတို့ကို တရားစွဲဆိုထားတာကို တရားလိုဘက်က ရုပ်သိမ်းကြောင်း စာတင်

အလုပ်ရှင်က ဖိနပ်အချွန်နဲ့ ကန်လိုက်တဲ့အတွက် YBS ၂၀ ယာဉ်မောင်း ဦးအောင်မြတ်ရဲ့ ရင်ဘတ်နေရာမှာ ဒဏ်ရာရနေတာကို တွေ့ရစဉ်/ Photo: BO Hla Gyi - facebook
ဦးကျော်နေဝင်းနဲ့ ဦးဇွဲနေဝင်းတို့ကို ကိုယ်ထိလက်ရောက်ကျူးလွန်မှုနဲ့ တရားစွဲဆိုထားတဲ့အမှုကို ပြန်လည်ရုပ် သိမ်းကြောင်း တရားလိုဘက်က ရန်ကုန်တိုင်း လှိုင်သာယာမြို့နယ် တရားရုံးမှာ မနေ့က စာတင်လိုက်ပါတယ်။

ကိုယ်ထိလက်ရောက်ကျုးလွန်ခံရတဲ့ ယာဉ်မောင်းတွေအတွက် နစ်နာကြေးပေးမယ်လို့ ညှိနှိုင်းတာကို ယာဉ်မောင်းတွေဘက်က ကျေအေးပေးလိုက်တာလို့ ယာဉ်မောင်းတွေဘက်က ကူညီပေးနေတဲ့ အလုပ်သမားရေးလှုပ်ရှားသူ ဦးမောင်မောင်ဟန်က ပြောပါတယ်။

"ယာဉ်မောင်းနဲ့ သူတို့ရဲ့ ညှိနှိုင်းချက်တွေကို ကျနော် ညှိနှိုင်းပေးတယ်လေ။ ညှိနှိုင်းပေးတော့ ယာဉ်မောင်းတွေ ကလည်းပဲ သဘောတူတယ်ဆိုတဲ့အတွက်၊ အဓိကကတော့ သူတို့မှာ စားဝတ်နေရေးပေါ့နော်။ နောက် သူတို့ ၂ ယောက်ရင်းလိုက်တာနဲ့ ယာဉ်မောင်း ၅ဝဝ ကျော်ရဲ့ အခွင့်အရေးတွေ ပြန်ရတယ်ဆိုတော့၊ သူတို့ ၂ ယောက်ရ င်းလိုက်တဲ့အတွက် အလုပ်သမားတွေရဲ့ အခွင့်အရေးရတယ်ဆိုတော့ သူတို့ဘက်ကလည်း ကျေအေးပေး တာခင်ဗျ"

ယာဉ်မောင်းတွေဘက်က ကူညီပေးနေတဲ့ အလုပ်သမားအဖွဲ့တွေနဲ့ အလုပ်ရှင် ဦးကျော်နေဝင်းတို့ ဇွန်လ ၅ ရက်နေ့က တွေ့ဆုံခဲ့ပါတယ်။ အဲဒီလိုတွေ့ဆုံရာမှာ ယာဉ်မောင်းတွေကို အလုပ်ရှင်ဘက်က တရားစွဲထားတဲ့ ယာဉ်မဆင်မခြင်မောင်းနှင်မှု ပုဒ်မ ၂၇၉ နဲ့ တရားစွဲထားတာကို ပြန်ရုပ်သိမ်းမယ့်အကြောင်း၊ အလုပ်ထုတ်လိုက်တဲ့ ယာဉ်မောင်း ၂ ယောက်အတွက် နစ်နာကြေး ပေးမယ့်အကြောင်း ညှိနှိုင်းခဲ့တာဖြစ်တယ်လို့ ပြောပါတယ်။ သဘောတူညီချက်အရ ယာဉ်မောင်း ဦးအောင်မြတ်အတွက် ငွေကျပ် ၅ သိန်း ၉ သောင်း၊ ယာဉ်မောင်း ဦးကျော်မင်းထွန်းအတွက် ငွေကျပ် ၇ သိန်း ၄ သောင်း ပေးမှာဖြစ်ပါတယ်။

ယာဉ်မောင်းတွေဘက်က စွဲဆိုထားတဲ့ ကိုယ်ထိလက်ရောက်ကျုးလွန်မှုကို မနေ့က လှိုင်သာယာတရားရုံးမှာ စစ်ဆေးဖို့ရှိပေမယ့် တရားစွဲခံရတဲ့ ဦးကျော်နေဝင်းနဲ့ ဦးဇွဲနေဝင်းတို့က တရားရုံးကို မတက်ရောက်ခဲ့ကြဘူးလို့ သိရပါတယ်။ နောက်လာမယ့် ဇွန်လ ၂၅ ရက်နေ့ကိုရုံးချိန်း ထပ်မံချိန်းဆိုလိုက်ပါတယ်။

ပြီးခဲ့တဲ့ မေလအတွင်းမှာ YBS 20 လိုင်း ယာဉ်နှစ်စီး ယာဉ်မတော်တဆ ထိခိုက်တာကြောင့် ကားပျက်စီးတယ်ဆိုပြီး YBS 20 လိုင်းရဲ့ ယာဉ်မောင်း ဦးအောင်မြတ်ကို ယာဉ်လိုင်းပိုင်ရှင် ဦးကျော်နေဝင်း နဲ့ ဦးဇွဲနေဝင်းတို့က ကိုယ်ထိလက်ရောက် ကျူးလွန်ခဲ့တယ်ဆိုပြီး လှိုင်သာယာမြို့နယ်တရားရုံးကို ယာဉ်မောင်း ဦးအောင်မြတ်က ဦးတိုက်လျှောက်ထားခဲ့ပါတယ်။ ယာဉ်ပိုင်ရှင်တွေဘက်ကလည်း ယာဉ်မတော်တဆဖြစ်ခဲ့တဲ့ ယာဉ်မောင်း ဦးကျော်မင်းထွန်းနဲ့ ဦးအောင်မြတ်ကို ယာဉ်မဆင်မခြင်မောင်းနှင်မှုနဲ့ ယာဉ်မှုစစ်ရုံးမှာ တရားစွဲပြီး အလုပ်ကနေ ထုတ်ပယ်ခဲ့ပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ