ဘားအံ ဇွန် ၂၁
ကရင်ပြည်နယ်၊ ဘားအံမြို့နယ်တွင် ဇွန်လ ၂၁ရက်နေ့ ညနေပိုင်းက တစ်ရွာတည်းနေသူအချင်းချင်း အရက်အတူသောက်စားပြီး စကားများရာက ဓါးခုတ်မှုဖြစ်ပွားကာ ဓါးဖြင့် အခုတ်ခံသူမှာ အခင်းဖြစ်နေရာတွင် သေဆုံးသွားခဲ့ပြီး ပြစ်မှုကျူးလွန်သူမှာ ထွက်ပြေးတိမ်းရှောင် သွားခြင်း မရှိဘဲ ကိုယ်တိုင် အဖမ်းခံခဲ့ကြောင်း သတင်းရရှိသည်။
ဖြစ်စဉ်မှာ ဇွန်လ ၂၁ရက်နေ့ ညနေ ၃နာရီ အချိန်ခန့်က ဘားအံမြို့နယ်၊ ထောင်ကလပ်ကျေးရွာအုပ်စု၊ ကမော့ညော(ထူးဂုဏ်)ကျေးရွာတွင် ဓါးခုတ်မှုဖြစ်ပွားကြောင်း သတင်းအရ အိန္ဒုနယ်မြေရဲစခန်းမှူး ရဲအုပ် မင်းအောင်ထွန်းဦးစီးအဖွဲ့မှ သက်သေများနှင့်အတူ သွားရောက်စစ်ဆေးရာ ဓါးဖြင့် အခုတ်ခံရသူမှာ မျိုးသူ(ခ)ပန်းကြီး၊၂၈နှစ်ဖြစ်ကြောင်းသိရပြီး လည်ပင်းဇတ်ပိုးတွင် ပြတ်ရှဒဏ်ရာဖြင့် နေအိမ်ကွန်ကရစ်ကြမ်းပြင်ပေါ်ရှိ သွေးအိုင်ထဲတွင် လဲကျသေဆုံးနေသည်ကိုစစ်ဆေးတွေ့ရှိ၍ ဘားအံဆေးရုံကြီးသို့ ရဲဆေးစာဖြင့် ပို့ ဆောင်ထားခဲ့ကြောင်း သိရသည်။
ဆက်လက်၍ စခန်းမှူးနှင့်ဖွဲ့မှ ဖြစ်စဉ်အား မေးမြန်းစစ်ဆေးရာ အခင်းဖြစ်နေ့ နံနက် ၈ နာရီခန့်က နိုင်ဝင်း(ခ)နိုင်ကြီး၊ ၃၅နှစ်၊ ကမော့ညော(ထူးဂုဏ်)ကျေးရွာနေသူနှင့် သေဆုံးသူ မျိုးသူ(ခ)ပန်းကြီးတို့နှစ်ဦးသည် ဘားအံမြို့နယ်၊ တောင်ဝိုင်းတောင်သို့ မျှစ်ချိုးအတူ သွားရောက်ခဲ့ပြီး မွန်းလွဲ ၁နာရီခန့်တွင် ရွာသို့ ပြန်လည်ရောက်ရှိကာ နိုင်ဝင်း(ခ)နိုင်ကြီး၏ နေအိမ်၌ အရက်အတူသောက်ကာ ထမင်းအတူစားခဲ့ပြီး စကားပြောဆိုကြစဉ် တစ်ဦးနှင့် တစ်ဦး စကားအချေအတင်ဖြစ်ရာမှ တစ်ယောက်တစ်ခွန်း စကားများခဲ့ကြပြီး နိုင်ဝင်း (ခ)နိုင်ကြီးက အနီးရှိ အရှည် နှစ်ပေခွဲခန့်အရှည်ရှိသော ဓါးရှည်ဖြင့် မျိုးသူ(ခ)ပန်းကြီး၏ လည်ပင်း ဇတ်ပိုးအား ခုတ်ပိုင်းခဲ့ခြင်းဖြစ်ကြောင်း စစ်ဆေးသိရှိခဲ့ရသည်။
ဖြစ်စဉ်နှင့် ပတ်သက်ပြီး ဓါးဖြင့် ခုတ်သူ နိုင်ဝင်း (ခ)နိုင်ကြီးမှာ ထွက်ပြေးတိမ်းရှောင်သွားခြင်းမရှိဘဲ ကိုယ်တိုင် အဖမ်းခံခဲ့သဖြင့် စခန်းမှူး ရဲအုပ်မင်းအောင်ထွန်းက အမှုဖြင့် ဖမ်းဆီးကာ ဆက်လက် စစ်ဆေးလျှက်ရှိကြောင်း သတင်းရရှိသည်။
မင်းသူ/ထွန်းထွန်းထွေး(ဘားအံ)
ဘားအံသတင်း
https://www.facebook.com/Hpaannews.kayin
တစ်ရွာတည်းသားချင်း အရက်အတူသောက် ထမင်းအတူတူစားပြီး စကားများရာက လူသတ်မှုဖြစ်ပွား
Reviewed by THITHTOOLWIN
on
11:18
Rating: