ဒုကၡသည္ေတြ ျပန္လက္ခံေရး ျမန္မာနဲ႔ ကုလ ကနဦးလက္မွတ္ထုိး


ရခုိင္ျပည္နယ္က ဘဂၤလားေဒ့ရွ္ႏုိင္ငံကုိ ထြက္ေျပးသြားတဲ့ ရုိဟင္ဂ်ာမြတ္စလင္ေတြကုိ ျပန္လည္လက္ခံေရး အတြက္ ျမန္မာအစုိးရနဲ႔ ကုလသမဂၢ ဒုကၡသည္မ်ားဆုိင္ရာ မဟာမင္းၾကီးရုံး UNHCR ကုလသမဂၢဖြ႔ံျဖိဳးေရး အစီအစဥ္ UNDP တုိ႔ ပူးေပါင္းလုပ္ေဆာင္ဖုိ႔ ကနဦး နားလည္မွဳစာခြ်န္လႊာတေစာင္ကုိ မေန႔က လက္မွတ္ေရးထုိးလုိက္ပါတယ္။

အဲဒီ သေဘာတူညီခ်က္အရ ေနရပ္စြန္႔ခြာသြားသူေတြ ျပန္လည္ေနရာခ်ထားေရး၊ အသက္ေမြးဝမ္းေက်ာင္းလုပ္ကုိင္ႏုိင္တဲ့အခြင့္အေရးေတြရရွိေရးေတြ အတြက္ ကုလအဖြဲ႔အစည္းေတြက ပါဝင္ေဆာင္ရြက္မွာျဖစ္ပါတယ္။ အခုထုိးတာက ကနဦးသေဘာတူညီခ်က္ျဖစ္ျပီး နာလည္မွဳစာခြ်န္လႊာကုိ မၾကာခင္ ေရးထုိးခ်ဳပ္ဆုိႏုိင္မယ္လုိ႔ အစုိးရက သတင္းထုတ္ျပန္ခဲ့ပါတယ္။

အခုသေဘာတူညီခ်က္အရ ရခုိင္ျပည္နယ္ကုိ ကုလအဖြဲ႔အစည္းေတြသြားေရာက္ျပီး ဒုကၡသည္ေတြကုိ အကာအကြယ္ေပးေရးအပါအဝင္ ျပန္လည္ေနရာခ်ထားေရးလုပ္ငန္းေတြကုိ ျမန္မာအစုိးရက ခြင့္ျပဳမွာ ျဖစ္ပါတယ္။

မေန႔က ေမလ ၃၁ ရက္ေန႔မွာပဲ ရခုိင္ျပည္နယ္မွာ အာဆာအၾကမ္းဖက္အဖြဲ႔ရဲ႕ တုိက္ခုိက္မွဳေတြအျပီး ျဖစ္ေပၚခဲ့တဲ့ လူ႔အခြင့္အေရးခ်ဳိးေဖါက္မွဳေတြ အတြက္ လြတ္လပ္ေသာ စုံစမ္းစစ္ေဆးေရးေကာ္မရွင္တခုကုိ ဖြဲ႔စည္းမယ္လုိ႔ အစုိးရက ေၾကညာလုိက္ပါတယ္။ အဲဒီအဖြဲ႔မွာ ႏုိင္ငံတကာက ပုဂၢဳိလ္ ၁ ဦးနဲ႔ တျခားသူ ၂ ဦး စုစုေပါင္း ၃ ဦးပါဝင္မယ္လုိ႔လည္း ဆုိပါတယ္။

ရခုိင္ျပည္နယ္မွာ အစုိးရလုံျခဳံေရးတပ္ဖြဲ႔ေတြ က်ဴးလြန္ခဲ့တာကုိ အေရးယူဖုိ႔ ကုလ နဲ႔ ႏုိင္ငံတကာ ဖိအားေပးမွဳေတြ က်ယ္က်ယ္ပ်ံ႕ပ်႕ံ ထြက္ေပၚခဲ့ျပီးေနာက္ ဒီေၾကညာခ်က္ ထြက္ေပၚလာတာပါ။

မၾကာခင္က ျမန္မာျပည္ကုိ သြားေရာက္ခဲ့တဲ့ လုံျခဳံေရးေကာင္စီကုိယ္စားလွယ္အဖြဲ႔က ဒီကိစၥအတြက္ ျမန္မာအစုိးရအေနနဲ႔ ကုိယ္ပုိင္စစ္ေဆးမွာလား၊ လုံျခဳံေရးေကာင္စီက စစ္ေဆးရမွာလားဆုိျပီး နည္းလမ္း ၂ ခုေရြးခ်ယ္ဖုိ႔ေျပာခဲ့ရာမွာ ေဒၚေအာင္ဆန္းစုၾကည္က မိမိတုိ႔အစုိးရအေနနဲ႔ တာဝန္ယူစစ္ေဆးမယ္လုိ႔ ကတိေပးေျပာၾကားခဲ့တယ္လုိ႔ ဆုိပါတယ္။

RFA Burmese
https://www.facebook.com/rfaburmese/

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ