ကုလအတွင်းရေးမှူးချုပ်ရဲ့ အထူးကိုယ်စားလှယ် ဇွန်လလယ်မှာလာမည်

မြန်မာနိုင်ငံဆိုင်ရာ အထူးကိုယ်စားလှယ် Christine Schraner Burgener ကို တွေ့ရစဉ်/ AFP Photo
ကုလသမဂ္ဂ အထွေထွေအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် ခရစ္စတင်း ရှာရနာ ဘာဂနာ Christine Schraner Burgener ခု ဇွန်လလယ်အတွင်း မြန်မာနိုင်ငံကို လာရောက်မှာဖြစ်ကြောင်း ခရီးစဉ်အသေးစိတ်ကို ညှိနှိုင်းနေကြောင်း နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးမြင့်သူက RFA ကို ဒီကနေ့ အတည်ပြုပြောပါတယ်။

သူ့ရဲ့ ခရီးစဉ်နဲ့ပတ်သက်ပြီး အတိအကျမသိရသေးပေမဲ့ မြန်မာနိုင်ငံ ရခိုင်ပြည်နယ်ကို သူသွားရောက်မှာဖြစ်ကြောင်း ဦးမြင့်သူက ပြောပါတယ်။

ပြီးခဲ့တဲ့ မေလကုန်ပိုင်းလောက်က ကုလအထွေထွေ အတွင်းရေးမှူးချုပ် မစ္စတာဂူတာရက်စ်နဲ့ မစ္စစ် ခရစ္စတင်း ရှာရနာ ဘာဂနာ တို့ တွေ့ဆုံပြီး ရခိုင်ပြည်နယ်မြောက်ပိုင်းက နေရပ်စွန့်ခွာသူတွေအရေး ဆွေးနွေးခဲ့ကြကြောင်းလည်း သိရပါတယ်။

ဆွစ်ဇာလန်နိုင်ငံ ဝါရင့်သံအမတ်ကြီးဟောင်းတစ်ဦးဖြစ်တဲ့ မစ္စစ် ခရစ္စတင်း ရှာရနာ ဘာဂနာ ကို မြန်မာနိုင်ငံဆိုင်ရာ အထူးအကြံပေးပုဂ္ဂိုလ်အဖြစ် ကုလသမဂ္ဂ အထွေထွေအတွင်းရေးမှူးချုပ်က ဧပြီ ၂၆ ရက်နေ့က ခန့်အပ်ခဲ့တာ ဖြစ်ပါတယ်။

အရင်ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်းလက်ထက်က မြန်မာနိုင်ငံဆိုင်ရာ အထူးအကြံပေးအဖြစ် မစ္စတာဗီဂျေနမ်ဘီးယားက တာဝန်ထမ်းဆောင်ခဲ့ပြီး အဲဒီတာဝန်တွေကို မစ္စစ် ခရစ္စတင်း ရှာရနာ ဘာဂနာ က ဆက်ခံရမှာလည်းဖြစ်ပါတယ်။

မြန်မာအစိုးရက ကုလသမဂ္ဂ လူ့အခွင့်အရေးကောင်စီက ခန့်အပ်ထားတဲ့ အထူးကိုယ်စားလှယ် ယန်ဟီးလီကို ပြည်ဝင်ခွင့်ပိတ်ပင်ခဲ့ပြီး အထူးကိုယ်စားလှယ်အဖြစ်နဲ့ ရောက်လာမယ့် ဒီခရီးစဉ်ကို အများက စိတ်ဝင်စားနေပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ