ပါကစ္စတန်နိုင်ငံ မိုးခေါင်မှုကြောင့် ရေရှားပါးပြတ်လပ်မှု တွေ့ကြုံ

Photo: AFP
ပါကစ္စတန်နိုင်ငံမှာ ပြီးခဲ့တဲ့လများအတွင်း မိုးနည်းပြီး ရေလှောင်ကန်တွေမှာလည်း ရေတွေကျဆင်းနေတာကြောင့် ရေရှားပါးမှုပြဿနာ ပေါ်ပေါက်နေပါတယ်။ ပြီးခဲ့တဲ့ ဇွန်လဆန်းကစပြီး ပါကစ္စတန်မိုးလေဝသဌာနက မိုးခေါင်နိုင်တယ်ဆိုတဲ့ သတိပေးချက်ကို ထုတ်ပြန်ထားပါတယ်။

ပါကစ္စတန်နိုင်ငံမြောက်ပိုင်းမှာ ဆီးနှင်းများဖုံးလွှမ်းနေတဲ့ တောင်တွေက ပျော်ကျတဲ့ရေတွေဟာ မြစ်ချောင်းတွေအတွင်းစီးဝင်ခဲ့ပေမယ့် အခုနှစ်မှာ သိသိသာသာမိုးနည်းနေတာကြောင့် ရေပြဿနာ ပေါ်နိုင်တယ်လို့ မိုးလေဝသဌာန အကြီးအကဲက ပြောပါတယ်။

ဒါအပြင် မနှစ်ကမိုးရာသီမှာ ရွာသွန်းနေကျထက် လေးပုံပုံ တပုံသာရွာခဲ့ပြီး ဆောင်တွင်းမှာလည်းမိုးက ပျမ်းမျှရွာနေကျထက် တဝက်လောက်ပဲရွာတာဖြစ်ပါတယ်။ ဒီအခြေအနေမှာ ရေလှောင်ကန်များ ဆည်များမှာ ရေကျဆင်းသွားတာဟာ ၁၅ နှစ်အတွင်း အဆိုးဝါးဆုံးအခြေအနေဖြစ်တယ်လို့ အာဏာပိုင်တွေက ပြောဆိုတာဖြစ်ပါတယ်။

RFA Burmese
https://www.facebook.com/rfaburmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ