တရားခံပြေးအား ဖမ်းဆီးစဉ် ပြန်လည်ခုခံ၍ သေနတ်ဖြင့် ပစ်ခတ်ဖမ်းဆီး

ဒဂုံမြို့သစ်(ဆိပ်ကမ်း)မြို့နယ်ရဲတပ်ဖွဲ့ဝင်များက တရားခံပြေးအား ဖမ်းဆီးစဉ် ပြန်လည်ခုခံ၍ သေနတ်ဖြင့် ပစ်ခတ်ဖမ်းဆီး
ရန်ကုန်၊ ဇွန် ၁

ရန်ကုန်တိုင်းဒေသကြီး၊ ဒဂုံမြို့သစ်(ဆိပ်ကမ်း)မြို့နယ် တရားရုံးအချုပ်မှ ထွက်ပြေးလွတ်မြောက်သွားသော အေးမင်းလွင်(ခ)ဂျူးဂျူး အား ဇွန်လ ၁ ရက်နေ့ ယနေ့ ညနေ ၅ နာရီခွဲခန့် က ဒဂုံမြို့သစ်(ဆိပ်ကမ်း)မြို့နယ် ရဲတပ်ဖွဲ့ဝင်များက လိုက်လံဖမ်းဆီးစဉ် ပြန်လည်ခုခံရန်ပြု၍ ၁၂ ဘို့
ပြောင်းချောသေနတ်ဖြင့် ပစ်ခတ်ဖမ်းဆီးရာ ဒဏ်ရာများနှင့်အတူ ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ ဒဂုံမြို့သစ်(ဆိပ်ကမ်း)မြို့နယ်တရားရုံးသို့ ၃.၁၀.၂၀၁၇ ရက်နေ့တွင် ရာကြီးအမှတ် ၄၉၇/၂၀၁၇၊ ရာဇသတ်ကြီးပုဒ်မ ၃၈၀ အမှုမှ တရားခံ အေးမင်းလွင်(ခ)ဂျူးဂျူး သည် အမှုရင်ဆိုင်ရန် ရုံးထုတ်လာစဉ် တရားရုံးအချုပ်မှ ထွက်ပြေးလွတ်မြောက်သွားပြီးနောက် ၎င်းတရားခံပြေးသည် ၁.၆.၂၀၁၈ ရက်နေ့ ညနေ ၁၇၃၀ အချိန်တွင် မိခင် ဒေါ်သီတာဦး နေထိုင်သည့် အမှတ်(၈၆)ရပ်ကွက်သို့ ရောက်ရှိနေကြောင်း သတင်းအရ ရဲတပ်ဖွဲ့ဝင် များနှင့်အတူ ရပ်ကွက်အုပ်ချုပ်ရေးမှူးများ ပါဝင်သော ပူးပေါင်းအဖွဲ့မှ သွားရောက် ဖမ်းဆီးခဲ့ပါသည်။


အဆိုပါနေအိမ်သို့ တရားခံပြေးအား သွားရောက်ဖမ်းဆီးရာမှာ အသာတကြည် အဖမ်းမခံဘဲ နောက်ဖေးတံခါးမှ ထွက်ပြေးသွားသဖြင့် လိုက်လံဖမ်းဆီးစဉ် ၎င်းမှ အရှည် ၁ ပေခန့်ရှိသော ကျွန်းပွတ်လုံးတုတ်ဖြင့် ရဲတပ်ဖွဲ့ဝင်များအား ပြန်လည်ခုခံရန်ပြု၍ ၁၂ ဘို့ ပြောင်းချော သေနတ်ဖြင့်
ပစ်ခတ်ဖမ်းဆီးရာ အေးမင်းလွင် (ခ)ဂျူးဂျူး၏ ယာဘက် ၀မ်းဗိုက်တွင် ဒဏ်ရာများရရှိကာ သင်္ဃန်းကျွန်းစံပြဆေးရုံတွင် ဆေးကုသမှုခံယူ လျက်ရှိကြောင်း သိရသည်။

၎င်းဖြစ်စဉ်နှင့်ပတ်သက်၍ တရားခံပြေး အေးမင်းလွင်(ခ) ဂျူးဂျူး အား ဒဂုံမြို့သစ် (ဆိပ်ကမ်း)မြို့မရဲစခန်း (ပ)၄၂၁/၂၀၁၈၊ ရာဇသတ်ကြီးပုဒ်မ ၂၂၄ ဖြင့်လည်းကောင်း၊ တရားခံပြေးမှန်သိလျက်လက်ခံသည့် မိခင်ဖြစ်သူ ဒေါ်သီတာဦး အား ရဲစခန်း(ပ)၄၂၂/၂၀၁၈၊ ရာဇသတ်ကြီးပုဒ်မ ၂၁၆ ဖြင့်လည်းကောင်း အရေးယူ ဆောင်ရွက်လျက်ရှိကြောင်း ရန်ကုန်တိုင်းဒေသကြီး ရဲတပ်ဖွဲ့ သတင်းထုတ်ပြန်ချက်အရ သိရပါသည်။

သစ်ထူးလွင်



မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ