သျှမ်းပြည်တောင်ပိုင်း လွိုယ်လင်ခရိုင် မိုင်းရှူးမြို့နယ် အတွင်းရှိ သျှမ်းပြည်တိုးတက်ရေးပါတီ သျှမ်းပြည်တပ်မတော် SSPP/SSA တပ်စခန်းတခုကို အင်အား ၁၀၀ ခန့်ရှိ အစိုးရတပ်မတော် စစ်ကြောင်းတခုက ယနေ့ မေ ၁၁ ရက် ၂၀၁၈ ခု နံနက်ပိုင်းက တက်တိုက်သဖြင့် ၂ ဖက်ကြား တိုက်ပွဲဖြစ်ပွားသည်ဟုသိရသည်။
အစိုးရတပ်မတော် ခြေမြန်တပ်ရင်း ခမရ ၅၂၅ က လက်အောက်ခံ စစ်ကြောင်းတကြောင်းက မိုင်းရှူးမြို့ အရှေ့မြောက်ဘက် နမ့်တောင် ကျေးရွာအုပ်စု ပါခီးကျေးရွာ တောင်ဘက်ရှိ သျှမ်းပြည်တပ်မတော် SSPP/SSA တပ်စခန်း ကို မေလ ၁၁ ရက် နံနက် ၉ နာရီခန့်မှစ၍ တက်တိုက်ခဲ့ကြောင်း၊ တနာရီကျော်ကြာ ပစ်ခတ်တိုက်ခိုက်မှုဖြစ်ပွားပြီး တပ်မတော် စစ်ကြောင်းက တပ်ဆုတ်သွားသည့်အတွက် တိုက်ပွဲငြိမ်သွားကြောင်း ဌာနချုပ် ပြန်ကြားရေးအရာရှိ တဦးကပြောသည်။
“လွန်ခဲ့တဲ့ ၁၀ ရက်လောက်ကတည်းက ဒီစစ်ကြောင်း ဒီဒေသ ထဲ ကို ၀င်ရောက်လှုပ်ရှားသွား လာနေ တာ။ ဒီလိုလုပ်ရင်တိုက်ပွဲက ဖြစ်တော့မှာဘဲ ဆိုတာ ကျနော်တို့ ကြိုသိထားတယ်။ အခုလဲတောနင်းလာတာ ဒီစစ်ကြောင်းက ” – ဒေသ အတွင်း SSPP/SSA တပ်မှူး ကြီးတဦးက ပြောသည်။
အဆိုပါဒေသအတွင်း အစိုးရတပ်မတော်နှင့် SSPP/SSA သျှမ်းပြည်တပ်မတော် တို့အကြား ၂၀၁၅-၁၆ က မကြာခဏ တိုက်ပွဲဖြစ်ပွားခဲ့ဖူးသည်။ တိုက်ပွဲကြောင့် အဆိုပါဒေသအတွင်းရှိ မိုင်းရှူး၊ ကျေးသီး၊ တန့်ယန်းမြို့ နယ် (တချို့ကျေးရွာ) တို့ အထွေထွေရွေးကောက်ပွဲကျင်းပနိုင်ခြင်းမရှိခဲ့ပေ။
သျှမ်းပြည်တပ်မတော် SSPP-SSA သည် လက်နက်ကိုင်တပ်ဖွဲ့များအားလုံး တနိုင်ငံလုံး ပစ်ခတ်တိုက်ခိုက်မှုရပ်စဲ ရေးစာချုပ် NCA ပါဝင်မှလက်မှတ်ရေးထိုးမှသာ စစ်မှန်သည့်ငြိမ်းခြမ်းရေးရရှိနိုင်မည် ဆိုသည့် မူကို စွဲကိုင် ထားသောကြောင့် တနိုင်ငံလုံး အပစ်အခတ်ရပ်စဲရေးစာချုပ် မူကြမ်းရေးဆွဲစဉ်ပါဝင်သော်လည်း NCA စာချုပ် လက်မှတ်ရေးထိုး နိုင်ခြင်းမရှိသေးပါ။
ပလောင် TNLA ၊ ကိုးကန့် MNDAA ရခိုင် AA တို့ NCA လက်မှတ်ရေး ထိုးရန်တပ်မတော်က ငြင်းပါယ်လိုက်သည့်နောက်ပိုင်း ၄င်းအဖွဲ့များအားလုံးပါဝင်ပြီး ၀ တပ်ဖွဲ့ဦးဆောင်သည့် မြောက်ပိုင်းမဟာမိတ် တပ်ဖွဲ့ FPNCC တွင် SSPP/SSA သျှမ်းပြည်တပ်မတော်က အဖွဲ့ဝင်အဖြစ် ပါဝင်သွားသည်။
သျှမ်းသံတော်ဆင့်
http://burmese.shannews.org
မိုင်းရှူးမြို့နယ်အတွင်း SSPP/SSA တပ်စခန်းကို အစိုးရတပ်မတော် တက်တိုက်
Reviewed by THITHTOOLWIN
on
18:19
Rating:
Reviewed by THITHTOOLWIN
on
18:19
Rating:
