 |
| ကေအန်အယ်အေတပ်မဟာ ၅ နယ်မြေခံတပ်ဖွဲ့ |
ဒီလိုပြင်ဆင်လုပ်ဆောင်လာတာဟာ နယ်မြေစိုးမိုးရေးအတွက် စစ်ရေးအရပြင်ဆင်နေတာဖြစ်တယ်လို့ ကေအန်အယ်အေ ကလည်း သုံးသပ်နေတယ်။
အခိုင်အမာနဲ့ ခံကတုတ်စခန်းတွေ တိုးချဲ့လာသလို စခန်းအသေးတွေကိုလည်း လူအများကြီးဆန့်တဲ့ စခန်းတွေဖြစ်အောင် တည်ဆောက်လာပြီး ရဟတ်ယာဉ်ကွင်းတွေလည်းအများကြီးတိုးလာတယ်လို့ ကေအန်အယ်အေ တပ်မဟာ ၅ ရဲ့ ပြောရေးဆိုခွင့်ရှိသူ ဗိုလ်မှူးတီးမောက ဘီဘီစီကို ပြောပါတယ်။
ကေအန်ယူတပ်မဟာ ၅ နယ်မြေမှာ အခုကားလမ်းဖောက်ဖို့လုပ်ဆောင် တာဟာ ခေးပူရွာနဲ့ လယ်မူပလောရွာဆက်သွယ်ထားတဲ့ ကားလမ်းဟောင်းကို ဒေသခံပြည်သူတွေ လွယ်ကူစွာ အသုံးပြုနိုင်ရေး၊ ဒေသဖွံ့ဖြိုးရေး၊ လူမှုရေး၊ စီးပွားရေးနဲ့ တပ်ပိုင်းဆိုင်ရာ အုပ်ချုပ်မှု ကိစ္စရပ်တွေ ဆက်သွယ်ဆောင်ရွက်မှု လွယ်ကူစေဖို့ဆောင်ရွက်ရတာဖြစ်တယ်လို့ တပ်မတော်က မေလ ၁၁ ရက်နေ့မှာ သတင်းထုတ်ပြန်ထားပါတယ်။ အဲဒီကားလမ်းဖောက်ဖို့အတွက် ကေအန်ယူကိုလည်း အကြောင်းကြားထားပြီးသားဖြစ်တယ်လို့ဆိုပါတယ်။
ဒီကားလမ်းဆောက်လုပ်ရေးကြောင့် မတ်လ အစောပိုင်းကစပြီး အခုချိန်ထိဆိုရင် ကေအန်အယ်အေနယ်မြေခံတပ်ဖွဲ့က နှောင့်ယှက်ပစ်ခတ်မှု ၅၃ ကြိမ်ရှိပြီးလို့ တပ်မတော်က ထုတ်ပြန်ထားပါတယ်။
ကားလမ်းဟာ ဒေသဖွံ့ဖြိုးရေးအတွက်လုပ်ဆောင်တယ်ဆိုရင် ဒေသခံရွာသူရွာသားတွေ သဘောတူလက်ခံဖို့လိုတယ်လို့ ကေအန်အယ်အေတပ်မဟာ ၅ က ဗိုလ်မှူးတီးမော က ပြောပါတယ်။
ဒီကားလမ်းဖောက်လုပ်မှုကြောင့် တပ်မတော်ကအင်အားတိုးချဲ့လာတဲ့အတွက် ဒေသခံရွာသား ၂၀၀၀ ကျော်ဟာ လုံခြုံရေးအတွက်စိုးရိမ်ပြီး အိုးအိမ်စွန့်ထွက်ပြေးနေရပါတယ်။ လက်ရှိအစိုးရ တပ်နဲ့ ကေအန်အယ်အေတပ်ဖွဲ့တွေအကြား ဖြစ်ပေါ်နေတဲ့တင်းမာမှုနဲ့ ပတ်သက်ပြီး ကေအန်ယူ ထိပ်ပိုင်းခေါင်းဆောင်ဗဟိုကော်မတီဝင်တွေအရေးပေါ်အစည်းအဝေး တခုလည်းပြုလုပ်ခဲ့ တယ်လို့သိရပါတယ်။
အဲဒီအစည်းအဝေးမှာ ကေအန်ယူတပ်ပိုင်းဆိုင်ရာခေါင်းဆောင်နဲ့ နိုင်ငံရေးခေါင်းဆောင်တွေ လက်ရှိအစိုးရပ်တပ်နဲ့စစ်ရေးတင်းမာမှုနဲ့သက်ပြီး အကြိတ်အနိုင်ဆွေးနွေး ခဲ့ကြတယ်လို့သိရပါတယ်။
BBC Burmese
http://www.bbc.com/burmese
ဖာပွန်မှာ တပ်က စခန်းနဲ့ ရဟတ်ယာဉ်ကွင်းတိုးချဲ့မှု စစ်ရေးအရပြင်ဆင်မှုလို့ KNLA ပြော
Reviewed by THITHTOOLWIN
on
11:24
Rating:
Reviewed by THITHTOOLWIN
on
11:24
Rating:
