ရေဖြူမြို့နယ် ဓမင်းဆိပ်ကျေးရွာကမ်းခြေ၌ ဧရာမဝေလငါးမန်းကြီး တစ်ကောင် ထပ်မံရရှိ


ထားဝယ် မေ ၁၄

တနင်္သာရီတိုင်းဒေသကြီး ထားဝယ်ခရိုင် ရေဖြူမြို့နယ် ကလိန်အောင်မြို့နယ်ခွဲ ကံပေါက်တိုက်နယ် ဓမင်းဆိပ်ကျေးရွာကမ်းခြေ၌ မေ ၁၃ ရက် ညနေပိုင်းက သုံးကောင်မြောက် ဝေလငါးမန်းကြီးတစ်ကောင် ထပ်မံရရှိခဲ့ကြောင်း သိရသည်။

ဒေသခံ ဦးကိုကိုဇော်က ''အဲဒီကမ်းခြေမှာ အဲဒီလိုငါးကြီးတွေကို မေ ၁၁ ရက်က တစ်ကောင်နဲ့ မတ်လတုန်းက တစ်ကောင်ရရှိပြီးပြီ၊ အခုတစ်ကောင်နဲ့ဆို သုံးကောင်ရှိပြီ''ဟု ပြောသည်။
အဆိုပါကျေးရွာမှာ တံငါရွာကလေးဖြစ်ပြီး ပင်လယ်ပြင်၌ ငါး၊ ပုစွန်တို့ကို ဝါးလုံးတိုင်ရိုက်စိုက်ကာ ထောင်ဖမ်းရသည့် ကျားပါးစပ်ပိုက်လုပ်ငန်း လုပ်ကိုင်ကြ သည်။ ထိုဧရာမငါးကြီးတို့ကို ကျားပါးစပ်ပိုက်တွင် ဖမ်းမိသဖြင့် အသေရရှိကာ ကျေးရွာသားများက ကမ်းခြေသို့ ဆွဲယူလာခဲ့ခြင်းဖြစ်သည်။

ငါးကြီး၏အရှည်မှာ ၁၈ ပေခန့်၊ ငါးဦးခေါင်းနှင့် ဝမ်းဗိုက်စပ်ကြားတွင် လုံးပတ် ၁၄ ပေခန့်နှင့် ငါးဆူးတောင်ယပ်ပြားအရှည် လေးပေခန့်ရှိကြောင်း၊ ထားဝယ် ဒေသ၌ ထိုငါးကြီးကို ဝဇီပြောက်၊ ငါးမန်းပြောက်၊ ငါးမန်းဘလောင်းဟု ခေါ်ကြောင်း သိရသည်။

ထိုငါးကြီးမှာ ရှားပါးသော ဝေလငါးမျိုးစိတ်ဖြစ်ပြီး ဝေလငါးမန်း (Whale Shark) ဟုခေါ်ကြောင်း၊ ပင်လယ်ပြင်တွင် ရေညှိရေမှော်များကိုသာ စားသုံးတတ် ပြီး အခြားငါးကလေးအုပ်စုများဖြင့် ရောနှောသွားလာနေတတ်ကာ လူကိုလည်း ရန်မပြုတတ်ကြောင်းနှင့် စီဘူးကျွန်း ဖိလစ်ပိုင်နိုင်ငံ ပင်လယ်ကမ်းခြေတို့၌ တွေ့ရှိ ရကြောင်း သိရသည်။

သတင်း-သန်းဌေး(ဒလ)၊ ဓာတ်ပုံ-စန်းဝဠာ
Myanmaalinn
https://www.facebook.com/MYANMAALINNNEWS/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ