စစ္ပဲြေတြရပ္တန္႔ဖို႔ ဆႏၵျပသူႏွစ္ဦး ဖမ္းဆီးခံရ

မႏၱေလးၿမိဳ႕ ခ်မ္းေအးသာစံၿမိဳ႕နယ္ အမွတ္ ၈ ၿမိဳ႕မရဲစခန္းကို ေတြ႕ရစဥ္/ Photo: Khaymani Win/RFA
စစ္ပဲြေတြရပ္တန္႔ဖို႔ ၿပီးခဲ့တဲ့ ေမလ ၆ ရက္ေန႔က မႏၱေလးမွာ ဆႏၵျပေတာင္းဆုိခဲ့သူေတြထဲက ကိုေအာင္မိႈင္းဆန္းနဲ႔ ကိုဒိန္းေဒါင္တို႔ကို ရဲတပ္ဖဲြ႔က ဒီေန႔ညေနမွာ ဖမ္းဆီးလိုက္ပါတယ္။

ကိုေအာင္မိႈင္းဆန္း ဖမ္းဆီးခံရတဲ့ အေျခအေနကို သူ႔ရဲ့ဇနီးျဖစ္သူ မလဲ့လဲ့ႏြယ္ က ေျပာပါတယ္။

ကိုေအာင္မႈိင္းဆန္းနဲ႔ ကိုဒိန္းေဒါင္ တုိ႔ဟာ လတ္တေလာမွာ ခ်မ္းေအးသာဇံၿမိဳ႕နယ္ အမွတ္  ၈ ရဲစခန္းမွာ ထိန္းသိမ္းခံထားရပါတယ္။

စစ္ပြဲေတြရပ္တန္႔ဖို႔အတြက္ ဆႏၵျပခဲ့ၾကသူေတြထဲက ကိုေအာင္မိႈင္းဆန္း၊ ကဗ်ာဆရာ ကိုကလစ္၊ ကိုဒိန္းေဒါင္တို႔ကို ခ်မ္းေအးသာစံၿမိဳ႕နယ္ ရဲမွဴးက တရားလိုျပဳလုပ္ၿပီး (ပ) ၂၄၅/၂၀၁၈ ျငိမ္းခ်မ္းစြာ စုေဝးစီတန္းလွည့္လည္ျခင္း ဆိုင္ရာ ဥပေဒပုဒ္မ ၁၉ အရ အမႈဖြင့္လွစ္ထားတယ္လို႔ သိရပါတယ္။

ေမလ ၇ရက္ေန႔က ရန္ကုန္ၿမိဳ႕မွာလည္း ဗကသမ်ားအဖဲြ႔ခ်ဳပ္ နဲ႔ လူ႔ေဘာင္သစ္လူငယ္ေတြက စစ္ပဲြေတြ ရပ္တန္႔ဖို႔ နဲ႔ ပိတ္မိျပည္သူေတြ လြတ္ေျမာက္ဖို႔ ဆႏၵျပေတာင္းဆုိခဲ့ၾကပါတယ္။ အဲဒီလူငယ္ေတြထဲက ၄ ဦးကို ပုဒ္မ ၁၉ နဲ႔ ၿမိဳ႕နယ္ ၂ခုက လတ္တေလာမွာ အမႈဖြင့္ထားပါတယ္။

ၿငိမ္းခ်မ္းေရးရရွိဖို႔ နဲ႔ ပိတ္မိျပည္သူေတြ လႊတ္ေပးဖို႔ ပဲခူးတုိင္း ျပည္ၿမိဳ႔ကေန ကခ်င္ျပည္နယ္ ျမစ္ၾကီးနားအထိ လမ္းေလွ်ာက္ခဲ့သူ ၂ဦးဟာ မေန႔က မေကြးတုိင္း ေအာင္လံၿမိဳ႕အေရာက္မွာ ဖမ္းဆီးခံခဲ့ရျပီး ပုဒ္မ ၁၉ နဲ႔ ျပည္ၿမိဳ႔မရဲစခန္းမွာ အမႈဖြင့္ခံခဲ့ရပါတယ္။ လတ္တေလာမွာေတာ့ သူတုိ႔ႏွစ္ဦးဟာ ကိုယ္ပိုင္အာမခံနဲ႔ လြတ္ေျမာက္ေနပါတယ္။

RFA Burmese
https://www.rfa.org/burmese

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ