ထရမ့်နဲ့တွေ့မယ့်ပွဲဖျက်ဖို့ မြောက်ကိုရီးယား ခြိမ်းခြောက်

လာမယ့် ဇွန်လ ၁၂ ရက်နေ့မှာ ထရမ့်နဲ့ကင်တို့ တွေ့ဆုံဖို့ စီစဉ်ထား
နျူကလီးယားအစီအစဉ်ကို စွန့်လွှတ်ဖို့ အမေရိကန်က တဖက်သတ် အတင်းအကျပ်ပြောဆိုနေရင် စင်္ကာပူနိုင်ငံမှာ အမေရိကန်သမ္မတ ဒေါ်နယ်ထရမ့်နဲ့ တွေ့ဆုံမယ့်ပွဲကို ပြန်စဉ်းစားမယ်လို့ မြောက်ကိုရီးယားက ပြောဆိုလိုက်ပါတယ်။

မြောက်ကိုရီးယားခေါင်းဆောင် ကင်ဂျုံအွန်းနဲ့ အမေရိကန်သမ္မတ ထရမ့်ဟာ လာမယ့် ဇွန်လ ၁၂ ရက်မှာ တွေ့ဆုံဖို့ရှိပါတယ်။

''အမေရိကန်က ကျွန်တော်တို့ကို နျူကလီးယားလက်နက်အစီအစဉ်ကို စွန့်လွှတ်ဖို့ တဖက်သတ် ပြောနေ ရင် သူတို့နဲ့ ဆွေးနွေးဖို့ စိတ်ဝင်စားတော့မှာမဟုတ်ဘူး။ မြောက်ကိုရီးယားနဲ့ အမေရိကန် ထိပ်သီး အစည်းအဝေး ကိုလည်း တက်၊ မတက် ကျွန်တော်တို့ ပြန်ပြီးစဉ်းစားရမှာဖြစ်ပါတယ်''လို့ မြောက်ကိုရီးယားရဲ့ ဒုတိယနိုင်ငံခြားရေးဝန်ကြီး Kim Kye-gwan က မြောက်ကိုရီးယားအစိုးရသတင်း အေဂျင်စီ KCNA ကိုပြောပါတယ်။

မြောက်ကိုရီးယားအနေနဲ့ အမေရိကန်နဲ့ တွေ့ဆုံမယ့်ပွဲအပေါ် အများကြီးမျှော်လင့်ထားပြီး ဒီတွေ့ဆုံပွဲ ဟာ ကိုရီးယား ကျွန်းဆွယ်ပြဿနာကိုဖြေလျှော့နိုင်မယ့်အပြင် ကောင်းမွန်တဲ့အနာဂတ်တခုကို တည်ဆောက်ဖို့ ကြီးမားတဲ့ ခြေလှမ်းတခုအဖြစ် ယူဆတယ်လို့ မြောက်ကိုရီးယားရဲ့ ဒုတိယနိုင်ငံခြားရေးဝန်ကြီးက ဆိုပါတယ်။

ဒါပေမဲ့ တွေ့ဆုံပွဲဖြစ်မလာခင်မှာ အမေရိကန်က အဓိပ္ပာယ်မရှိတဲ့လုပ်ရပ်တွေ ပြုလုပ်နေတာဟာ စိတ်မကောင်းစရာ ပဲလို့ ဒုတိယနိုင်ငံခြားရေးဝန်ကြီးက ဆိုပါတယ်။
 မြောက်ကိုရီးယား နျူးကလီးယား စက်ရုံကို စစ်ဆေးနေတဲ့ ကင်ဂျုံအွန်း
တောင်ကိုရီးယားနဲ့အမေရိကန်ရဲ့ ပူးတွဲစစ်ရေးလေ့ကျင့်မှုကို ကန့်ကွက်တဲ့အနေနဲ့ မြောက်ကိုရီးယားက တောင်ကိုရီးယားနဲ့ အဆင့်မြင့် တွေ့ဆုံဆွေးနွေးပွဲအစီအစဉ်တခုကို ဖျက်သိမ်း လိုက်ပါတယ်။

အမေရိကန်နိုင်ငံခြားရေးဌာနက ပြောခွင့်ရ Heather Nauert ကတော့ လာမယ့်ထိပ်သီးအစည်းအဝေးကို ခြိမ်းခြောက်နိုင်တဲ့သတင်း ဘာမှ မရသေးဘူးလို့ ပြောပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ