 |
| မူစယ်ပစ်ခတ်မှုမှ ဒဏ်ရာရှိခဲ့သူ နမ့်ခမ်းဒေသခံစိုင်းယီလျန် မေလ ၁၇ ရက်နေ့တွင်သေဆုံး |
ဒီမနက်သေဆုံးသူဟာ နမ့်ခမ်းမြို့နယ် ပေါက်နေရပ်ကွက်သား စိုင်းယီလျန် ဖြစ်ပါတယ်။
ပစ်ခတ်မှုဖြစ်ပွါးတဲ့နေ့က မူစယ်မှာအလုပ်သွားလုပ်ရင်း နမ့်ခမ်းမှာမင်္ဂလာပွဲဝင်ဖို့အပြန် လမ်းမှာ တအာင်းတပ်ဖွဲ့ရဲ့ပစ်ခတ်မှုခံရတာဖြစ်တယ်လို့ မူစယ်မြို့ခံ မိတ်ဆွေတဦးကပြောပါတယ်။
သူနဲ့အတူ သူ့ရဲ့အမျိုးသမီးနဲ့ပေါက်တဲန်မ ကပြည်သူ့စစ်တဦး ပါတယ်။ သူတို့ကကားနဲ့ နမ့်ခမ်းကိုပြန်မှာ။ ပြည်သူ့စစ်ကတော့ ပွဲချင်းပြီးသေတယ်။ သူကျတော့ လည်ပင်းမှာနဲ့ ခါးမှာကျည်စ ဝင်သွားတယ်။ ဒဏ်ရာပြင်းလို့ မိုင်းခွန်ဆေးရုံမှာသွားပြီးခွဲထုတ်ထာ။ အောက်ဆီဂျင်ပေးထားရတယ်။ မနေ့က အောက်ဆီဂျင်ဖြုတ်တာနဲ့ သေတာ။- မူစယ်မြို့ခံ အေယိင်းက ပြောပါတယ်။
လက်ရှိတွင် ၄င်း၏ အလောင်းအား မိုင်းခွန်ဆေးရုံမှ နမ့်ခမ်းမြို့သို့ ယနေ့သယ်ဆောင်လာခဲ့ပြီး အသုဘအခမ်းအနားပြုလုပ်ပေးသွားမည်ဖြစ်ကြောင်း နီးစပ်သူဆွေမျိုးများထံမှသိရပါတယ်။
မေလ ၁၂ ရက်နေ့က မူစယ်မြို့နယ် နမ့်ပေါ့တံတားထိပ်၊ နောင်ယန်း ရွှေလီမြစ်ကူး ကူးတို့ဆိပ်နဲ့ မူစယ်မြို့တဘက်ကမ်း စယ်လန့်အုပ်စုတွေမှာ တအာင်းအမျိုးသား လွှတ်မြောက်ရေး တပ်မတော် TNLA က နေ ၀င်ရောက်တိုက်ခိုက်ခဲ့ပါတယ်။ ရဲတပ်ဖွဲ့နဲ့ ပြည်သူ့စစ်တပ်ဖွဲ့ပူးပေါင်းတပ်တို့နဲ့တိုက်ပွဲဖြစ်ပွါးအတွင်း မေလ ၁၂ ရက်နေ့က ဒေသခံလူထု ၁၉ ဦး သေဆုံးပြီး ၂၇ ဦး ဒဏ်ရာရရှိခဲ့ပါတယ်။ ဒဏ်ရာရရှိတဲ့သူတွေကို မန္တလေးဆေးရုံကိုပို့ရင်း ၁ ဦးထပ်မံသေဆုံးပြီး လက်ရှိမှာတော့ မိုင်းခွန်ဆေးရုံမှာ ၁ ဦးထပ်မံသေဆုံးတာကြောင့် စုစုပေါင်းသေဆုံးသူ ၂၁ ဦးနဲ့ ဒဏ်ရာရရှိသူ ၂၅ ဦး ရှိပါတယ်။
သေဆုံးသူထဲမှာ တရုတ်နိုင်ငံဘက်ခြမ်းကနေ လာရောက်အလုပ်လုပ်တဲ့ တရုတ်နိုင်ငံသား ၃ ဦးလည်း ပါရှိကြောင်းသိရပါတယ်။
သျှမ်းသံတော်ဆင့်၊ဟွမ်ဟိန်း
http://burmese.shannews.org
မူစယ်ပစ်ခတ်မှုမှ ဒဏ်ရာရှိသူ ၂၆ ဦးအနက် ၁ ဦးထပ်မံသေဆုံး
Reviewed by THITHTOOLWIN
on
19:56
Rating:
Reviewed by THITHTOOLWIN
on
19:56
Rating:
