လက်နက်ကြီးကျည်ပေါက်ကွဲပြီး ကလေးငယ်တစ်ဦး သေဆုံး

လက်နက်ကြီးကျည်ပေါက်ကွဲပြီး သေဆုံးသွားတဲ့ ကလေးငယ်ကို တွေ့ရစဉ်/ ဓါတ်ပုံ - ဒေသခံတစ်ဦး
ရှမ်းပြည်နယ် နမ္မတူမြို့နယ် နားဆိုင်းကျေးရွာဘူတာရပ်ကွက်အတွင်းမှာ မနေ့က လက်နက်ကြီးကျည် ပေါက်ကွဲပြီး ကလေးငယ်တစ်ဦး သေဆုံးကာ နှစ်ဦးက လားရှိုးဆေးရုံမှာ ဆေးကုသမှုခံယူနေရပါတယ်။

ကလေးငယ်တွေဟာ အဲဒီလက်နက်ကြီးကျည်ကို တွေ့ပြီး ဆော့ကစားရာကနေ ပေါက်ကွဲတာဖြစ်နိုင်ကြောင်း နားဆိုင်း ကျေးရွာအုပ်ချုပ်ရေးမှူး ဦးကျင်စုံမီ က ပြောပါတယ်။

အသက် ၇နှစ်အရွယ် ကလေးငယ်တစ်ဦး သေဆုံးခဲ့တာဖြစ်ပြီး အသက် ၉နှစ် နဲ့ အသက် ၁၅ နှစ်အရွယ် နှစ်ဦးကို လားရှိုးဆေးရုံမှာ ပို့ဆောင်ထားတာဖြစ်ပါတယ်။

ပြီးခဲ့တဲ့ မတ်လ ၁၇ရက်နေ့က နားဆိုင်းကျေးရွာအတွင်း တပ်မတော်၊ TNLA နဲ့  RCSS တပ်တွေ သုံးပွင့်ဆိုင် တိုက်ပွဲဖြစ်ပွားခဲ့တဲ့ နေရာတ၀ိုက်မှာ ပေါက်ကွဲခဲ့တာဖြစ်ပါတယ်။

အဲဒီတိုက်ပွဲအတွင်းမှာ ကျေးရွာထဲကို လက်နက်ကြီးကျတာကြောင့် နေအိမ်တချို့ ပျက်စီးခဲ့ပြီး နားဆိုင်းကျေးရွာအုပ်စု နဲ့ လွယ်ပြေကျေးရွာက ဒေသခံတွေဟာ နမ္မတူမြို့ ဗုဗ္ဗာရုံကျောင်း၊ မန်စံကျေးရွာက ဘုန်းတော်ကြီးကျောင်းနှစ်ခုနဲ့ လားရှိုးမြို့ပေါ်တွေကို ထွက်ပြေးတိမ်းရှောင်ခဲ့ကြရာကနေ မကြာခင်ကမှ နေရပ်ပြန်သွားကြတာဖြစ်ပါတယ်။

ဒီကနေ့ မနက်က ကျောက်မဲ - သီပေါလမ်းပိုင်း ရေပူကျေးရွာအနီး မောင်ဖုန်းတောင် အဆင်းလမ်းမှာ နွားတင် လာတဲ့ ကုန်တင်ကားတစ်စီးပစ်ခတ်ခံရတာကြောင့် ယာဉ်မောင်း သေဆုံးခဲ့ပြီး နှစ်ဦးဒဏ်ရာရရှိခဲ့ပါတယ်။

အဲဒီဖြစ်စဉ်နဲ့ ပတ်သက်ပြီး သီပေါမြို့ မရဲစခန်းကို ဖုန်းနဲ့ ဆက်သွယ်မေးမြန်းပေမယ့် ဖုန်းလက်ခံဖြေကြားခြင်း မရှိပါဘူး။

ရှမ်းပြည်နယ်မြောက်ပိုင်းက နောင်ချို-ဂုတ်တွင်းလမ်းနဲ့  ကျောက်မဲ-သီပေါ-လားရှိုးလမ်းပိုင်းတွေမှာ နွားတင်တဲ့ ကားတွေ မကြာခဏပစ်ခတ်ခံနေရပြီး လူသေဆုံးမှုတွေ ရှိနေပါတယ်။

RFA Burmese
https://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ