မြောက်ဦးမြို့နယ် ကျောက်ကျပ် ကျေးရွာအုပ်ချုပ်ရေးမှူးနှင့်ဇနီး ဓါးခုတ်ခံရ


နိရဉ္စရာ၊ မေ ၁၆

ရခိုင်ပြည်နယ် မြောက်ဦးမြို့နယ် ကျောက်ကျပ် ကျေးရွာ အုပ်ချုပ်ရေးမှူးနှင့် ဇနီးဖြစ်သူတို့သည် ယနေ့ နံနက် အစောကြီးအချိန်တွင် ဓါးခုတ်ခံရသဖြင့် ပြင်းထန်စွာ ဒဏ်ရာရရှိသွားကြောင်း သတင်းရရှိသည်။

ကျောက်တော် ဆေးရုံသို့ကိုယ်တိုင် သွားကြည့်ခဲ့သူ မောရမြေ ဦးကျော်လှမြင့်က “ သွေးအကူအညီလိုလို့ မနက်က ကျွန်တော်ကို လာခေါ်တာနဲ့ ကျောက်တော်ဆေးရုံကြီးလိုက်သွားခဲ့ပါတယ်။ ဒဏ်ရာပြင်းထန်တဲ့ အတွက် သွေးသွင်းပြီးတာနဲ့ သူတို့ နှစ်ဦးစလုံးကို စစ်တွေဆေးရုံကြီး ပို့ဆောင်မယ်လို့ သိရပါတယ်” ဟု ပြောဆိုသည်။

ဓါးခုတ်ခံရသူများမှာ ကျောက်ကျပ် ကျေးရွာအုပ်ချုပ်ရေးမှူး ဦးစိန်အောင်ကျော်နှင့် ဇနီးဖြစ်သူ ဒေါ်အေးသန်းတို့ ဖြစ်ကြပြီး သူတို့အား ကျောက်တော် ဆေးရုံသို့ ယူဆောင်လာခဲ့သည်ဟု သိရသည်။

“ သူတို့က နေအိမ်က ခြင်ထောင်ထဲမှာ အိပ်နေစဉ် ဒီကနေ့ ညည့် ၁ နာရီအချိန်မှာ ဓါးခုတ်ခံရတာ ဖြစ်တယ်လို့ သိရပါတယ်။ ဘယ်သူက ခုတ်သွားသလဲဆိုတာကိုလည်း တိတိကျကျ မသိရပါဘူး” ဟု သူက ပြောဆိုသည်။

ဇနီးဖြစ်သူမှာ လက်တစ်ဖက်၏ လက်ကောက်ဝတ်မှ ပြတ်ထွက်သွားသည်ဟုလည်း သိရသည်။

အဆိုပါ ဓားခုတ်မှုနှင့် ပတ်သက်ပြီး ပိုမို သိရှိလိုသဖြင့် မိသားစုများသို့ ဆက်သွယ်သော်လည်း ဖုန်းပိတ်သဖြင့် ဆက်သွယ် မရရှိခဲ့ပါ။

ကျောက်တော်မြို့မစခန်းသို့ ဆက်သွယ်ရာ စခန်းမှူးက “ ဖြစ်စဉ်မှန်ပါတယ်။ ဒဏ်ရာ ပြင်းထန်တဲ့ အတွက် ကျောက်တော်မှာ ခဏလေးဘဲထားပြီး စစ်တွေကို ယူသွားပါတယ်။ သူတို့က မြောက်ဦးမြို့နယ် တိန်ညို ရဲစခန်းအပိုင်မှာ ဖြစ်တဲ့ အတွက် တိန်ညိုရဲစခန်းကဘဲ အမှုဖွင့် ဆောင်ရွက်ပါလိမ့်မယ်” ဟု ပြောကြားသည်။

Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ