အစ္စရေးဆန့်ကျင်မှု ဆန္ဒပြပွဲ ပါလက်စတိုင်း ၄၀သေဆုံး

ဆန္ဒပြသူ ၄၀ နီးပါး သေဆုံးခဲ့
ဂါဇာ ဒေသမှာ ပါလက်စတိုင်း တွေက အစ္စရေး ဆန့်ကျင်ရေး အတွက် တောင်းဆို ဆန္ဒပြ နေစဉ်မှာ လုံခြုံရေး တပ်ဖွဲ့ တွေရဲ့ ပစ်ခတ်မှုကြောင့် ဆန္ဒပြသူ ၄၀ နီးပါး သေဆုံးခဲ့ပါတယ်။

အစ္စရေးနိုင်ငံ တဲလ်အဗစ် မြို့မှာ ရှိတဲ့ အမေရိကန်သံရုံးကို ဂျေရုဆလမ်မြို့ကို မပြောင်းရွှေ့မီ နာရီပိုင်းအလိုမှာ အစ္စရေးနဲ့ နယ်စပ် ဂါဇာမှာ ပါလက်စတိုင်းတွေက ဆန္ဒပြနေစဉ် ပစ်ခတ်မှု ဖြစ်ပွားခဲ့တာ ဖြစ်ပါတယ်။

သံရုံးသစ် ဖွင့်လှစ်တာဟာ ဂျေရုဆလမ်မြို့ကို အစ္စရေး အုပ်ချုပ်နေတာကို အမေရိကန်က ထောက်ခံတယ်လို့ ဆန္ဒပြတဲ့ ပါလက်စတိုင်းတွေက ယူဆနေတာလည်း ဖြစ်ပါတယ်။

ဒီမြို့ကို ပါလက်စတိုင်းကလည်း ပိုင်ဆိုင်တယ်လို့ ပြောဆိုမှုတွေ ရှိနေပါတယ်။ ဆန္ဒပြပွဲကို ဟားမက်စ်အဖွဲ့က ဦးဆောင်ပြီး အရင် ၆ ပတ်ကတည်းက ပြုလုပ်ခဲ့တာ ဖြစ်ပါတယ်။

အစ္စရေးကတော့ ဆန္ဒပြသူတွေက နယ်စပ် စည်းရိုးကို ချိုးဖောက်ခဲ့တယ်လို့ ဆိုပါ တယ်။
အစ္စရေးကတော့ ဆန္ဒပြသူတွေက နယ်စပ် စည်းရိုးကို ချိုးဖောက်ခဲ့
ဗြိတိန်မှာရှိတဲ့ ပါလက်စတိုင်း သံအမတ် မန်ရွယ် ဟာဆက်စီယိုကတော့ အမေရိကန်ရဲ့ လုပ်ဆောင်ချက်က ဒေသတွင်း ငြိမ်းချမ်းရေးကို ဖျက်ဆီးရာရောက်တယ်လို့ ပြောပါတယ်။

အစ္စရေး တပ်ဖွဲ့ရဲ့ ပစ်ခတ်မှုကြောင့် သေဆုံးသူတွေထဲမှာ အသက် ၁၄ နှစ်အရွယ် ယောက်က်ျားလေး တဦးပါသလို လူ ၉၀၀ ကျော် ဒဏ်ရာရတယ်လို့ ဟားမက်စ် အဖွဲ့က ထုတ်ပြန်ထားပါတယ်။

အမေရိကန် သမ္မတ ထရမ့်ရဲ့ သမီး အိုင်ဗင်ကာနဲ့ သမက် Jared Kushner တို့လည်း အမေရိကန် သံရုံးဖွင့်ပွဲကို တက်ရောက်ဖို့ ရှိနေပါတယ်။
အမေရိကန် သမ္မတ ထရမ့်ရဲ့ သမီး အိုင်ဗင်ကာနဲ့ သမက် Jared Kushner တို့လည်း အမေရိကန် သံရုံးဖွင့်ပွဲကို တက်ရောက် 
BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ